პოლიტიკა

: პოლიტიკა; 20 ნოემბერი 2021; გადასვლები: 1262

ქუთაისის საკრებულოს ახალი შემადგენლობა არაუგვიანეს 13 დეკემბრისა უნდა შეიკრიბოს

საქართველოს საარჩევნო კოდექსის თანახმად, მუნიციპალიტეტების საკრებულოთა პირველი სხდომები არჩევნების საბოლოო შედეგების გამოცხადებიდან 30 დღის განმავლობაში ინიშნება. როგორც ქუთაისის 59-ე საოლქო საარჩევნო კომისიის თავმჯდომარე ლარისა ლალიაშვლი აცხადებს, არაუგვიანეს 13 დეკემბრისა, ცენტრალური საარჩევნო კომისია ქვეყანაში ახალ საკრებულოებს მოიწვევს. ქუთაისის საკრებულოს ახალი შემადგენლობა მრავალპარტიულია- "ქართული ოცნება" , "ერთიანი ნაციონალური მოძრაობა" , "გახარია საქართველოსთვის" და "მესამე ძალა-სტრატეგია აღმაშენებელი. საკრებულოში 18 დეპუტატი "ქართულ ოცნებას" ეყოლება, 17 კი ოპოზიციას. " მესამე ძალა - სტრატეგია აღმაშენებელი" 1 დეპუტატით იქნება წარმოდგენილი, "გახარია საქართველოსთვის" 2 დეპუტატით, ხოლო 14 წარმომადგენელი "ნაციონალური მოძრაობას"ეყოლება. დეპუტატებს შორის 12 ქალია. ფოტო არქივიდან.

: პოლიტიკა; 16 ნოემბერი 2021; გადასვლები: 1107

ქუთაისის მერი ფლანგვის დეტექტორს ჟურნალისტური ეთეკის ქარტიაში უჩივლებს

ქუთაისის მერია "ფლანგვის დეტექტორის" მიერ გავრცელებულ ინფორმაციას ეხმაურება.

"ქუთაისის მერიის მისამართით , მედიაპროექტმა "ფლანგვის დეტექტორმა" ამ დღეებში გაავრცელა დაუზუსტებელი და მცდარი ინფორმაცია. "ფლანგვის დეტექტორის" მიერ გავრცელებული ინფორმაციის თანახმად, 2019-2021 წლებში ბიუჯეტიდან მხოლოდ 125 800 ლარი დაიხარჯა შშმ პირთა დახმარებისთვის.

სინამდვილეში კი, 2019-2021 წლებში, ქუთაისის მუნიციპალიტეტში, შშმ პირთა დასახმარებლად სულ დაიხარჯა 2 946 000 ლარი, მათ შორის:

მედიკამენტებით უზრუნველყოფის ქვეპროგრამის ფარგლებში: 2019 წელს 40 000 ლარი; 2020 წელს-

50 000 ლარი, 2021 წელს- 92 000 ლარი.

სამედიცინო დახმარების უზრუნველყოფის ქვეპროგრამის ფარგლებში: 2019 წელი -580 000 ლარი, 2020წელი- 810 000 ლარი , 2021 წელი- 810 000 ლარი.

საზაფხულო დასვენების მოწყობა შავი ზღვის კურორტზე (მაგნიტური ქვიშა) 3-18 წლის შშმ პირებისათვის :2019 წელი- 105 000 ლარი, 2020 წელი- 105 000 ლარი , 2021 წელი-105 000 ლარი.

შეზღუდული შესაძლებლობის მქონე პირთა დახმარების ქვეპროგრამა: 2019, 2020, 2021 წლებში, ყოველწლიურად 40 000 ლარი.

შშმ პირთა მხარდაჭერაზე ორიენტირებული პროექტების დაფინანსების ქვეპროგრამა: 25 000 ლარი ყოველ საანგარიშო წელს, ჯამში 75 ათასი ლარი.

შშმ ბენეფიციარებისა და მიუსაფარ ბავშვთა საჭიროებებზე მომუშავე ორგანიზაციების ხელშეწყობა: ყოველწლიურად 18 000 ლარი , ჯამში 54 000 ლარი.

2019-2021 წლებში, სოციალურ და ჯანდაცვის პროგრამებზე, ჯამში, 16 მილიონ ლარზე მეტია დახარჯული.

მცდარია ინფორმაცია გაზრდილ წარმომადგენლობით ხარჯებთან დაკავშირებითაც- 2021 წელს, წარმომადგენლობითი ხარჯები 2020 წელთან შედარებით, 65 337 ლარით შემცირდა.

ქუთაისის მერი იოსებ ხახალეიშვილი "ფლანგვის დეტექტორს" "საქართველოს ჟურნალისტური ეთიკის ქარტიაში" უჩივლებს, ეთიკური სტანდარტის დარღვევის და მცდარი ინფორმაციის გავრცელების გამო.

ამასთანავე, ქუთაისის მერია მზადაა თანამშრომლობისთვის ნებისმიერ მედიაორგანიზაციასთან , რათა საზოგადოებას ზუსტი და სანდო ინფორმაცია მიეწოდოს."-წერია განცხადებაში.

: პოლიტიკა; 16 ნოემბერი 2021; გადასვლები: 1120

ქუთაისის მერმა არჩევნების შემდეგ მმართველ პარტიას 10 000 ლარი შესწირა

ქუთაისის მერმა იოსებ ხახალეიშვილმა 12 ოქტომბერს, ადგილობრივი თვითმმართველობის პირველი ტურის შემდეგ, "ქართულ ოცნებას" 10 ათასი ლარი შესწირა.ინფორმაციას "აი ,ფაქტი(ifact.ge) აქვეყნებს.

დეკლარაციის მიხედვით, იოსებ ხახალეიშვილის ყოველთვიური ხელფასი 1,499 ლარია. გამოდის, წლევანდელი ანაზღაურების ნახევარზე მეტი, უკან, პარტიაში დააბრუნა.

შეგახსენებთ, რომ ქუთაისში მერის არჩევნების მეორე ტური 30 ოქტომბერს გაიმართა. ხახალეიშვილმა პარტიას ისე გადაურიცხა თავისი ხელფასის ნახევარზე მეტი, რომ თანამდებობა ჯერ გარანტირებულად არ ეკავა.

: პოლიტიკა; 15 ნოემბერი 2021; გადასვლები: 1119

ქუთაისის მერი უნგრეთის ელჩს შეხვდა

ქუთაისის მერი იოსებ ხახალეიშვილი საქართველოში უნგრეთის ელჩს ანა მარია შიკოს შეხვდა. გაცნობითი ხასიათის შეხვედრაზე ქუთაისის მერმა და უნგრელმა დიპლომატმა ისაუბრეს ორ ქვეყანას შორის არსებულ მეგობრულ ურთიერთობებსა და სამომავლო გეგმებზე.

"დღეს უნგრეთის ახალ ელჩს შევხვდით. ქალბატონი ანა მარია შიკო პირველადაა ჩვენს ქალაქში და შეხვედრა საინფორმაციო ხასიათის იყო. ქუთაისს უნგრეთთან აქტიური, საქმიანი და მეგობრული ურთიერთობები აქვს. უნგრეთში გვყავს დამეგობრებული ქალაქი სომბათჰეი. მალე იგეგმება საქართველოში უნგრეთის კულტურის მინისტრის ვიზიტი და ჩვენი ერთობლივი სურვილია , ქუთაისიც იყოს ჩართული პროგრამაში. უნგრელ დიპლომატთან ვისაუბრეთ სამომავლო თანამშრომლობაზეც სხვადასხვა სფეროებში- კულტურის, ახალგაზრდობის, განათლებისა და სპორტის მიმართულებით."- განაცხადა იოსებ ხახალეიშვილმა.

შეხვედრაზე ე.წ "ვიშეგრადული ოთხეულის- V4" მოკლემეტრაჟიანი ფილმების ფესტივალის საქართველოს 3 ქალაქში- თბილისში, ქუთაისსა და ბათუმში ჩატარების შესახებაც ისაუბრეს.

: პოლიტიკა; 10 ნოემბერი 2021; გადასვლები: 1294

პენიტენციური სამსახური მიხეილ სააკაშვილს სასამართლო პროცესზე არ გადაიყვანს

პენიტენციური სამსახური მიხეილ სააკაშვილს სასამართლო პროცესზე არ გადაიყვანს. ამის შესახებ ნათქვამია პენიტენციური სამსახურის განცხადებაში.

როგორც განცხადებაშია აღნიშნული, სახელმწიფო უსაფრთხოების სამსახურის წარმოებაშია სს საქმე, დანაშაული, გათვალისწინებული სსკ-ის 315 მუხლის პირველი ნაწილით, სახელმწიფო უსაფრთხოების სამსახურის მიერ საჯაროდ გავრცელებული განცხადებით კი ცნობილი გახდა, რომ იგეგმებოდა მ. სააკაშვილის პენიტენციურ დაწესებულებაში ეტაპირებისათვის ხელის შეშლის მიზნით, დაწესებულებასთან მისასვლელი საავტომობილო გზების ბლოკირება, რიგი პოლიტიკური პარტიების წარმომადგენელთა საკუთრებაში არსებული ავტომანქანების საშუალებით.

„მათ განზრახული ჰქონდათ აღნიშნული დესტრუქციული ხასიათის მოქმედებების განხორციელება, რომელშიც მონაწილეობას მიიღებდა დაახლოებით 500-600 ავტომანქანა, რაც გამოიწვევდა უკონტროლო სიტუაციას, ქაოსსა და შექმნილი ვითარება ხელს შეუშლიდა მიხეილ სააკაშვილის ეტაპირების პროცესს.

აღნიშნული სახის ქმედებებს შესაძლოა ადგილი ჰქონდეს მისი სასამართლო დარბაზში ესკორტირების შემთხვევაშიც, ასევე, ბრალდებულ/მსჯავრდებულ მ. სააკაშვილს შეწყვეტილი აქვს მკურნალობის არსებითი ნაწილი, სასამართლო პროცესზე გაყვანა და დასწრება წარმოადგენს დამატებით რისკს მისი ჯანმრთელობისთვის.

ყოველივე ზემოაღნიშნულის გათვალისწინებით, სპეციალური პენიტენციური სამსახური მოკლებულია შესაძლებლობას მოახდინოს ბრალდებულ/მსჯავრდებულ მ. სააკაშვილის თბილისის საქალაქო სასამართლოში წარმოდგენა“, - ნათქვამია განცხადებაში.

ცნობისთვის, საქართველოს ყოფილი პრეზიდენტის, ბრალდების სისხლის სამართლის საქმეზე სასამართლო პროცესი დღეს, 13:00 საათზე გაიმართება.

: პოლიტიკა; 09 ნოემბერი 2021; გადასვლები: 1140

2019-2021 წლებში ქუთაისის მერიამ ჭამა-სმაში 179 ათასი ლარი დახარჯა

ინფორმაციას "ფლანგვის დეტექტორი" აქვეყნებს.

იმავე წლებში ბიუჯეტიდან მხოლოდ 125,800 ლარი დაიხარჯა შშმ პირთა დახმარებისთვის, ხოლო 238,800 ლარი პანდემიის მართვისთვის.

2019-21 წლებში ქუთაისის მერიის წარმომადგენლობითმა ხარჯებმა ჯამში შეადგინა 348,129 ლარი.

2019 - 249,336 ლარი

2020 - 93,973 ლარი

2021 - 28,636 ლარი

აქედან სარესტორნო მომსახურების ხარჯებმა 178,820 ლარი შეადგინა, სუვენირების შეძენა ქუთაისის მერიას 90,367 ლარი დაუჯდა, 18,183 ლარი ტრანსპორტირების ხარჯებმა, ხოლო 7,500 ლარი სასმელი წყლის ხარჯებმა შეადგინა.

აღსანიშნავია იმავე წლებში ქუთაისის ბიუჯეტიდან შშმ პირთა დახმარებისთვის გაწეული ხარჯები, რომელმაც ჯამში 125,800 ლარი შეადგინამ ანუ გაცილებით ნაკლები ვიდრე მერიის მიერ რესტორნებში დახარჯული თანხა.

238,800 ლარი დაიხარჯა პანდემიის მართვისთვის ქუთაისის მერიიდან, რომელიც დაახლოებით იგივე თანხაა, რამდენიც მერიამ რესტორნებსა და სუვენირების შეძენაში დახარჯა.

ცნობისთვის ქუთაისში 8,077 ადამიანი უკიდურეს სიღარიბეში ცხოვრობს, რომელთა თვიური საარსებო შემწეობა 60 ლარია. ქუთაისის მერიის მიერ რესტორანში დახარჯული თანხები 248 ადამიანის 1 წლის საარსებო შემწეობას უდ

2019 წელს ოპოზიციონერი პოლიტიკოსი გოგი წულაია აღნიშნულ თემაზე აქციას მართავდა მერიის შენობასთან და ქუთაისის მერს მოუწოდებოდა ხანდახან სახლშიც ეჭამა საჭმელი.

დღის სიახლეები

პოლიტიკის სიახლეები

Search