ქუთაისის ოპერის თეატრს გამოჩენილი მომღერალი, საოპერო რეჟისორი, იმპრესარიო ორლინ ანასტასოვი ეწვევა. მიზანი საერთაშორისო თანამშრომლობის დაწყებაა.

გამოჩენილი ბულგარელი მომღერლის (ბანი) ორლინ ანასტასოვის დებიუტი 20 წლის ასაკში შედგა რუსეს (ბულგარეთი) ოპერის სახელმწიფო თეატრში ვერდის „აიდაში“ ეგვიპტის ფარაონის როლით. საოპერო მომღერლების ოჯახში დაბადებულმა და აღზრდილმა ანასტასოვმა იმთავითვე მიიქცია ფართო საზოგადოების ყურადღება. 1998 წელს მომღერალმა მოიპოვა ჰრისტო ბრამბოვის საერთაშორისო კონკურსის პირველი პრემია.  მისი მზარდი საერთაშორისო კარიერის  აღმავალობას დიდად  შეუწყო ხელი 1999 წელს პლასიდო დომინგოს კონკურსში „OPERALIA”-ში გამარჯვებამ, რომლის პირველი პრემიის ლაურეატი გახდა 23 წლის მომღერალი. ამავე წელს შედგა ანასტასოვის დებიუტი მილანის „ლა სკალას“ სცენაზე დონიცეტის „სევილიელ დალაქში“ დონ ბაზილიოს როლში. საგულისხმოა, რომ ორლინ ანასტასოვი ყველაზე ახალგაზრდა ბანია რომელსაც ოდესმე უმღერია ამ თეატრში. შემდგომ წლებშიც  არაერთხელ წარსდგა მომღერალი ამ თეატრის მსმენელთა წინაშე. ორლინ ანასტასოვს, რომლის რეპერტუარი უზარმაზარი და ყოვლისმომცველია, მრავალჯერ აქვს ნამღერი მსოფლიოს ყველაზე პრესტიჟულ თეატრებში: ლონდონის „კოვენთ გარდენში“, ნიუ იორკის „მეტროპოლიტენ ოპერაში“, ვენის „შტაატსოპერაში“, პარიზის „გრანდ ოპერაში“, მადრიდის სამეფო ოპერაში, ლისაბონის „ლისეოში“, პალერმოს თეატრში „მასსიმო“, „არენა დი ვერონაში“ და ა.შ.

საქართველოს კულტურის, სპორტისა და ახალგაზრდობის მინისტრი თეა წულუკიანი  სამუშაო ვიზიტით ქუთაისს ეწვია. ვიზიტის ფარგლებში გამართულ შეხვედრებში მინისტრთან ერთად მონაწილეობდნენ მინისტრის პირველი მოადგილე კახა სიხარულიძე, სახელმწიფო რწმუნებული იმერეთის მხარეში ზვიად შალამბერიძე, საქართველოს პარლამენტის ქუთაისის მაჟორიტარი დეპუტატი ზაზა ლომინაძე, ქუთაისის მერის მოვალეობის შემსრულებელი დავით ერემეიშვილი, არქიტექტორ-რესტავრატორი ტარიელ კიპაროიძე და საქართველოს კულტურის, სპორტისა და ახალგაზრდობის სამინისტროს წარმომადგენლები. 

 ქუთაისში, საქართველო-რუსეთის 2008 წლის ომის მსხვერპლთა ხსოვნისადმი მიძღვნილი ფილმის „შინდისის“ საჯარო ჩვენება გაიმართება.ინფორმაციას ქუთაისის მერია ავრცელებს.

 მინისტრის ქუთაისში ვიზიტის შესახებ ინფორმაცია სამინისტროს ფეისბუქ გვერდზე ვრცელდება,სადაც წერია,რომ საქართველოს კულტურის, სპორტისა და ახალგაზრდობის მინისტრმა, თეა წულუკიანმა ბაგრატის ტაძარი მოინახულა და ადგილზე გაეცნო ტაძარში არსებულ მდგომარეობას. თეა წულუკიანმა კულტურული მემკვიდრეობისა დაცვის ეროვნული სააგენტოს წარმომადგენლებთან, სასულიერო პირებთან და არქიტექტორ-რესტავრატორ ტარიელ კიპაროიძესთან ერთად იმსჯელა ტაძრის წინაშე მდგარი გამოწვევების გადაჭრის გზებზე. 

ეროვნული მუზეუმის გუნდი იტალიელ კოლეგებთან ერთად გამოფენის მზადების პროცესშია. ვანის არქეოლოგიური მუზეუმი გამოფენას “სიცოცხლე და სიკვდილი - დიდებული პომპეი” 18 ივლისიდან უმასპინძლებს. ექსპოზიციაზე დამთვალიერებელი პომპეის არქეოლოგიური პარკიდან  მრავალფეროვან არქეოლოგიურ მასალა სიხილავს .

გამოფენა საქართველოს ეროვნული მუზეუმის და საქართველოში იტალიის საელჩოს ორგანიზებით გაიმართება.

საქართველოში დამთვალიერებელი პირველად ნახავს ანტიკური სამყაროს ისტორიის მნიშვნელოვან ეპიზოდს, რომელიც ახ. წ. 79 წელს, ვულკან ვეზუვის ამოფრქვევის შედეგად, ფერფლით დაფარული ძველი რომის დიდებული ქალაქის – პომპეის ისტორიას ასახავს. პომპეი, როგორც კარგად შემონახული ქალაქი, ანტიკური კულტურის კვლევის ერთ-ერთი მთავარი წყაროა.      

ვანის მუზეუმში მოსულ დამთვალიერებელს შესაძლებლობა ექნება, იხილოს პომპეის სახელგანთქმული კედლის მხატვრობის ნიმუშები და სახლის სხვადასხვა ნაწილში (ატრიუმი, ტრიკლინიუმი, პერისტილი, ლარარიუმი, ბაღი) აღმოჩენილი მრავალფეროვანი არქეოლოგიური მასალა. ექსპოზიციაზე განსაკუთრებული ადგილი ეთმობა ოქრომჭედლობის ნიმუშებს. ასევე, წარმოდგენილია ვულკანის ამოფრქვევის შედეგად დაღუპულთა თაბაშირის მოდელები. მუზეუმის ვიზიტორი გადაინაცვლებს სამყაროში, რომელიც აცოცხლებს ანტიკური ეპოქის იტალიის ერთი ქალაქის ყოველდღიურ ცხოვრებას ახ. წ. I საუკუნეში. 

გამოფენა დამთვალიერებელს 18 ივლისიდან სექტემბრის შუა რიცხვებამდე უმასპინძლებს.

გამოფენის მხარდამჭერია: თიბისი, იტალიური კომპანია "Glocal Project Consulting", საქართველოს კულტურის, სპორტისა და ახალგაზრდობის სამინისტრო, იმერეთში სახელმწიფო რწმუნებულის ადმინისტრაცია, „წინანდლის მამული"; საინფორმაციო მხარდამჭერია საქართველოს პირველი არხი.