„ლიდერთა სკოლის“ მიზანია  შექმნას გარემო, რომელიც ხელს შეუწყობს ახალგაზრდების პიროვნულ განვითარებას, მათი შესაძლებლობებიდან და ლიდერობის პოტენციალიდან გამომდინარე.

 

 ,,ზაფხულის ლიდერთა სკოლა“  14-29 წლამდე ასაკის ახალგაზრდებისათვის მოეწყობა ქალაქგარეთ საკურორტო ზონებში,  ზაფხულის პერიოდში, მიმდინარე წლის 25 აგვისტოდან 4 სექტემბრის  ჩათვლით:

 

 პირველი ნაკადი ( 14-17 წლის 40 პერსონა)   - 25-30 აგვისტო;

 

 მეორე ნაკადი (18-29 წლის 40 პერსონა)  -30 აგვისტო-4 სექტემბერი;

 

  სრულყოფილად შევსებული სააპლიკაციო ფორმის გამოგზავნის ბოლო ვადაა მ/წლის 18 აგვისტოს 18:00 საათი.

 

ვრცლად იხილეთ ბმულზე :  https://docs.google.com/forms/d/1U3vsrPFnMshpcUSsSHs3IDUGTFGx_7TzAh1PXjA4kS4/edit

მერიამ შეიძინა მყარი ნარჩენების სეპარირებისთვის განკუთვნილი 10 ცალი ურნა, რომლებიც განლაგდა საპილოტე ლოკაციებზე, ამის საფუძველზე ასევე მოხდა ელექტრო წნეხის ჩამოტანა, რომლის საშუალებითაც შესაძლებელია პლასტიკის, მუყაოს, მაკულატურისა და ალუმინის ქილების დაწნეხვა.

 

"დღეს ორი ცხედრის პოვნა მოხერხდა. ერთი ცხედარი ნანახია უშუალოდ სტიქიის ეპიცენტრში ე.წ. კოტეჯების მიმდებარე ტერიტორიაზე, ერთ-ერთი მოზარდის ცხედარია, მეორე ცხედარი ნანახია მდინარის კალაპოტში, სტიქიის ეპიცენტრიდან დაახლოებით 2 კილომეტრში. ამ დროისთვის არის 21 ცხედარი ნანახი და დარჩენილია 12 ცხედარი, რომლის ძებნა ამ წუთებში ინტენსიურად მიმდინარეობს. ამჟამად აქტიური სამუშაოები 9 ლოკაციაზე მიმდინარეობს. რაც შეეხება უფრო მეტ ინფორმაციას ცხედრების შესახებ, სამწუხაროდ, არ მინდა რომ რაღაც ისეთი ინფორმაციის გაჟღერება მომიწიოს, რაც შემდგომ არ დადასტურდეს, ეს არის ერთი მოზარდი და ერთი მდედრობითი სქესის, თუმცა ჯერ კიდევ არ მინდა ვთქვა, იმიტომ რომ პროზექტურაში არიან გადასვენებული. ამ დროისთვის ოთხია, თუ არ ვცდები, რომლის იდენტიფიცირებაც მიმდინარეობს და ეს არის ამ დროის მდგომარეობა. დღევანდელი ცხედარი არც ერთი არ არის ამოცნობილი" - აღნიშნა საგანგებო სიტუაციების მართვის სამსახურის უფროსმა.

 

თემურ მღებრიშვილმა ასევე კომენტარი გააკეთა სტიქიის ზონაში არსებულ მიმდინარე სამუშაოებთან დაკავშირებით და განაცხადა, რომ მაშველები უსაფრთხოების ზომების გათვალისწინებით, აქტიურ სამუშაოებს აწარმოებენ სტიქიის ზონაში.

 

"როგორც გუშინ, დღესაც ინტენსიურად მიმდინარეობს, სამძებრო-სამაშველო ღონისძიებები 9 ლოკაციაზე. წავიწიეთ წინ და ძალიან დიდი ტერიტორია გვაქვს უკვე გადამოწმებული. მაქსიმალურად ხელს გვიწყობს ახლა სიტუაცია. მდინარის კალაპოტის საშუალებით ვცდილობთ, რომ ეს მასა, რომელიც შემოწმებული გვაქვს ბუნებრივის მსგავსად ჩავრეცხოთ მდინარეში, რომ იქ ადგილი გავათავისუფლოთ. გარდა ამისა, იცით თქვენ, რომ მაღალი ტემპერატურაა და შესაბამისად, არსებობს საფრთხე გარკვეული სახის დაავადებების. აქედან გამომდინარე, მაქსიმალური უსაფრთხოების ზომები გვაქვს მიღებული პირბადეების საშუალებით. ასევე, ვცდილობთ, რომ მაქსიმალურად ყველაფერი იყოს პროტოკოლის ფარგლებში, რაც აუცილებელია მსგავს სიტუაციაში", აღნიშნა თემურ მღებრიშვილმა.

 

საგანგებო სიტუაციების მართვის სამსახურის უფროსმა, გარდაცვლილების და დაკარგულების იდენტიფიცირებასთან დაკავშირებით, ჟურნალისტების მიერ დასმული კითხვის საპასუხოდ განაცხადა, რომ - "გასაჯაროების შესახებ ინფორმაციას ახლა მე ვერაფერს გეტყვით. ჩემი აზრით, ეს უნდა შეთანხმდეს უშუალოდ ჭირისუფლებთან და მათი ნებართვის შემდეგ შეიძლება გასაჯაროვდეს, თუმცა მე მაგაზე მეტს ვერაფერს ვერ მოგახსენებთ".

 

სამუშაოებში ჩართულნი არიან პოლიციის დანაყოფები, საგანგებო სიტუაციების მართვის სამსახურის მეხანძრე-მაშველები, კინოლოგთა ჯგუფი, სასაზღვრო პოლიციის ვერტმფრენები, დრონები და სპეცტექნიკა. ასევე, სტიქიის ზონაში მუშაობენ თავდაცვის სამინისტროს და ინფრასტრუქტურის სამინისტროს საავტომობილო გზების დეპარტამენტის თანამშრომლები.

ბაღდათის მუნიციპალიტეტის მერმა კახა ენუქიძემ, საკრებულოს თავმჯდომარე ნოდარ გიორგიძესთან ერთად,  2008 წლის აგვისტოს ომში, შინდისში გმირულად დაღუპული ფელიქს კაკაურიძის და ზვიად კაცაძის  ხსოვნას პატივი მიაგო და მათი საფლავები   ყვავივლებით შეამკო. სასულიერო პირებმა კი პანაშვიდი გადაიხადეს.

დღესვე ყვავილებით შეამკეს სოფელ დიმში გმირთა დედის მემორიალი.

 

2008 წლის აგვისტოს ომში ბაღდათის მუნიციპალიტეტიდან 2 ადამიანი დაიღუპა .

 

 

„მდინარის კალაპოტში ნანახია მდედრობითი სქესის ადამიანის ცხედარი, ასევე ნანახია ადამიანის ფრაგმენტიც. აღნიშნულ ლოკაციაზე დამატებითი მობილიზაცია მიმდინარეობს, რომ ძებნა-შველის არეალი უფრო მეტად გავშალოთ და გავაფართოოთ.

 

დღეს უკვე 10 ლოკაციაზე მიმდინარეობს საძიებო სამუშაოები, თავდაცვის სამინისტროს მიერ მივიღეთ სპეციალური აღჭურვილობა, რომლის საშუალებითაც ხდება ტერიტორიების დათვალიერება მეტალის აღმოჩენის მიზნით, მანქანის ფრაგმენტების და თვითონ მანქანის საძიებო მიმართულებით. სამუშაოები აქტიურად მიმდინარეობს“, - განაცხადა თემურ მღებრიშვილი.

 

ონის მუნიციპალიტეტში მეექვსე დღეა ძებნა-შველის ღონისძიება უწყვეტ რეჟიმში მიმდინარეობს. სამუშაოებში ჩართულნი არიან პოლიციის დანაყოფები, საგანგებო სიტუაციების მართვის სამსახურის მეხანძრე-მაშველები, კინოლოგთა ჯგუფი, სასაზღვრო პოლიციის ვერტმფრენები, დრონები და სპეცტექნიკა. ასევე, სტიქიის ზონაში მუშაობენ თავდაცვის სამინისტროს და ინფრასტრუქტურის სამინისტროს საავტომობილო გზების დეპარტამენტის თანამშრომლები.

 

მაშველების მიერ ამ დროისთვის სტიქიის ზონაში ძებნა-შველის ღონისძიების შედეგად აღმოჩენილია 19 ცხედარი.

 

 ქუთაისის მერმა იოსებ ხახალეიშვილმა, იმერეთში  სახელმწიფო რწმუნებულმა ზვიად შალამბერიძემ, საკრებულოს თავმჯდომარის პირველმა მოადგილემ გია ბასილაძემ, ადგილობრივი ხელისუფლებისა და ქალაქის საზოგადების წარმომადგენლებთან ერთად, გვირგვინებით შეამკეს აგვისტოს ომში დაღუპულთა ხსოვნისადმი მიძღვნილი მემორიალი.

 

 სასულიერო პირებმა პანაშვიდი გადაუხადეს ომში დაღუპულ გმირებს. მოეწყო აგვისტოს ომისადმი მიძღვნილი ფოტო-გამოფენა. 

 

 „ განსაკუთრებული მნიშვნელობის დღეა ჩვენთვის 8 აგვისტო. 15 წლის წინ, რუსული სამხედრო აგრესიის შედეგად დავკარგეთ ადამიანები, ტერიტორიები. მშვიდობიანი მოსახლეობა იძულებული გახდა დაეტოვებინა მშობლიური ადგილები.  ჩვენი ქვეყნის ტერიტორიების დროებითი ოკუპაცია ჯერ არ დასრულებულა.

 

 დღეს პატივი მივაგეთ ომში დაღუპული ჩვენი თანაქალაქელების ნათელ ხსოვნას. 

ტერიტორიული მთლიანობის აღდგენა და ქვეყნის გაერთიანება მშვიდობიანი გზით არის საქართველოს განვითარების უალტერნატივო პირობა.

ერთიან, ძლიერ, მშვიდობიან საქართველოში გვეცხოვროს! „- განაცხადა იოსებ ხახალეიშვილმა. 

 

 2008 წლის აგვისტოს ომში 8 ქუთაისელი ახალგაზრდა დაიღუპა.