სტატისტიკის ეროვნული სამსახურის აღმასრულებელი დირექტორის, გოგიტა თოდრაძის განცხადებით, 2021 წლის დეკემბერში, წინა წლის შესაბამის პერიოდთან შედარებით, ქვეყნის ეკონომიკა 9.6%-ით გაიზარდა, ხოლო 2021 წლის საშუალო რეალური ზრდა 10.6 პროცენტით განისაზღვრა.

როგორც მან დღეს გამართულ ბრიფინგზე განაცხადა, 2021 წლის დეკემბერში, წინა წლის შესაბამის პერიოდთან შედარებით, ზრდა შეინიშნებოდა პრაქტიკულად ყველა სექტორში მშენებლობის გარდა.

2021 წლის ჯამური მონაცემებით, საქონლის ექსპორტი გაიზარდა დაახლოებით 27%-ით და 4 მილიარდ 242 მილიონ დოლარს გადააჭარბა, ხოლო 25%-ითაა გაზრდილი იმპორტის მაჩვენებელი და 10 მილიარდ დოლარს გაუტოლდა. 2021 წლის დეკემბერში ქვეყანაში დარეგისტრირდა დაახლოებით 4550 ახალი საწარმო, რაც წინა წლის შესაბამის პერიოდის მაჩვენებელს 21%-ით აღემატება. 31%-ით გაიზარდა ეკონომიკური ზრდის წინასწარი შეფასებისას გამოყენებულ დღგ-ის გადამხდელ საწარმოთა ბრუნვის მოცულობა და 11 მილიარდ 505 მილიონი ლარი შეადგინა,“- განაცხადა გოგიტა თოდრაძემ.

ქუთაისის საერთაშორისო  აეროპორტში მგზავრთა ნაკადი გაიზარდა . მონაცემები აეროპორტის ფეისბუქგვერდზე გამოქვეყნდა.

2021 წლის ოქტომბრის მონაცემებით, ქუთაისის აეროპორტი 34,217 მგზავრს და 163 რეისს მოემსახურა.

2021 წლის III კვარტალში საქართველოში უმუშევრობის დონე წინა წლის შესაბამის პერიოდთან შედარებით 2.5 პროცენტული პუნქტით გაიზარდა და 19.5 პროცენტი შეადგინა. ამის შესახებ ინფორმაციას საქართველოს სტატისტიკის ეროვნული სამსახური ავრცელებს.

„საქსტატის“ ცნობით, 2021 წლის III კვარტალში სამუშაო ძალამ (ეკონომიკურად აქტიურმა მოსახლეობამ) შრომისუნარიანი ასაკის მოსახლეობის (15 წლის და უფროსი ასაკის მოსახლეობა) 52.8 პროცენტი შეადგინა, რაც წინა წლის შესაბამის პერიოდთან შედარებით 2.5 პროცენტული პუნქტით მეტია, ხოლო დასაქმების დონე გაზრდილია 0.7 პროცენტული პუნქტით და 42.5 პროცენტს შეადგენს.

„სამუშაო ძალის მონაწილეობის დონე (აქტიურობის დონე) ქალაქის ტიპის დასახლებებში გაიზარდა 2.2 პროცენტული პუნქტით, ხოლო სოფლის ტიპის დასახლებებში - 2.8 პროცენტული პუნქტით. დასაქმების დონე ქალაქის ტიპის დასახლებებში გაიზარდა 0.8 პროცენტული პუნქტით, ხოლო სოფლის ტიპის დასახლებებში - 0.7 პროცენტული პუნქტით.

2021 წლის III კვარტალში დაქირავებულთა წილი დასაქმებულთა საერთო რაოდენობის 67.3 პროცენტს შეადგენდა, რაც 0.7 პროცენტული პუნქტით მეტია წინა წლის შესაბამის პერიოდთან შედარებით.

2021 წლის III კვარტალში უმუშევრობის დონე საქალაქო დასახლებებში წინა წლის შესაბამის პერიოდთან შედარებით გაზრდილია 1.9 პროცენტული პუნქტით, ხოლო სასოფლო დასახლებებში - 3.5 პროცენტული პუნქტით.

უმუშევრობის დონე ტრადიციულად მაღალია კაცებში, ქალებთან შედარებით. 2021 წლის III კვარტალში, წინა წლის შესაბამის პერიოდთან შედარებით, აღნიშნული მაჩვენებელი ქალებში გაზრდილია 2.1 პროცენტული პუნქტით, ხოლო კაცებში - 2.9 პროცენტული პუნქტით.

სამუშაო ძალის მონაწილეობის დონე (აქტიურობის დონე) ქალებთან შედარებით მაღალია კაცებში. 2021 წლის III კვარტალში აღნიშნული მაჩვენებელი ქალებში გაზრდილია 2.1 პროცენტული პუნქტით, ხოლო კაცებში - 2.9 პროცენტული პუნქტით.

სამუშაო ძალის მონაწილეობის დონე (აქტიურობის დონე) ქალებთან შედარებით მაღალია კაცებში. 2021 წლის III კვარტალში აღნიშნული მაჩვენებელი ქალებში 42.4 პროცენტს, ხოლო კაცებში 64.7 პროცენტს შეადგენდა. წინა წლის შესაბამის პერიოდთან შედარებით სამუშაო ძალის მონაწილეობის დონე (აქტიურობის დონე) ქალებში გაზრდილია 2.2 პროცენტული პუნქტით, ხოლო კაცებში - 2.8 პროცენტული პუნქტით.

2021 წლის III კვარტალში დასაქმების დონე როგორც ქალებში, ასევე კაცებში გაზრდილია წინა წლის შესაბამის პერიოდთან შედარებით, შესაბამისად 1.0 და 0.4 პროცენტული პუნქტით“, - ნათქვამია გავრცელებულ ინფორმაციაში.

მიმდინარე წლის 30 სექტემბრის ჩათვლით, საქართველოს დაცულ ტერიტორიებზე ვიზიტორთა რაოდენობა, წინა წლის ანალოგიურ პერიოდთან შედარებით, 2.4-ჯერ გაიზარდა.

2021 წლის 9 თვის მონაცემებით, საქართველოს დაცულ ტერიტორიებს 500 853 ვიზიტორი ეწვია. ვიზიტორთა შორის 48% საქართველოს (242 601), ხოლო 52% (258 252) სხვა ქვეყნის მოქალაქეა. აღსანიშნავია, რომ უცხოელი ვიზიტორების რაოდენობა გაზრდილია 10.4 -ჯერ.
2021 წელს, 9 თვის განმავლობაში, ყველაზე მეტი ვიზიტორი ეწვია შემდეგ ტერიტორიებს:
1. მარტვილის კანიონი
2. პრომეთეს მღვიმე
3. ყაზბეგის ეროვნული პარკი
4. ოკაცეს კანიონი
5. მტირალას ეროვნული პარკი
გარემოს დაცვისა და სოფლის მეურნეობის სამინისტროს დაცული ტერიტორიების სააგენტო აქტიურად განაგრძობს ქვეყანაში ეკოტურიზმის განვითარებას.  გაიხსნა ახალი ეკოტურისტული ობიექტი „თეთრა მღვიმე”, ასევე, საქართველოში პირველი, მრავალფუნქციური ეკოტურისტული სივრცის, წალკის კანიონის ნაწილი, სადაც მოგზაურობა ჩანჩქერამდე მიმავალ ახალ ბილიკზეა შესაძლებელი, ოკაცეს ჩანჩქერზე განახლდა 700 მეტრიანი ზიპლაინი, მოეწყო ახალი ბილიკები, მათ შორის, ბორჯომ-ხარაგაულის ეროვნული პარკის ნეძვის აღკვეთილში, სათაფლიაში.

ეკონომიკის მინისტრის,განცხადებით, ნამახვანჰესის მშენებლობის დაყოვნება ქვეყნისთვის კარგი არ არის. მინისტრის განმარტებითვე, ისინი კომპანია „ენკასთან“ დიალოგის რეჟიმში ცდილობენ საკითხის დარეგულირებას.

„ნამახვანის“ პროექტი ჩვენთვის ძალიან მნიშვნელოვანია, დაყოვნება რა თქმა უნდა, ქვეყნისთვის კარგი არ იქნება, რადგან ხედავთ, რომ ეკონომიკა ძალიან მაღალი ტემპით იზრდება, მიმდინარეობს აღდგენა, უკვე აღდგენასაც გაცდა. ეს არის აბსოლუტური ზრდა, რაც ერთი მხრივ ძალიან კარგია, მაგრამ ამავდროულად ნიშნავს ელექტროენერგიის მომატებულ მოხმარებას. ჩვენი ამოცანაა, მომატებული მოხმარება ძირითადად ჩვენი საკუთარი წყაროებით იფარებოდეს და ჩვენ საკუთარ ელექტროენერგიას მოიხმარდნენ ადამიანები, ბიზნესები და არა იმპორტირებულს. ჩვენი მიმართულებაა, რომ მაქსიმალურად დიალოგის რეჟიმში შევძლოთ კომპანია „ენკასთან“ ამ საკითხის დარეგულირება და არა საარბიტრაჟო დავის ფარგლებში, რა თქმა უნდა, არბიტრაჟი არ არის სასურველი არც ჩვენთვის და იმედი მაქვს, არც კომპანია „ენკასთვის“, რომლის მთავარი პროფილი მშენებლობაა და არა არბიტრაჟში დავა. აქედან გამომდინარე, ჩვენ მათთან კომუნიკაციით შევქმენით სამუშაო ჯგუფები, რომლებიც ერთმანეთთან შეხვედრებს, კომუნიკაციებს აწარმოებენ, არა ჩემ დონეზე ჯერჯერობით, თუმცა, პირადად ვაკვირდები, იმ წერილის შემდეგ ვაკვირდები ამ პროცესს და ვამონიტორინგებ, ხდება უკვე სპეციალისტების, იურისტების, ენერგეტიკოსების დონეზე ურთიერთკომუნიკაცია. რაც შეეხება ერთ თვეს და პროექტიდან გასვლას, ეს არ არის ასეთი მარტივი პროცესი, რადგან ხელშეკრულებით მკაფიოდ არის განსაზღვრული, რა შემთხვევაში შეიძლება ეს მოხდეს, როგორ და რანაირად. ეს არ არის ასე, რომ ცალმხრივად მოიწეროს ინვესტორმა და მიატოვოს პროექტი, ასე არ ხდება, მთელი რიგი პასუხისმგებლობებია აქ, სწორედ ამაზე ვსაუბრობთ ერთმანეთში, როგორ აღმოვფხვრათ ეს პრობლემა. ამაზე მეტს ვერაფერს გეტყვით, მაგრამ გიდასტურებთ, რომ არის კომუნიკაცია, სამუშაო ჯგუფი ჩვენი მხრიდანაც და მათი მხრიდანაც გამოყოფილი და არის პერიოდული შეხვედრებიც“, - განაცხადა თურნავამ.

2022 წლის სახელმწიფო ბიუჯეტის პირველადი პროექტის მიხედვით, სტატუსის მქონე მასწავლებლებისთვის 2022 წლის იანვრიდან, სახელფასო დანამატის 100 ლარით ზრდა არის გათვალისწინებული, ამისთვის კი პროექტით 79.4 მლნ ლარია განსაზღვრული.

ბიუჯეტის პროექტის მიხედვით,ზოგადსაგანმანათლებლო სკოლების დაფინანსება სწორედ 79.4 მლნ ლარითაა გაზრდილი და 975.0 მლნ ლარს შეადგენს.

რაც შეეხება განათლებისა და მეცნიერების სამინისტროს დაფინანსებას, ბიუჯეტის პროექტის მიხედვით, 2022 წელს 1 637.5 მლნ ლარითაა განსაზღვრული, რაც 2021 წლის დამტკიცებულ ასიგნებას 112.7 მლნ ლარით აღემატება.

ამასთან, ბიუჯეტის პირველადი ვერსიით, 88.7 მლნ ლარით გაზრდილია სკოლამდელი და ზოგადი განათლების დაფინანსება და 1 145.0 მლნ ლარითაა განსაზღვრული.