საკრებულოს წევრი "ქართული ოცნებიდან" ელისო არჩაია მმართველ გუნდს ტოვებს და გახარიას პარტიას უერთდება.ამის შესახებ არჩაია ფეისბუქში წერს.

59-ე  საოლქო საარჩევნო კომისიის თავმჯდომარის ინფორმაციით, ადგილობრივი თვითმმართველობის არჩევნები ქალაქში განთავსებულ 123 საარჩევნო უბანზე ჩატარდება.ლარინა ლალიაშვილმა  უბნების ადაპტირების თაობაზეც ისაუბრა  და აღნიშნა,  რომ მათი მიზანია ისეთი ობიექტები იქნას შერჩეული,  რომლებიც მორგებულია სპეციალური საჭიროებების მქონე პირების საჭიროებებს, ან ექვემდებარება მარტივ ადაპტაციას. პარალელურად , საარჩევნო კოდექსში შესული ცვლილების თანახმად , შშმ სტატუსის მქონე პირებს აქვთ საშუალება მათ სამაჟორიტარო ოლქში ხმა ნებისმიერ უბანზე მისცენ.

„ქართული ოცნების“ წევრმა გივი მიქანაძემ პარტიის ოფისში გამართულ ბრიფინგზე პარტიის სოციოლოგიური ჯგუფის მიერ ქალაქ ქუთაისში ჩატარებული კვლევის შედეგები წარადგინა.

 კვლევაში 987 რესპონდენტი მონაწილეობდა.

 მონაცემები გახლავთ შემდეგი: „ქართული ოცნება“ – 44,7%;

„ნაციონალური მოძრაობა“ – 32,6%;

„პატრიოტთა ალიანსი“ – 3,1%;

„საქართველოსთვის“ 2,9%;

„სტრატეგია აღმაშენებელი“ -2,6%;

„გირჩი – მეტი თავისუფლება“ – 2,5%;

„ლელო“ 2,3%;

„ევროპული საქართველო“ – 2,2%;

„მოქალაქეები“ – 1,5%;

„ლეიბორისტული პარტია“ – 1,5%;

„გირჩი“ – 0,4%;

„ერთიანი საქართველო“ – 0,4%;

სხვა პარტიები 3,3%.

,,ქუთაისში, საკრებულოს არჩევნები ამგვარი შედეგებით რომ დასრულდეს, 3%-იან საარჩევნო ბარიერს წარმოდგენილი შედეგების მიხედვით მხოლოდ სამი პოლიტიკური სუბიექტი გადალახავს და 28 მანდატი შემდეგნაირად გადანაწილდება: „ქართული ოცნება“ – 16 მანდატი; „ნაციონალური მოძრაობა“ – 11 მანდატი; „პატრიოტთა ალიანსი“ – ერთი მანდატი.

 წარმოგიდგენთ მერობის კანდიდატების რეიტინგების შეწონილ მონაცემებს: „ქართული ოცნების“ კანდიდატი იოსებ ხახალეიშვილი - 50.3%; „ნაციონალური მოძრაობის“ კანდიდატი ხატია დეკანოიძე - 37.8%; სხვა დანარჩენები- 11.9%. როგორც ხედავთ, ჩვენს კანდიდატს აქვს ყველანაირი მონაცემი იმის, რომ პირველივე ტურში მერობის არჩევნებზე დამაჯერებლად გაიმარჯვოს. ასევე, თუ გავითვალისწინებთ პროპორციულ არჩევნებზე განაწილებულ ხმებს, ლოგიკურია, რომ 7-ივე მაჟორიტარს მოიგებს „ქართული ოცნება“ და ქუთაისის საკრებულოში დიდი უპირატესობა ექნება. თუმცა, ყველაფერი ამომრჩევლის ნებასა და აქტიურობაზე იქნება დამოკიდებული 2 ოქტომბერს,“– განაცხადა გივი მიქანაძემ.

"2 ოქტომბერს საქართველოს თითოეულმა მოქალაქემ უნდა უთხრას არა ბიძინა ივანიშვილს" - ქუთაისის მერობის კანდიდატმა ერთიანი ნაციონალური მოძრაობიდან, ხატია დეკანოიძემ საარჩევნო კამპანია დაიწყო.

კანდიდატი მხარდამჭერებს მოსწავლე-ახალგაზრდობის პარკში შეხვდა და სიტყვით მიმართა.

როგორც აღინიშნა,პანდემიიდან გამომდინარე კამპანია წესების დაცვით წარიმართება.დეკანოიძე ამბობს,რომ  ქუთაისი პროგრესის და წარმატების ქალაქი უნდა გახდეს.

"ძვირფასო ქუთაისელებო, თანამოქალაქეებო, ქუთაისი იმსახურებს მერს, ადამიანებს, რომლებიც არცერთი პარტიის დავალების შესრულებაში არ იქნებიან ჩართულნი. ქუთაისი იმსახურებს პროგრესს და ზუსტად ქუთაისიდან დაიწყო გაერთიანება, აღმავლობა, პროგრესი და ყველას ძალიან კარგად გვახსოვს, როგორ დაამცირა „ქართულმა ოცნებამ“ ქუთაისი, როდესაც მთავარი ადმინისტრაციული ქალაქის ფუნქცია წაართვა“, - აცხადებს ხატია დეკანოიძე.

ქალაქ წყალტუბოში, ყოფილ სანატორიუმ  „მედეას“ ტერიტორიაზე წყალტუბოს გენერალური გეგმის კონცეფციის საჯარო განხილვა გაიმართა.

კურორტის განვითარების გენერალური გეგმის პრაქტიკაში წარმატებით განხორციელების არ სჯერათ ოპოზიციაში.წყალტუბოს მუნიციპალიტეტის საკრებულოს წევრი "ევროპული საქართველოდან" სევერიან გორდულაძე დღეს გამართულ საჯარო განხილვას  ხელისუფლების მხრიდან პიარის ნაწილს უწოდებს და ამბობს , რომ მილიონი ლარი ,რომელიც გეგმის მოსამზადებლად  დაიხარჯა,  წყალში გადაყრილი თანხაა.

 „საქართველოს კონსტიტუციაში ცვლილების შეტანის შესახებ” საქართველოს კონსტიტუციურ კანონში ცვლილების შეტანის თაობაზე” საქართველოს კონსტიტუციური კანონის პროექტის საყოველთაო-სახალხო განხილვა ქუთაისში გაიმართა.

შეხვედრა აკაკი წერეთლის სახელმწიფო უნივერსიტეტის სამკითხველო დარბაზში შედგა.