ჩინოვნიკები ხალხის ფულს საკუთარი ინტერესებისთვის ხარჯავენ- აცხადებენ ოპოზიციაში.
,,ნაციონალური მოძრაობის" ინფორმაციით , მერიამ ტურიზმის ცენტრისთვის 56 980 ლარად მინივენი შეიძინა და მეორე დღიდანვე, 2 თვეში მის შეკეთებაში 6000 ლარი დახარჯა. მინივენის შეძენის შემდეგ კი ტრანსპორტს იმავე მიზნისთვის ისევ ქირაობდნენ,რაც დამატებითი ხარჯია.
,,ნაციონალური მოძრაობა" ქუთაისის მერიაში შესაძლო კორუფციისა და ბიუჯეტის გაფლანგვის ფაქტზე გამოძიების დაწყებას ითხოვს.
"დოკუმენტებიდან ჩანს, რომ ავტომანქანა სავარაუდოდ იყო გაუმართავი, რადგან მისი შეძენის მეორე დღიდან, 27 ოქტომბრიდან 22 დეკემბრამდე (2 თვეში) ავტომანქანის რემონტზე დაიხარჯა - 6136 ლარი.
27 ოქტომბერი – 375 ლ.
9 ნოემბერი – 650 ლ
17 დეკემბერი – 1111 ლ
22 დეკემბერი – 4000 ლ
მოვითხოვთ, სასწრაფოდ დაიწყოს ამ ფაქტზე გამოძიება, რადგან არსებობს გონივრული ეჭვი, რომ შესაძლოა ადგილი ქონდეს კორუფციულ გარიგებას რამაც ბიუჯეტის თანხების გაფლანგვა გამოიწვია. ასევე უნდა დადგინდეს რეალურად ვის ეკუთვნოდა გაუმართავი ავტომობილი და რა ინტერესი ამოძრავებდა ქუთაისის მერიას 57 000 ლარი გადაეხადა გაუმართავ ავტომობილში.-აცხადებს ნაციონალური მოძრაობის წევრი გიგა შუშანია.
