პოლიტიკა

: პოლიტიკა; 12 დეკემბერი 2023; გადასვლები: 1015

ბაღდათში მომავალი წლის ბიუჯეტის საჯარო განხილვა გაიმართა

ბაღდათის მუნიციპალიტეტის 2024 წლის ბიუჯეტის პროექტის საჯარო განხილვა გაიმართა მოსწავლე ახალგაზრდობის სახლის დარბაზში. ბიუჯეტის პროექტის საჯარო განხილვას მოქალაქეებთან ერთად, ბაღდათის მუნიციპალიტეტის მერის პირველი მოადგილე დავით სილაგაძე, საკრებულოს თავმჯდომარე ნოდარ გიორგიძე, მერიის და საკრებულოს წარმომადგენლები დაესწრნენ. მომდევნო წლის ფინანსური დოკუმენტის პროექტი აუდიტორიას, ბაღდათის მუნიციპალიტეტის მერიის საფინანსო საბიუჯეტო სამსახურის უფროსმა ლერი გუმბერიძემ წარუდგინა. ბაღდათის მუნიციპალიტეტის 2024 წლის ბიუჯეტი წინა წელთან შედარებით 20%-ით გაიზარდა და 15 მილიონ ლარამდე განისაზღვრა. მთავარ ფინანსურ დოკუმენტში პრიორიტეტები ასე გადანაწილდა: 1.ინფრასტრუქტურის მშენებლობა -რეაბილიტაცია. 2 დასუფთავება და გარემოს დაცვა. 3. განათლება 4. კულტურა, ახალგაზრდობის ხელშეწყობა და სპორტი. 5.მოსახლეობის ჯანმრთელობის დაცვა და სოციალური უზრუნველყოფა. 6.ეკონომიკის განვითარების ხელშეწყობა. 2024 წლის ბიუჯეტის პროექტი, ბაღდათის მუნიციპალიტეტის საკრებულომ უკვე განიხილა და მას მიმდინარე წლის ბოლომდე დაამტკიცებს.

: პოლიტიკა; 11 დეკემბერი 2023; გადასვლები: 969

ნაციონალური მოძრაობის ქუთაისის ორგანიზაციის წევრები პარტიას ტოვებენ

ნაციონალური მოძრაობის ქუთაისის ორგანიზაციის წევრების უმრავლესობა პარტიას ტოვებს. ამის შესახებ ოპოზიციონერებმა ბრიფინგზე განაცხადეს. პარტიის მანდატზე უარს ქალაქის 10-დან 7 შტაბის წარმოდგენილი და საკრებულოს ფრაქციის 12-დან 7 დეპუტატი ამბობს . მათი განცხადებით ,პარტიაში არსებული არაფორმალური მმართველობის გამო ისინი თავის მომავალს ნაციონალურ მოძრაობასთან ერთად ვეღარ ხედავენ, ნიკა მელიასთან ერთიანდებიან და მიხეილ სააკაშვილის ერთგული რჩებიან. აღსანიშნავია, რომ დეპუტატები პარტიას ტოვებენ, მაგრამ ფრაქციას არა.

: პოლიტიკა; 07 დეკემბერი 2023; გადასვლები: 842

ქუთაისის 2024 წლის ბიუჯეტი 115,5 მილიონი ლარი იქნება-დღეს საჯარო განხილვა გაიმართა

ქუთაისის მუნიციპალიტეტის 2024 წლის ბიუჯეტის პროექტის საჯარო განხილვა აკაკი წერეთლის სახელმწიფო უნივერსიტეტში გაიმართა. ️

2024 წლის ბიუჯეტის პროექტი ქუთაისის მერიის საფინანსო პოლიტიკისა და სახელმწიფო შესყიდვების სამსახურის ხელმძღვანელმა დავით ნიშნიანიძემ წარმადგინა.

პროექტის მიხედვით ბიუჯეტი 115 , 5 მილიონი ლარით განისაზღვრა, რაც 14 მილიონი ლარით მეტია მიმდინარე წელთან შედარებით.

საგზაო ინფრასტრუქტურისთვის განსაზღრულია 33, 6 მილიონი ლარი. რამდენიმე ახალი პროგრამა დაემატა სოციალურ პროგრამებს - ჯამში კი, 7, 4 მლნ. ლარით დაფინანსდება, რაც თითქმის მილიონი ლარით მეტია 2023 წელთან შედარებით. ️1, 6 მილიონი ლარია განსაზღვრული კულტურის სფეროს დასაფინანსებლად და აქ გათვალისწინებულია იუნესკოს შემოქმედებითი ქსელის წევრი ქალაქის სტატუსის ფარგლებში განსახორციელებელი აქტივობები. ️

2 მილიონამდე ლარით დაფინანსდება სპორტული ღონისძიებები, ახალგაზრდა სპორტსმენების ხელშეწყობა და წახალისება. ახალგაზრდული პროგრამების განსახორციელებლად 400 000 ლარია ბიუჯეტში გათვალისწინებული და მოიცავს ახალგაზრდული ინიციატივების მხარდაჭერას.

1, 5 მილიონი ლარი მოხმარდება ტურიზმის სფეროს განვითარებას.

: პოლიტიკა; 07 დეკემბერი 2023; გადასვლები: 744

სად გამოიკვებება 650 ადამიანი?-ქუთაისის მადლიერების სახლის შენობა იყიდება-გიგა შუშანია

ქუთაისის ადგილობრივი ხელისუფლება მადლიერების სახლის შენობას ყიდის-ინფორმაცია ამის შესახებ ქუთაისის საკრებულოს წევრმა,,ერთიანი ნაციონალური მოძრაობის,,წარმომადგენელმა გიგა შუშანიამ გაავრცელა.

,, ქუთაისის მერი უფასო სასადილოს შენობის გაყიდვას ისე აპირებს, რომ ალტერნატიული შენობის ფართი არც აშენებულია და არც გამოყოფილი.

ყოველდღიურად სად გამოიკვებება 650 უკიდურესად გაჭირვებული ადამიანი,არ აინტერესებს, მთავარია მისი რესტორნების ხარჯი 200 000 ლარამდე გაზარდა ,,-გიგა შუშანია.

: პოლიტიკა; 05 დეკემბერი 2023; გადასვლები: 862

ქუთაისის მომავალი წლის ბიუჯეტის საჯარო განხილვა 7 დეკემბერს გაიმართება

ქუთაისის 2024 წლის ბიუჯეტის საჯარო განხილვა 7 დეკემბერს, აკაკი წერეთლის სახელმწიფო უნივერსიტეტის სამკითხველო დარბაზში გაიმართება.ქუთაისის საკრებულოს თავმჯდომარე მოქალაქეებს მოუწოდებს ბიუჯეტის განხილვის პროცესში ჩაერთონ.

,,მოვუწოდებ მოქალაქეებს, სამოქალაქო სექტორის წარმოამადგენლებს და არასამთავრობო ორგანიზაციებს ჩაერთონ ბიუჯეტის საჯარო განხილვის პროცესში და წარმოადგინონ ის შენიშვნები, რომელიც მათ მომდევნო წლის მთავარ ფინანსურ დოკუმენტთან დაკავშირებით გააჩნიათ.

რადგან ბიუჯეტი არის ქალაქის ფინანსური გეგმა და მასში ასახულია

ყველა ის პროექტი, რომელიც მოსახლეობის ინტერესზე არის მორგებული,

მნიშვნელოვანად მიმაჩნია მოქალაქეების სრული ჩართულობა და ყველა იმ შენიშვნის გათვალისწინება, რომელიც მათთვის არის რელევანტური.

ადგილობრივი ხელისუფლებისთვის პრიორიტეტს წარმოადგენს,

მოქალაქეების მაქსიმალური ჩართულობა ყველა იმ პროცესში, რომელიც თითოეული ჩვენგანის საერთო მიზანს ემსახურება. მიზანი კი არის თანამედროვეობასთან ესთეტიურად შერწყმული, მრავალსაუკუნოვანი ქალაქის განვითარება და გაძლიერება.,,-ირაკლი შენგელია,ქუთაისის საკრებულოს თავმჯდომარე.

received 1002513837517155

: პოლიტიკა; 29 ნოემბერი 2023; გადასვლები: 871

კატასტროფული-ოპოზიცია ქუთაისის 2024 წლის ბიუჯეტის პროექტს აფასებს

კატასტროფული ბიუჯეტის პროექტი- ასე შეაფასა ,,ერთიანი ნაციონალური მოძრაობის,, ქუთაისის საკრებულოს წევრმა ქალაქის 2024 წლის ბიუჯეტის პროექტი.გიგა შუშანიას თქმით, ოპოზიცია ბიუჯეტს მხარს არ დაუჭერს.შუშანიას შეფასებით,100 მილიონიან ბიუჯეტში პრიორიტეტები არასწორად არის გათვლილი.

,,ეს არის ბიუჯეტის პროექტი, რომელიც არის კატასტროფული ,წინა წლებთან შედარებით გაცილებით უარესი.თითქმის 5 მილიონამდე არის გაზრდილი ხელფასები.

რესტორნების ხარჯები,ფასები გაზრდილა რესტორნებში და 200 ათას ლარამდე გაზარდეს,ამის პარალელურად უფასო კვებაში საქონელი და მომსახურება 40 ათასი ლარით არის შემცირებული,საგზაო ინფრასტრუქტურა 2 მილიონ 280 ათასამდე ჩამოიყვანეს და ლამის 11 მილიონით არის შემცირებული.

ქუთაისი მიექანება უფსკრულისაკენ და თითოეულმა ქუთაისელმა უნდა ამოიღოს ხმა,,-განაცხადა გიგა შუშანიამ.

ქუთაისის მომდევნო წლის ბიუჯეტი პროექტის მიხედვით 100 მილიონი ლარია.

დღის სიახლეები

პოლიტიკის სიახლეები

Search