ქუთაისში საზოგადოებრივი ტრანსპორტის მოძრაობა არ აღდგება
საზოგადოება
გადასვლები: 1134

24 დეკემბრიდან 2 იანვრამდე დიდ ქალაქებში - თბილისში, რუსთავში, ქუთაისში, ბათუმში, გორში, ზუგდიდში ფოთსა და თელავში საზოგადოებრივი ტრანსპორტით გადადგილების შეზღუდვა ძალაში რჩება. ასევე კვლავ აკრძალული იქნება საქალაქთაშორისო ტრანსპორტის მოძრაობა.

შესაბამისი გადაწყვეტილება კორონავირუსთან დაკავშირებით შექმნილმა უწყებათაშორისმა საკოორდინაციო საბჭომ მიიღო.

ასევე ძალაში რჩება 21:00 საათიდან დილის 05:00 საათამდე დაწესებული გადაადგილების შეზღუდვა .

გამონაკლისი კი მხოლოდ ახალ წელს და შობას დაიშვება. 

იმერეთში ყალბი ფულის დამზადების ფაქტზე 3 პირს პატიმრობა შეეფარდა
საზოგადოება
გადასვლები: 1168

საქართველოს ფინანსთა სამინისტროს საგამოძიებო სამსახურის თანამშრომლებმა, წინასწარი შეთანხმებით ჯგუფის მიერ, ყალბი ფულის დამზადება-გასაღების ფაქტზე ოთხი პირი ამხილეს, რომელთაგანაც სამს პატიმრობა შეეფარდა.

გამოძიებით დადგენდა, რომ ბრალდებულებმა, უკანონო მატერიალური სარგებლის მიღების მიზნით, იმერეთის რეგიონში, კომპიუტერული ტექნიკის გამოყენებით, დაამზადეს საქართველოს ეროვნული ბანკის ყალბი 50 და 100 ლარიანი კუპიურები, რომლებიც შემდგომში გაასაღეს ქ. ქუთაისში მდებარე ბენზინგასამართ სადგურებში და სავაჭრო ქსელში.
გამოძიების ამ ეტაპზე დადგენილია, რომ ბრალდებულების მიერ ჯამში გასაღებულია 550 ლარის ოდენობის ყალბი კუპიურა.
გამოძიება მიმდინარეობს საქართველოს სისხლის სამართლის კოდექსის 212-ე მუხლის მე-2 ნაწილით, რაც სასჯელის სახით ითვალისწინებს თავისუფლების აღკვეთას 7-დან 10-წლამდე ვადით.
ზემო იმერეთი და რაჭა 2021 წელს ერთმანეთს ახალი გზით დაუკავშირდება
საზოგადოება
გადასვლები: 1140

ზემო იმერეთი-რაჭის დამაკავშირებელი 51 კმ-მდე გზის მშენებლობა-რეკონსტრუქციის პროექტის ღირებულება105 000 000 ლარს შეადგენს . გზა საჩხერიდან იწყება და შემდეგ სოფლებზე: სარეკი, ქვემო ხევი, უზუნთა, შქმერი, ბოყვა, კვაშხიეთი, ზუდალი გაივლის და საბოლოოდ  ამბროლაური-ონის გზას შეუერთდება.
 არსებული გზა გრუნტოვანი იყო, პროექტის შესაბამისად კი გზის სრული რეაბილიტაცია მოხდება და ასფალტ-ბეტონის საფარი დაიგება.
 პროექტი 7 მონაკვეთადაა დაყოფილი. ამ დროისთვის, ინტენსიური სამუშაოები 4 ლოტზე ერთდროულად მიმდინარეობს. კერძოდ მიწის სამუშაოები, ხელოვნური ნაგებობების მოწყობა და ასფალტ-ბეტონის საფარის დაგება ხორციელდება.
ზემო იმერეთი - რაჭის ახალი საავტომობილო გზით საჩხერე-ონის მარშრუტი სულ მცირე 1 საათით მცირდება. სატრანსპორტო მოძრაობა საჩხერე-ონის გზაზე მნიშვნელოვნად გაზრდის უსაფრთხოების ხარისხს, განსაკუთრებით ქალაქებსა და სოფლებში. თბილისიდან ონში მგზავრობის დრო 1,5 საათით შემცირდება და 6 საათის ნაცვლად 4,5 საათი დასჭირდება.
პოლიციამ 745 ადამიანი პირბადის ტარების წესის დარღვევის ფაქტზე დააჯარიმა
საზოგადოება
გადასვლები: 1045

სამართალდამცველების მიერ განხორციელებული მონიტორინგის შედეგად ბოლო 24 საათის განმავლობაში მთელი ქვეყნის მასშტაბით, დაწესებული შეზღუდვების ფარგლებში მოქმედი რეგულაციების დარღვევის 849 ფაქტი გამოვლინდა.

 
პოლიციამ ადმინისტრაციულ სამართალდარღვევათა კოდექსის 42(10)-ე მუხლის შესაბამისად 104 ფიზიკური პირი დააჯარიმა.
 
დაჯარიმებულთა შორის არიან მოქალაქეები, რომლებმაც 21 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.
 
გარდა ამისა, 24 საათის განმავლობაში პირბადის ტარების წესის დარღვევის ფაქტზე, ადმინისტრაციულ სამართალდარღვევათა კოდექსის 42(11)-ე მუხლის შესაბამისად 745 ფიზიკური პირი დაჯარიმდა.
 
შინაგან საქმეთა სამინისტრო კვლავ მოუწოდებს მოქალაქეებს, დაიცვან დაწესებული შეზღუდვები, წინააღმდეგ შემთხვევაში, გამოყენებული იქნება კანონით გათვალისწინებული, შესაბამისი ზომები.
 
საქართველოს ტერიტორიაზე მყოფი ყველა პირი ვალდებულია, დაემორჩილოს საზოგადოებრივი ჯანმრთელობის სფეროში მოქმედ საქართველოს კანონმდებლობის მოთხოვნებს. შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.
 
პირბადის ტარების წესის დარღვევა იწვევს ადმინისტრაციულ პასუხისმგებლობას და ასკ-ის 42(11) -ე მუხლის შესაბამისად ჯარიმას 20 ლარის ოდენობით.
 
იზოლაციისა და კარანტინის წესის დარღვევა იწვევს ადმინისტრაციულ პასუხისმგებლობას და ასკ–ის 42(10)-ე მუხლის შესაბამისად ფიზიკური პირის დაჯარიმებას 2 000 ლარით, ხოლო იურიდიული პირის – 10 000 ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.
რა გახდა 36 წლის მამაკაცის გარდაცვალების მიზეზი?
საზოგადოება
გადასვლები: 1109

ხონის ფსიქიკური ჯანმრთელობის ეროვნულ ცენტრს გარდაცვლილის ოჯახი  პაციენტის ცემაში ადანაშაულებს.

36 წლის კობა ჩახუნაშვილის დედა ამბობს,რომ  მის შვილს საავადმყოფოში შესვლისას სხეულზე  არც დაზიანებები ქონდა და არც სიცოცხლისთვის შეუთავსებელი დიაგნოზი. სიკვდილის  მიზეზად კოვიდ ვირუსი სახელდება,თუმცა ოჯახის თქმით გარდაცვლილი არც კოვიდ დადებითი იყო .
სამედიცინო დაწესებულებაში პაციენტის ცემასთან დაკავშირებით კომენტარს არ აკეთებენ. 
გარდაცვლილის დედა  ამბობს,რომ  მის შვილს  კლინიკაში ფიზიკურად გაუსწორდნენ,რამაც მისი ჯანმრთელობის მდგომარეობა დაამძიმა. მოგვიანებით კობა ჩახუნაშვილი ჯერ ,,ევექსის " კლინიკაში,შემდეგ კი  ქუთაისში ,კლინიკა ,,ბომონდში " გადაიყვანეს,როგორც კოვიდ დადებითი პაციენტი,სადაც მიყვანიდან რამდენიმე საათში გარდაიცვალა. სიკვდილის  მიზეზად კორონავირუსი სახელდება .

 

იმერეთში გამოძალვის ბრალდებით ერთი პირი დააკავეს
საზოგადოება
გადასვლები: 1014

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის თერჯოლის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1984 წელს დაბადებული, წარსულში მრავალჯერ ნასამართლევი და ამჟამად პირობითი მსჯავრის ქვეშ მყოფი ე.გ. მოსამართლის განჩინების საფუძველზე დააკავეს. მას ბრალად არაერთგზის გამოძალვა ედება.

დანაშაული 4-დან 7 წლამდე ვადით თავისუფლების აღკვეთას ითვალისწინებს.
 
გამოძიებით დადგინდა, რომ ბრალდებულმა თერჯოლის მუნიციპალიტეტში მცხოვრებ მოქალაქეს - 1988 წელს დაბადებულ ი.კ.-ს მიმდინარე წელს, სხვადასხვა დროს, მუქარით 4050 ლარი გამოსძალა.
არაერთგზის გამოძალვის ფაქტზე გამოძიება საქართველოს სსკ-ის 181-ე მუხლის მე-2 ნაწილის „ბ“ ქვეპუნქტით მიმდინარეობს.
  1. იმერეთში გამოძალვის ბრალდებით ერთი პირი დააკავა
  2. ქუთაისის საერთაშორისო აეროპორტში გერმანიიდან რეისი შესრულდა
  3. ბოლო ორ დღეში მეორე ავარია ბაღდათი-ქუთაისის გზაზე
  4. სოფელ ვარციხესთან მომხდარ ავარიას 3 ადამიანი ემსხვერპლა
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search