ტელეკომპანია „იმედის“ დაკვეთით „გორბის“ მიერ ჩატარებული ეგზიტპოლის მიხედვით, 18:00 საათის მონაცემებით,ქუთაისში  „ქართული ოცნების“ მერობის კანდიდატმა ოსებ ხახალეიშვილმა - 51,9% -იანი მხარდაჭერა მიიღო. რაც შეეხება „ერთიანი ნაციონალური მოძრაობის“ მერობის კანდიდატს ხატია დეკანოიძეს, მას მხარი ამომრჩეველთა 48,1%-მა დაუჭირა.

რაც შეეხება სხვა ქალაქებს, „გორბის“ მიერ ჩატარებული ეგზიტპოლის მიხედვით,  მონაცემები ასე გადანაწილდა:

თბილისი - „ქართული ოცნება“ კახა კალაძე 57,2%, ,,ერთიანი ნაციონალური მოძრაობა,, ნიკა მელია 42.8%

ბათუმი - „ქართული ოცნება“, არჩილ ჩიქოვანი - 50,8%, „ნაციონალური მოძრაობა“, გიორგი კირთაძე 49,2%;

ქუთაისი - "ქართული ოცნება", იოსებ ხახალეიშვილი - 51,9%, "ნაციონალური მოძრაობა", ხატია დეკანოიძე 48,1%;

რუსთავი - "ქართული ოცნება", ნინო ლაცაბიძე - 53,8%, "ნაციონალური მოძრაობა", დავით კირკიტაძე 46,2%.

სულ ცოტა დრო დარჩა გამარჯვებამდე-ეს განცხადება ,,ერთიანი ნაციონალური მოძრაობის,, ქუთაისის მერობის კანდიდატმა მორიგ ბრიფინგზე გააკეთა.

,,.მე მინდა კონკრეტული ადამიანები გავაფრთხილო,ნუ ჩადიან კანონსაწინააღმდეგო ქმედებას.გამარჯვება არის ძალიან ახლოს.ნუ დარჩებით სახლში, ძალიან მნიშვნელოვანია თქვენი აქტიურობა.ყველანი უბნებზე, ყველანი ხმების დასაცავად.95-ე, 91-ე, 86 -ე, 33-ე საარჩევნო უბნებზე სპეციალურად დანიშნული ადამიანები მიდიან კარუსელებისთვის.ამ ადამიანებს აქვთ ხელზე გაკეთებული სპეციალური ნიშნული და მათ აღარ ატარებენ მარკირებას.უკანონო ქმედებაში ჩართულია რამოდენიმე სსაჯარო მოხელე და მათ ვაფრთხილებ,რომ შეწყვიტონ ფულის დარიგება და ადამიანებზე ზემოქმედება.ეს არის ინფრასტრუქტურის მინისტრის მოადგილე გაბუნია,რომელიც სასოწარკვეთილი იიყო პირველ ტურზე,მეორე, ეს არის ქალაქ  ქუთაისის ინფრასტრუქტურის სამსახურის უფრსი ჯონი არაბიძე,რომელიც ასევე ჩართული კარუსელებში.ასევე  საკრებულოს ყოფილი წევრი ნიკა დვალი, რომელიც მიმაგრებულია ავანგარდის ტერიტორიაზე და ატერორებს ადამიანებს.ჩვენ აუცილებლად შევიტანთ სარჩელს პროკურატურაში.არც ერთი ადამიანის უკანონო ქმედება არ დარჩება პასუხგაუცემელი ,,-განაცხადა ხატია დეკანოიძემ.

მერობის კანდიდატმა ასევე იმ ავტომობილების ნომრები დაასახელა, რომლების  კარუსელებში მონაწილეობენ.

17 საათის მონაცემებით,ქუთაისში ხმა 56 241 ამომრჩეველმა მისცა,რაც საერთო რაოდენობის 36,59%-ია.პირველ ტურზე ეს მონაცემები 35,2 % იყო. ქუთაისის 59-ე საოლქო საარჩევნო კომისიაში პროცედურული სახის 10 საჩივარია შესული.

მორიგი საინფორმაციო ბრუფინგი 20:30 წუთზე,საარჩევნო უბნების დახურვის შემდეგ გაიმართება.

ვიცე-მერობის კანდიდატმა გაერთიანებული ოპოზიციიდან ბრიფინგი გამართა და მედიას ინფორმაცია მიაწოდა.იმედა კლდიაშვილის თქმით, არჩევნები დარღვევებით გრძელდება.

,, 48-ე საარჩევნო უბანზე ოცნების კოორდინატორი დარეჯან ჭუმბურიძე ღიად ახდენს აგიტაცია-პროპაგანდას თვითონ საარჩევნო უბანზე და ასე ახდენს ზეწოლას ადამიანებზე.#5 საარჩევნო უბანზე ხელისუფლების წარმომადგენელი ზეწოლას ახდენდა პირდაპირ ჩვენს დამკვირვებელზე, მიდიოდა ბულინგი ამ ადამიანის, თუ რატომ ახდენდა დაკვირვებას საარჩევნო პროცესის და სხვადასხვა დარღვევის გადაღებას.ასევე მე-15 საარჩევნო უბანზე, on.ge -ის  ჟურნალისტზე ,,ქართული ოცნების,, წარმომადგენლებმა მოახდინეს ზეწოლა და ძალადობა და ხელი შეუშალეს ჟურნალისტური საქმიანობის წარმოებაში.96-ე უბანზე პირდაპირ რეგისტრაციის მაგიდაზე მოხდა 41 ნომრის შემოხაზვა ამომრჩევლის მიერ.ბოლო ინფორმაცია რაც გვაქვს, აპირებენ ისეთი გაყალბებები გააკეთონ ოქმებისა, რაზეც შეიძლება ქუთაისელმა ადამიანმაც არ მოაწეროს ხელი, ამიტომ ცდილობენ ჩამოიყვანონ მაქსიმალურად იმერეთის სხვადასხვა ოლქებიდან საარჩევნო კომისიების წევრები.თუმცა ეს ყველაფერი მათ არ გაუვათ,,-განაცხადა იმედა კლდიაშვილმა.

ფაქტის ამსახველი ვიდეო მასალა ჟურნალისტმა იზაბელ მოდებაძემ გადაიღო.ჟურნალისტმა მე-15 უბანზე სიებით ხელში მყოფი ადამიანები დააფიქსირა.შეკრებილები გააღიზიანა კითხვამ, რა სიები ქონდათ და ვის ურეკავდნენ.აღნიშნულმა კითხვებმა  კოორდინატორების გაღიზიანება გამოიწვია, რა დროსაც მათ ჟურნალისტზე თავდასხმა სცადეს. ,,რა თქვენი საქმეა,ახლავე დავრეკავ სადაც საჭიროა, გაეთრიეთ აქედან,,-ასე მიმართა სიებით ხელში მანქანაში მჯომმა ერთ-ერთმა ქალბატონმა on.ge-ის ჟურნალისტს.ამის შემდეგ იქვე მდგომმა  მამაკაცმა  ჟურნალისტს შეაგინა და ტელეფონის წართმევა სცადა.ვიდეო მასალას on.ge ავრცელებს.https://fb.watch/8YV-9WXbOJ/

15 საათისთვის ქუთაისში ამომრჩეველთა აქტივობა 29,72%-ია,ხმა ჯამში  ამ დროისთვის  45 691 ადამიანმა მისცა.

პირველ ტურზე ეს მონაცემები 28,9% იყო.

ქუთაისის 59-ე საოლქო საარჩევნო კომისიის თავმჯდომარის, ლარინა ლალიაშვილის განცხადებით, სულ შესულია 4 საჩივარი, ოთხივე პროცედურულ დარღვევებზე.