"რიონის ხეობის მცველებმა" ხელისუფლებას ვადა ხვალ,12 საათამდე მისცეს

ხელისუფლებას ვადას ხვალ 12 საათამდე ვაძლევთ-განცხადება მოძრაობა "რიონის ხეობის გადარჩნისთვის "დამფუძნებელმა თბილისში მიმდინარე აქციაზე გააკეთა.ვარლამ გოლეთიანის თქმით,თუ ხელისუფლება მათ მოთხოვნებს  დააკმაყოფილებს,ისინი დედაქალაქის პარალიზებას მოახდენენ.

"წამზომი ჩართულია,მივიყვანოთ ბრძოლა ბოლომდე"-განაცხადა ვარლამ გოლეთიანმა.
ქუთაისში მუნიციპალური ტრანსპორტი 22:30 საათამდე იმუშავებს

უწყებათაშორისი საკოორდინაციო საბჭოს გადაწყვეტილებით, ე.წ. "კომენდანტის საათის" ცვლილებიდან გამომდინარე, ქუთაისში მუნიციპალურ ტრანსპორტზე დაწესებული შეზღუდვებიც იცვლება.

 მუნიციპალიტეტის მერიამ, ქუთაისის სატრანსპორტო კომპანიასთან ერთად, მიიღო გადაწყვეტილება, 18 მაისიდან ტრანსპორტმა ნაცვლად 20:00 საათისა, იმუშაოს 22:30 საათამდე.
კვლავ ძალაში რჩება მგზავრობისას დაწესებული რეგულაციები, რომელიც პირბადით გადაადგილების აუცილებლობას გულისხმობს.
საქართველოს ახალგაზრდა გიდების ასოციაცია  განცხადებას ავრცელებს

 

,, ჩვენთვის გაუგებარი მიზეზებით, დაკეტილია ყველაზე მნიშვნელოვანი და მოთხოვნადი ტურისტული ატრაქციები - მღვიმეები და კანიონები (პრომეთეს მღვიმე, სათაფლიის მღვიმე, ნავენახევის მღვიმე,მარტვილის კანიონი, ოკაცეს კანიონი, კინჩხის კანიონი ) .

 
 ისედაც, მძიმე ეკონომიკურ მდგომარეობაში მყოფი წყალტუბოს,ხონისა და მარტვილის მოსახლეობა, ამ დრომდე ელოდება მათი ძირითადი შემოსავლის წყაროს გახსნას და ტურისტების მასპინძლობას.
">გამომდინარე შექმნილი მდგომარეობიდან , ჩვენი ასოციაცია - სრულ მხარდაჭერას უცხადებს ტურიზმის ინდუსტრიის მიერ გაჟღერებულ მთავარ მოთხოვნებს :
 დროულად გაიხსნას ზემოთ ჩამოთვლილი ტურისტული ობიექტები ; სრულად მოიხსნას კომენდატის საათი ; დაჩქარდეს, ტურიზმის ინდუსტრიის ნებაყოფლობითი ვაქცინაცია ;,,-წერია განცხადებაში
 
 
ხვალ და ზეგ საქართველოში წვიმაა მოსალოდნელი

გარემოს ეროვნული სააგენტო მოსალოდნელი ამინდის შესახებ ინფორმაციას აქვეყნებს . 9-10 მაისს საქართველოში მოსალოდნელია წვიმა ელჭექით, ზოგან ძლიერი და სეტყვა, მაღალმთაში თოვლი, დროგამოშვებით ძალიან ძლიერი ქარი, ზღვაზე 3-4 ბალიანი ღელვა. მოსალოდნელმა ძლიერმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში თოვლის ზვავების ფორმირება და მეწყრული პროცესების ჩასახვა - გააქტიურება გამოიწვიოს.

გუმათჰესთან აქციის მონაწილეებმა შესაძლო დაპირისპირებისგან თავის ასარიდებლად კარავთან გადაინაცვლეს

ნამახვანჰესის მშენებლობის წინააღმდეგ უწყვეტი პროტესტი გუმათში გრძელდება, სადაც პოლიციას  მეორე დღეა რკინის ჯებირები აქვს აღმართული.,,რიონის ხეობის მცველმა,, ვარლამ გოლეთიანმა განაცხადა, რომ გუმათჰესთან ერთმანეთთან დაპირისპირებულ ორ ჯგუფს ელოდებიან , ამიტომ შესაძლო დაპირისპირებისგან  თავის ასარიდებლად მათ რკინის ჯებირებთან ტერიტორია დატოვეს და კარავთან გადაინაცვლეს.

,,ჩვენ არც ერთ ჯგუფთან არ გვაქვს პიროვნული დაპირისპირება. ახლა ვხედავთ რომ სხვა ,ერთმანეთთან დაპირისპირებული ჯგუფები იყრიან აქ თავს , მივმართეთ პოლიციის უფროსს და ვუთხარით, რომ შეიძლება მოხდეს  დაპირისპირება, რამაც შეიძლება გამოიწვიოს მშვიდობიანი აქციის დისკრედიტაცია, რაც ცალსახად ხელისუფლების ინტერესია, ამიტომ ამის თავის ასარიდებლად გავემიჯნებით ამ პროცესს და გადავინაცვლებთ ქვეით კარავთან, პოლიცია და ის ჩამოსული ჯგუფები დარჩებიან ერთმანეთის პირისპირ. ჩვენი მიზანი არ არის შევიდეთ ვინმესთან დაპირისპირებაში და ვემიჯნებით ძალადობას. მოდიან ერთმანეთთან დაპირისპირებული ჯგუფები, რომლებსაც არ აქვთ ერთმანეთთან კარგი ურთიერთობა,  არ არის რთული მისახვედრი რისთვის შეიძლება მოდიოდნენ აქ. პოლიციას ვუთხარით ეს ყველაფერი და გავაფრთხილეთ , რომ იქონიოთ რეაგირება მაგრამ მათ თქვეს, რომ ვერ ექნებათ ამაზე ვერანაირი რეაგირება,,-ვარლამ გოლეთიანი.

გავრცელებული ინფორმაციით, გუმათჰესტან მიმდინარე აქციაზე მისვლას ქართული მარში და დომენიკ მანგო გეგმავენ.

გადადგეს ეკონომიკის მინისტრი- აქციაზე ნათია თურნავას გადადგომას ითხოვენ

აქციაზე,რომელიც ქუთაისის ცენტრალურ მოედანზე ნამახვან ჰესის მშენებლობის წინააღმდეგ იმართება, ეკონომიკის მინისტრის გადადგომას ითხოვენ.შეკრებილებიც სკანდირებენ "გადადექი"

"მოვუწოდებთ პრემიერს, გაუშვით თანამდებობიდან ნათია თურნავა.თორემ მოგვიწევს გავაჟღეროთ მოთხოვნა , რომ გადადგეს ისიც და  მთავრობაც.ეს ხალხი მოსულია, რომ სისხლის ბოლო წვეთამდე დავიცვათ ჩვენი მიწა"- აცხადებენ აქციაზე.

დღის სიახლეები

სხვა სიახლეები

© 2020 Act2. ყველა უფლება დაცულია
ტელ: +995 558 35 06 15; ელ. ფოსტა: info@act2.ge

Search