სენაკის ქალთა საინიციატივო ჯგუფის წევრებმა ონლაინ შეხვედრაზე პრობლემების ადვოკატირების დინამიკა შეაფასეს. აღინიშნა, რომ ჯგუფის წევრები მუდმივად არიან ჩართული ადვოკატირების პროცესში, რადგან აქტიური ჩართულობა  განსაზღვრავს პოზიტიურ შედეგს.

 ივლისის თვეში ქალთა საინიციატივო ჯგუფის მუშაობის სტრატეგიაში პრიორიტეტები შეიცვალა. ძლიერი წვიმის შედეგად  დევნილთა დასახლებაში ახალი პრობლემები გაჩნდა, რაც მათ სამოქმედო გეგმაში აისახა.

 სიტუაციის შეფასების მიზნით  შეაგროვდა ინფორმაციები, ფოტო და ვიდეომასალები, კომუნიკაცია შედგა  პასუხისმგებელ პირებთან.

 ადვოკატირების პროცესში თვითმმართველობა აქტიურად არის ჩართული, იგეგმება  სამინისტროების ჩართვა ამ პროცესში, რათა სტიქიის შედეგად გაჩენილი პრობლემები დროულად მოგვარდეს.

შეხვედრა ჩატარდა პროექტის - “ქალები და ახალგაზრდები  მშვიდობისა და უსაფრთხოების დღის წესრიგის ადგილობრივ დონეზე განხორციელებისთვის" (UN WOMEN) - ფარგლებში

8 ივლისს ქუთაისში ჩატარდა ტრენინგი მედიცინის მუშაკებისთვის. ტრენინგს ესწრებოდა 15 მონაწილე ხონის, წალენჯიხის, სენაკის, ჩოხატაურის და ზუგდიდის მუნიციპალიტეტებიდან.

ტრენინგზე, რომლის თემა იყო „სამედიცინო პერსონალის როლი ძალადობის პრევენციასა და მსხვერპლთა დაცვაში“, განიხილეს შემდეგი ძრითადი საკითხები: ქალთა და ბავშვთა მიმართ ძალადობა, სტამბოლის კონვენცია, რეფერირების მექანიზმები, მსხვერპლის იდენტიფიცირების ჯგუფები.

მონაწილეების შეფასებით, მათი აზრით, ეს მუშაობა აქტუალური და საჭიროა.

„ტრენინგი იყო ჩემთვის როგორც ექიმისთვის საინტერესო, გავამახვილებდი ყურადღებას მიღებულ ინფორმაციებზე, საინტერესო მეთოდებზე და გარემოზე“, - ტრენინგის მონაწილე ექიმი/

„ტრენინგის ფორმატმა მოგვცა საშუალება გვესაუბრა პრობლემის მიზეზებზე, როდის ვიქცევით სწორად და როდის არასწორად, მეტი ყურადღებაა გასამახვილებელი სამედიცინო პერსონალის ცნობადობის გაზრდაზე საჭირო რომ ყველა სამედიცინო მუშაკმა გაიაზროს თავისი პირდაპირი პასუხისმგებლობა“, - ტრენინგის მონაწილე ექიმი.

ტრენინგი მხარდაჭერილია პროექტით "ძალადობის მსხვერპლთა სერვისების ციფრული რესურსცენტრი".

მხარდაჭერილია კანადის თანასწორობის ფონდის მიერ.

3 ივლისს ხობის მუნიციპალიტეტის მერიის სხდომათა დარბაზში, ქალთა ფონდ ,,სოხუმის“ ორგანიზებით და ხობის მუნიციპალიტეტთან თანამშრომლობით, ჩატარდა ტრენინგი თემაზე: „მუნიციპალური გენდერული თანასწორობის სტრატეგია და სამოქმედო გეგმის შემუშავება“  ხობის მუნიციპალიტეტის გენდერული საბჭოს წევრების აქტიური მონაწილეობით.

ტრენინგის სამუშაო ნაწილში მონაწილეებმა გააკეთეს წინა გენდერული თანასწორობის გეგმის შესრულების მოკლე ანალიზი, განსაზღვრეს გენდერული თანასწორობის სტრატეგიის ძირითადი მიზნები და ამოცანები, მოახდინეს ადგილობრივი გენდერული ჯგუფების  საჭიროებების იდენტიფიცირება და შედგა დიალოგი გენდერული თანასწორობის პოლიტიკის განხორციელებისთვის საჭირო რესურსებზე.

27 ივნისს ჩატარდა ტრენინგი ქალთა მხარდაჭერის ცენტრის მობილიზატორებისთვის თემაზე: „ადვოკატირება მტკიცებულებების საფუძველზე“, რომელსაც ესწრებოდნენ ქალთა მხარდაჭერის ცენტრის  წარმომადგენლები 10 სამიზნე მუნიციპალიტეტიდან.

ტრენინგი  მიზნად ისახავდა მტკიცებულებებზე დამყარებული ადვოკატირებისთვის საჭირო უნარ-ჩვევების განმტკიცებას. განსაკუთრებული აქცენტები დაისვა პრობლემების გამოკვეთასა და რანჟირების საკითხზე, ასევე, დეტალური ინფორმაცია მტკიცებულებებზე დაყრდნობილი ადვოკატირების არსის, ეტაპების, განხორციელების ფორმების შესახებ.

მონაწილეებს შესაძლებლობა ჰქონდათ პრაქტიკული მაგალითების საფუძველზე ემსჯელათ  ადვოკატირების პროცესის ჯეროვნად ჩატარების შემაფერხებელ ფაქტორებზე, განესაზღვრათ სამიზნე ჯგუფები და დაინტერესებულ მხარეები.

„ტრენინგში მონაწილეობა მნიშვნელოვანი იყო  ქალთა მხარდაჭერის ცენტრის წარმომადგენლებისთვის, რადგანაც ისინი პროექტის ფარგლებში აქტიურად არიან ჩართულები  ადგილობრივი პოლიტიკის ფორმირების, ადგილობრივი პრობლემების ადვოკატირების პროცესში,“ - განცხადა ქალთა ფონდი „სოხუმის“ წარმომადგენელმა ხათუნა გოგუამ