ქუთაისის ინფექციურ საავადმყოფოში კორონავირუსი 102 წლის ბებომ დაამარცხა. მოხუცი ხანდაზმულთა სახლში დაინფიცირდა.ის კლინიკაში ორი კვირის წინ შეიყვანეს.  კლინიკის სამედიცინო დირექტორის ნოდარ მაღლაფერიძის თქმით, მოხუცი თავს კარგად გრძნობს და ის კლინიკიდან ხვალ გაეწერება.

ამ დროისთვის,კლინიკაში 77 ინფიცირებული პაციენტი მკურნალობს,აქედან 2 კრიტიკულად მძიმეა.

დღეს კორონავირუსის 1872 შემთხვევა დაფიქსირდა.აქედან 337 იმერეთში დადასტურდა, 913 თბილისში,296 აჭარაში.ქვემო ქართლში ბოლო 24 საათში, 89 ახალი შემთხვევა დაფიქსირდა, შიდა ქართლში 54, გურიაში 32, სამეგრელო-ზემო სვანეთში 90, კახეთში 13, მცხეთა- მთიანეთში 30, სამცხე -ჯავახეთში 11, რაჭა- ლეჩხუმსა და ქვემო სვანეთში კი -7.

ჯანდაცვის სამინისტროს ინფორმაციით, ამ დროის მონაცემებით, საქართველოში კორონავირუსით ინფიცირებულთა მისაღებად 249 საწოლია თავისუფალი.

ხვალიდან იმერეთში 22 საათიდან რესტორნების და ყველა გასართობი დაწესებულების მუშაობა იკრძალება.იგივე შეზღუდვა წესდება თბილისშიც. ამის შესახებ პრემიერ-მინისტრმა გიორგი გახარიამ მთავრობის სხდომის შემდეგ, ბრიფინგზე განაცხადა.

პრემიერის თქმით გამოსავალი წერტილოვანი შეზღუდვებია.გიორგი გახარია ვარაუდობს,რომ ვირუსის შემთხვევები გაიზრდება.

" ყველას უნდა გვესმოდეს, რომ ეს არ არის საკმარისი, ყველას გვაქვს ჩვენი წილი პასუხისმგებლობა და ეს პასუხისმგებლობა გადანაწილებულია მთავრობაზე, ხელისუფლებაზე და როგორც კერძო, ასევე სახელმწიფო ორგანიზაციებზე", - განაცხადა გახარიამ.

კორონავირუსის 919 შემთხვევიდან 366 თბილისში დაფიქსირდა.აჭარაში 286, იმერეთში- 104,სამეგრელო ზემო-სვანეთში 57 ახალი დადასტურებული შემთხვევაა. ქვემო ქართლში 44, შიდა ქართლში 21 , კახეთსა და გურიაში  13-13, მცხეთა-მთიანეთში 11, სამცხე ჯავახეთში არის 3 და რაჭა- ლეჩხუმსა და ქვემო სვანეთში 1 .

საქართველოში ბოლო 24 საათში კორონავირუსით ოთხი პაციენტი გარდაიცვალა.

გარდაცვლილთა რაოდენობა 113-ს შეადგენს.

მასწავლებლის Covid19-ით ინფიცირების გამო ქუთაისის N13 საჯარო სკოლაში სწავლის პროცეში შეწყდა.