გადადგეს ეკონომიკის მინისტრი- აქციაზე ნათია თურნავას გადადგომას ითხოვენ

აქციაზე,რომელიც ქუთაისის ცენტრალურ მოედანზე ნამახვან ჰესის მშენებლობის წინააღმდეგ იმართება, ეკონომიკის მინისტრის გადადგომას ითხოვენ.შეკრებილებიც სკანდირებენ "გადადექი"

"მოვუწოდებთ პრემიერს, გაუშვით თანამდებობიდან ნათია თურნავა.თორემ მოგვიწევს გავაჟღეროთ მოთხოვნა , რომ გადადგეს ისიც და  მთავრობაც.ეს ხალხი მოსულია, რომ სისხლის ბოლო წვეთამდე დავიცვათ ჩვენი მიწა"- აცხადებენ აქციაზე.

"პროტესტის 100 დღე"-კამპანია სექსუალური ძალადობის წინააღმდეგ

ქუთაისში კამპანია "პროტესტის 100 დღე" ფარგლებში ,,1000 მშობლის მარში,, გაიმართა.

კამპანია გმობს და უპირისპირდება სქესობრივ ძალადობას ქალების მიმართ. აქტივისტები და აქციის მონაწილეები მოითხოვენ სისტემურ ცვლილებებს როგორც სისხლის სამართლის კოდექსში,ასევე პროკურატურაში.

ქუთაისის პარალელურად ,მსგავსი მარში იმართება საქართველოს სხვა ქალაქებში,მათ შორის გორში,ზუგდიდში,მარნეულსა და რუსთავში.

იმერეთში კორონავირუსის 637 შემთხვევა გამოვლინდა

ბოლო 24 საათის განმავლობაში გამოვლენილია ვირუსით ინფიცირების 4 426 ახალი შემთხვევა .თბილისი-1 802 შემთხვევა, აჭარა-554, იმერეთი-637, ქვემო ქართლი-268, შიდა ქართლი-258, გურია-119, სამეგრელო-ზემო სვანეთი-400, კახეთი-219, მცხეთა-მთიანეთი-108, სამცხე-ჯავახეთი-50, რაჭა-ლეჩხუმი და ქვემო სვანეთი-1.

ბოლო 24 საათში გამოჯანმრთელდა 3 721 პირი, ხოლო ჯამში გამოჯანმრთელებულთა რაოდენობა გაიზარდა-110 049-მდე.

ბოლო 24 საათში 35 ადამიანი  გარდაიცვალა.
შორის, 6 373 ადამიანი მკურნალობს საავადმყოფოში, მათ შორის, თბილისის საავადმყოფოებში-2 741, აჭარაში-1 019, იმერეთში-1 261. ამ ეტაპზე მძიმე პაციენტია 943 პირი, მათ შორის, თბილისში-429, აჭარაში-167, იმერეთში-190. მათ შორის ხელოვნური სუნთქვის აპარატზე იმყოფება 367 პირი, მათგან თბილისში-181, აჭარაში-56, იმერეთში-37. 3 945 ადამიანი მოთავსებულია კოვიდ-სასტუმროში, მათ შორის 1311-თბილისში, 2 058- აჭარაში, 284-იმერეთში. 10 745 პირი ვირუსის მკურნალობის კურსს გადის საცხოვრებელ ბინაზე.

საკარანტინე სივრცეებში მოთავსებულია 2 033 ადამიანი, მათ შორის, თბილისში-391, აჭარაში-1 055, ხოლო იმერეთში-35.

ამ ეტაპისთვის თვითიზოლაციაში იმყოფება 54 464 ადამიანი, მათ შორის თბილისში-18 845 პირი, აჭარაში-13 353, იმერეთში-4 578

ქუთაისის ინფექციურ საავადმყოფოში 102 წლის მოხუცი გამოჯანმრთელდა

ქუთაისის ინფექციურ საავადმყოფოში კორონავირუსი 102 წლის ბებომ დაამარცხა. მოხუცი ხანდაზმულთა სახლში დაინფიცირდა.ის კლინიკაში ორი კვირის წინ შეიყვანეს.  კლინიკის სამედიცინო დირექტორის ნოდარ მაღლაფერიძის თქმით, მოხუცი თავს კარგად გრძნობს და ის კლინიკიდან ხვალ გაეწერება.

ამ დროისთვის,კლინიკაში 77 ინფიცირებული პაციენტი მკურნალობს,აქედან 2 კრიტიკულად მძიმეა.

იმერეთში 24 საათის განმავლობაში კორონავირუსის 513 შემთხვევა გამოვლინდა.
კორონავირუსის 1872 შემთხვევიდან 337 იმერეთში დაფიქსირდა

დღეს კორონავირუსის 1872 შემთხვევა დაფიქსირდა.აქედან 337 იმერეთში დადასტურდა, 913 თბილისში,296 აჭარაში.ქვემო ქართლში ბოლო 24 საათში, 89 ახალი შემთხვევა დაფიქსირდა, შიდა ქართლში 54, გურიაში 32, სამეგრელო-ზემო სვანეთში 90, კახეთში 13, მცხეთა- მთიანეთში 30, სამცხე -ჯავახეთში 11, რაჭა- ლეჩხუმსა და ქვემო სვანეთში კი -7.

ჯანდაცვის სამინისტროს ინფორმაციით, ამ დროის მონაცემებით, საქართველოში კორონავირუსით ინფიცირებულთა მისაღებად 249 საწოლია თავისუფალი.

დღის სიახლეები

სხვა სიახლეები

© 2020 Act2. ყველა უფლება დაცულია
ტელ: +995 558 35 06 15; ელ. ფოსტა: info@act2.ge

Search