"ოცნება აღარიბებს", "ხელისუფლება დაგვცინის"- ამ შინაარსის ტრანსფარანტებით ქუთაისის მერიის წინ "ერთიანი ნაციონალური მოძრაობის " ორგანიზებით აქცია გაიმართა.
აქციის მონაწილეებმა გაზრდილი კომუნალური გადასახადები და ფასები კიდევ ერთხელ გააპროტესტეს. მათი თქმით ,გაორმაგდა ყველა სახის პირველადი მოხმარების სურსათის ღირებულება, გაიზარდა გადასახადები, ხელისუფლება კი მდგომარეობის გაუმჯობესებისთვის არაფერს აკეთებს.
"დღევანდელი აქციით ვაპროტესტებთ გაძვირებულ ფასებს ,იმას,რომ უამრავი ქუთაისელი ახლა შიმშილობს და ვერ ყიდულობს პროდუქტს.ხელისუფლება არის სირაქლემას პოზიციაში.ხელფასი რაც გაიორმაგა ქუთაისის მერმა,ეთერ-ეთერ დადის და ქუთაისელებს გვეწუწუნება,რომ თურმე 5 500 ლარი არ ყოფნის საცხოვრებლად.გვყავს ხელიუფლება,რომელიც მარტო თავის თავზე ფიქრობს"- აცხადებს გიგა შუშანია "ერთიანი ნაციონალური მოძრაობის" წევრი.
აქციის მიმდინარეობის დროს მერიის წინ მობილიზებული იყო პოლიცია.
ქუთაისის მერია სოციალურად დაუცველი დაუცველთა კვების შესახებ "ერთიანი ნაციონალური მოძრაობის" წევრის ბრიფინგს განცხადებით პასუხობს.
"ერთიანი ნაციონალური მოძრაობის" წევრის გიგა შუშანიას მორიგი სიცრუე- პოლიტიკური, უსაფუძვლო ბრალდებები, "მადლიერების სახლის" ბენეფიციართა კვების შესახებ, არ შეესაბამება სინამდვილეს, არის ციფრებით მანიპულირება და მიზნად ისახავს მოსახლეობის შეცდომაში შეყვანას.
სოციალურად დაუცველი მოქალაქეებისთვის კვების ულუფები განისაზღვრება კალორაჟისა მიხედვით, რომელიც დადგენილია შესაბამისი დარგის სპეციალისტების მიერ და არა თითოეულ ბენეფიციარზე გაცემული ულუფის თვითღირებულებით.
ქუთაისის " მადლიერების სახლის" ბენეფიციართა კვების რაციონი სრულად შეესაბამება დადგენილ სტანდარტებს.
2022 წელს სოციალურად დაუცველთა კვებისთვის ქუთაისის მუნიციპალიტეტში განსაზღვრულია 654’000 ლარი და სრულად აკმაყოფილებს ბენეფიციართა მომართვიანობას. ამასთან, ქალაქის ბიუჯეტში ამ მიზნით განსაზღვრული თანხა ყოველწლიურად იზრდება და მიმდინარე წელს მადლიერების სახლის დაფინანსებამ 954 000 ლარი შეადგინა.
აღნიშნული თანხით შესაძლებელია სოციალურად დაუცველი მოქალაქეებისთვის წინასწარ დადგენილი კვების რაციონის შეუფერხებლად მიწოდება.
ამასთანავე, უნდა აღინიშნოს, რომ ადგილობრივ თვითმმართველობაში ხელფასების მატება ( მათ შორის თავად გიგა შუშანიას ხელფასის) და კონკრეტული თანამდებობის პირების თანამდებობრივ სარგოზე აქცენტების გადატანა წარმოადგენს პოლიტიკურ მასკარადს და არანაირ კავშირში არ არის სოციალურად დაუცველთა კვების საკითხთან თუ სხვა სერვისებთან . შესაბამისად, აღნიშნული განცხადება ემსახურება მხოლოდ პოლიტიკურ სპეკულაციას."-წერია განცხადებაში.
