,,თავისუფლება მიშას,, ამ მოთხოვნით დღეს ქუთაისში აქცია გაიმართება.აქცია ქალაქის ცენტრში, მონპლაზირის მიმდებარე ტერიტორიაზე ჩატარდება და 17:00 საატზე დაიწყება.
- პოლიტიკა
- გადასვლები: 886
იოსებ ხახალეიშვილმა აღმაშენებლისა და წერეთლის ქუჩების რეაბილიტაციის შესახებ ისაუბრა
ქუთაისის მერის იოსებ ხახალეიშვილის განცხადებით, წერეთლისა და აღმაშენებლის ქუჩების რეაბილიტაცია უახლოეს პერიოდში დასრულდება."ფეისბუქის"ოფიციალურ გვერდზე ლაივ-ჩართვისას ხახალეიშვილმა კიდევ რამდენიმე ქუჩის რეაბილიტაციის შესახებ ისაუბრა.
"წერეთლის ქუჩა უკვე გავლადი და დასრულებულია. მიმდინარეობს ტროტუარების მოწესრიგება. აღმაშენებლის გამზირზე 24 საათიან რეჟიმში მუშაობა არ შეჩერებულა. უკვე ჩაიდო ძირითადი მიწისქვეშა საკომუნიკაციო საშუალებები, ის, რამაც გაახანგრძლივა რეაბილიტაციის პროცესი. წლის ბოლომდე ორივე მხარე იქნება დასრულებული. რეგიონული განვითარების ფონდის პროექტების ფარგლებში გაკეთდა შანიძის აღმართი, ცხინვალის და ხორავას ქუჩები. მიმდინარე თვის ბოლოს დასრულდება მელიქიშვილის ქუჩა, სადაც სანიაღვრე სისტემების მიერთებაც ხდება. შემსრულებლებისგან "სიურპრიზებს" არ ველით არც გიორგი ბრწყინვალეს ქუჩაზეც. აუცილებლად გავაგრძელებთ ფასადების რეაბილიტაციის პროგრამას ქალაქის იერ-სახის შესანარჩუნებლად", - განაცხადა ხახალეიშვილმა
- პოლიტიკა
- გადასვლები: 814
ქუთაისის მერმა იოსებ ხახალეიშვილმა დღეიდან მუშაობა განაახლა, როგორც ქალაქის მოქმედმა მერმა
იოსებ ხახალეიშვილმა დღეიდან მუშაობა განაახლა, როგორც ქალაქის მოქმედმა მერმა. საოლქო საარჩევნო კომისიის შემაჯამებელი ოქმის გამოსვლის შემდეგ კი , ის მეორე ვადით დაიკავებს ქუთაისის მერის თანამდებობას.
დღეს იოსებ ხახალეიშვილი ქალაქში დაგეგმილი ინფრასტრუქტურული პროექტების მიმდინარეობას გაეცნო. ქალაქის მერმა ფალიაშვილის ქუჩაზე საცხოვრებელი კორპუსის ფასადის, "კოლხური შადრევანის", მდინარე ოღასკურას კალაპოტის სარეაბილიტაციო სამუშაოები დაათვალიერა; ასევე, გიორგი ბრწყინვალეს ქუჩა, სადაც ახლახან გზის სრული რეაბილიტაცია დაიწყო.
" დავუბრუნდი ჩემს სამუშაო ადგილს და ახალი ენერგიით ვაგრძელებთ მუშაობას. ჩვენ დასაკარგი დრო არ გვაქვს. დღეს ინფრასტრუქტურული პროექტების მიმდინარეობას ვეცნობით. ბოლომდე გაკონტროლდება შესრულებული სამუშაოების ხარისხი და ვადები. ბევრი მათგანი წლის ბოლომდე დასრულდება. ყველა პროექტი მოსახლეობის ინტერესების გათვალისწინებითაა შერჩეული."- განაცხადა იოსებ ხახალეიშვილმა.
.
- პოლიტიკა
- გადასვლები: 863
ქართულ ოცნებას საკრებულოს უმრავლესობასთან ერთად, ყავს ქალაქის მერი, რომელსაც მხარი დაუჭირა 35 000-მა ჩვენმა თანაქალაქელმა-ირაკლი შენგელია არჩევნების მეორე ტურს აფასებს
ქუთაისის მუნიციპალიტეტის საკრებულოს თავმჯდომარე ირაკლი შენგელია ადგილობრივი თვითმმართველობის არჩევნებს ეხმაურება და განცხადებას ავრცელებს. განცხადებაში საუბარია ადგილობრივი თვითმმართველობის განხორციელებისას პოლიტიკური პოლარიზაციის შემცირების, დეცენტრალიზაციის პროცესის მხარდაჭერის და საკრებულოში წარმოდგენილ პოლიტიკურ სუბიექტებს შორის თანამშრომლობის მნიშვნელობაზე.
ირაკლი შენგელია ასევე მადლობას უხდის საკრებულოს მე-6 მოწვევის დეპუტატებს და საკრებულოს აპარატის თანამშობლებს გაწეული საქმიანობისთვის. შეგახსენებთ, რომ საკრებულოს მოქმედი თავმჯდომარე ქუთაისის მე-7 მოწვევის საკრებულოში გამაჯვების ოლქის მაჟორიტარი დეპუტატის მანდატს იკავებს.
,,მინდა, მადლობა გადავუხადო თითოეულ ადამიანს, ვინც მაღალი სამოქალაქო პასუხისმგებლობა გამოიჩინა და დააფიქსირა თავისი პოზიცია ადგილობრივი თვითმმართველობის არჩევნების მეორე ტურში. უნდა აღინიშნოს, რომ ჩვენს ქალაქში დაფიქსირდა ამომრჩევლის უპრეცედენტო აქტივობა, რაც ნათლად ცხადყოფს მოქალაქეების აქტიურ ჩართულობას პოლიტიკურ პოცესებში და დემოკრატიული ფასეულობების მიმართ ნდობის მაღალ ხარისხს.
მიუხედავად ამისა, კვლავ გამოწვევად რჩება პოლიტიკური პოლარიზაცია. მიმაჩნია, რომ ადგილობრივი თვითმმართველობის ეფექტიანი განხორციელებისთვის, აუცილებელია პოლარიზაციის შემცირება. ჯანსაღი ოპონირების, დისკუსიის და არგუმენტირებული მსჯელობის პირობებში, ჩვენ უნდა შევქმნათ ძლიერი წარმომადგენლობითი რგოლი, რომლის მაღალი ლეგიტიმაციის გარანტი, სწორედ, მრავალფეროვნება და მაქსიმალური წარმომადგენლობითობაა.
მმართველ ძალას მოქალაქეებმა, კიდევ ერთხელ, გამოუცხადეს ნდობა და ,,ქართულ ოცნებას,, საკრებულოს უმრავლესობასთან ერთად, ყავს ქალაქის მერი, რომელსაც მხარი დაუჭირა 35 000-მა ჩვენმა თანაქალაქელმა.
ამასთან, მე-7 მოწვევის საკრებულოში არის მნიშვნელოვანი ოპოზიციური წარმომადგენლობა. ვიმედოვნებ, რომ ოპოზიციური პარტიები, განსხვავებით წინა მოწვევის საკრებულოს გამოცდილებისგან, აქტიურ მონაწილეობას მიიღებენ საკრებულოს საქმიანობაში. მიმაჩნია, რომ ადგილობრივ დონეზე დემოკრატიული პროცესების გაძლიერებისთვის ჯანსაღი ოპონირება არის უმნიშვნელოვანესი.
დეცენტრალიზაციის პროცესის მხარდაჭერა და ძლიერი ადგილობრივი მმართველობის უზრუნველყოფა არის ჩვენი პრიორიტეტი. ადგილობრივი თვითმმართველობის აღმასრულებელ და წარმომადგენლობით რგოლს შორის ეფექტიან თანამშრომლობასთან ერთად, საკრებულოს მთავარი ფუნქცია არის კონტროლის და ზედამხედველობის არსებული მექანიზმების გამოყენებით მოქალაქეების ინტერესების დაცვა. ეს პასუხისმგებლობა თანაბრად ნაწილდება საკრებულოში წარმოდგენილ ყველა პოლიტიკურ სუბიექტს შორის.
მე, როგორც საკრებულოს წევრი და გამარჯვების ოლქის მაჟორიტარი დეპუტატი მოქალაქეების წინაშე, ვიღებ პასუხისმგებლობას, რომ ამ მოწვევის საკრებულოშიც, მათ მიერ წარმოდგენილ ნებისმიერ საკითხს აუცილებლად ექნება უკუკავშირი და სწორედ, ადგილობრივი მოსახლეობის ინტერესების და პრიორიტეტების გათვალისწინებით, მოხდება პროექტების, თუ მუნიციპალური პროგრამების შემუშავება/იმპლემენტაცია.
მინდა, მადლობა გადავუხადო მე-6 მოწვევის საკრებულოს თითოეულ წევრს, რომლებთანაც ოთხი წლის განმავლობაში არაერთ მნიშვნელოვან პროექტზე ვიმუშავეთ და განსაკუთრებით, გლობალური პანდემიის პირობებში, შევძელით, გვეპასუხა მოქალაქეთა წინაშე არსებული გამოწვევებისთვის.
მადლობა საკრებულოს აპარატის თითოეულ თანამშრომელს. სწორედ, მათი უდიდესი ძალისხმევა დგას ინსტიტიუციის საქმიანობის უკან. ჩემთვის დიდი პატივია, რომ გამოცდილი და მაღალი პროფესიონალიზმის მქონე საჯარო მოხელეების გუნდთან ერთად ვემსახურები ჩემი ქალაქის ინტერესებს.
წარმატებებს ვუსურვებ ქუთაისის ახალადარჩეულ მერს და საკრებულოს თითოეულ დეპუტატს. მომდევნო ოთხი წლის განმავლობაში კიდევ უფრო მეტის გაკეთება უნდა შევძლოთ ჩვენი ქალაქის, თითოეული უბნის, ქუჩის, საცხოვრებელი სახლის და ოჯახის კეთილდღეობისთვის.,-წერია განცხადებაში.
- პოლიტიკა
- გადასვლები: 1405
ჩვენ მოვითხოვთ ყველა უბნის გაბათილებას-ენმ-ს წევრებმა 59-ე საოლქო-საარჩევნო კომისიაში სარჩელი შეიტანეს
ქუთაისის 59-ე საოლქო-საარჩევნო კომისიაში ერთიანი ნაციონალური მოძრაობის წევრებმა სარჩელი შეიტანეს და ბიულეტინების გაბათილებას ითხოვენ. პარტიის წარმომადგენელი გიგა შუშანია ამბობს, რომ ქუთაისში არჩევნების მეორე ტურზე ხდებოდა ამომრჩევლების მოსყიდვა, დაშინება, პირადობის მოწმობების წართმევა, კარუსელები, რაც გავლენას ახდენდა საბოლოო შედეგებზე.შუშანიას თქმით, ამ ფაქტს დამკვირვებლებიც ადასტურებენ.
,,რაც ოქმებში არის წარმოდგენილი, ნამდვილად არ ასახავს არჩევნების შედეგებს. ამ არჩევნებში ხატია დეკანოიძემ გაიმარჯვა და სამწუხაროდ, ქუთაისის ე.წ. არჩეული მერი არის მეტადონის პროგრამის მონაწილეების, სუსის, ე.წ კოვიდინფიცირებულების, რომლებიც თურმე მხოლოდ ოცნების მხარდამჭერები ყოფილან, ციხის პატიმრების მიერ არჩეული მერი და რა თქმა უნდა, ჩვენ მოვითხოვთ ყველა უბნის გაბათილებას, ეს რა ციფრებიც არის, ნამდვილად არ ასახავს არც ქუთაისელთა განწყობას და არც არჩევნების რეალურ შედეგებს.ყველა სამართლებრივ გზას გამოვიყენებთ,მაგრამ მეორე გზა ეს იქნება პროტესტი, რომელსაც ხელისუფლება ნამდვილად გაიგონებს და არ ვაპირებთ ვინმეს მოვაპარინოთ ქუთაისელთა ხმები,,-განაცხადა შუშანიამ.
„ქართული ოცნების“ ქუთაისის მერობის კანდიდატი თანაქალაქელებს მხარდაჭერისთვის მადლობას უხდის.
როგორც იოსებ ხახალეიშვილმა მედიასთან განაცხადა, საქმით დაამტკიცებს, რომ ქუთაისელებმა სწორი არჩევანი გააკეთეს.
„მადლობა ყველა იმ ადამიანს, ვინც გვერდზე დაუდგა ქუთაისს, სოსო ხახალეიშვილს, "ქართულ ოცნებას". ჩვენ ღირსეული გამარჯვება მოვიპოვეთ. ეს გამარჯვება გამოცხადებულია ცესკოს გვერდზე, ოფიციალური მონაცემებით. მადლობა მედიას, კრიტიკისათვის, თანამშრომლობისათვის და დარწმუნებული ვარ, რომ უკვე მომავალი დღეებიდან გვექნება ძალიან აქტიური და პოზიტიური თანამშრომლობა ისე, როგორც ეს გვქონდა.
რა თქმა უნდა, ძალიან ბევრი დაწყებული საქმე გაგრძელდება, იქნება ახალი საქმეები და ვფიქრობ, რომ ქუთაისში ყველა, ვისაც ეს ქალაქი უყვარს, მზად იქნება იმისათვის, რომ ვიმუშაოთ და ჩვენ ქალაქს მივცეთ წარმატებული ხვალინდელი დღე და მომავალი“, - განაცხადა ხახალეიშვილმა.
წინასაარჩევნო გარემოს შეფასებისას მერობის კანდიდატმა განაცხადა, რომ მის მიმართ შეურაცხმყოფელი კამპანია წარმოებდა.
„წინასაარჩევნო გარემო იყო ძალიან ცუდი, გამომდინარე ჩემი ოპონენტების მიერ წარმოებული იმ კამპანიის, რომელიც შეურაცხმყოფელი იყო ჩემთვის, ჩემი ოჯახისა და ზოგადად ქალაქისთვის, მაგრამ ბოლომდე მივიყვანე ჩემი საარჩევნო კამპანია ისე, როგორც ამ ქალაქს და ჩემს ოჯახს შეფერება.
ყველა იმ ადამიანს, ვისაც ჩემს მიმართ ჰქონდა კითხვა, რაიმე პრეტენზია, ჩემი საქმიანობით ვაჩვენებ, რომ ამ ქალაქში ეს არჩევანი იყო ყველაზე სწორი.
რა თქმა უნდა, გამარჯვებას ველოდი, პირველ ტურში ჩვენ მივაღწიეთ უმნიშვნელოვანეს გამარჯვებას, რადგან დღეს ქუთაისის საკრებულოში "ქართული ოცნებაა" უმრავლესობაში. ქვეყნის მასშტაბით 47% მიიღო "ქართულმა ოცნებამ" და ჰაერიდან მოტანილი რეფერენდუმზე კითხვის ნიშანიც მოხსნილია. ასევე მივიღეთ გამარჯვება 20-დან 19 ქალაქში მეორე ტურში“, - განაცხადა ხახალეიშვილმა.
სამომავლო გეგმებზე საუბრისას მერობის კანდიდატმა აღნიშნა, რომ ქუთაისში არაერთი წარმატებული პროექტი განხორციელდება.
„რაც შეეხება სამუშაო გეგმებს, ეს იქნება ჩემი და ჩემი გუნდის უახლოესი დღეების მთავარი სამუშაო, რაც მთავარია, უნდა მივიღოთ ბიუჯეტი, რომელიც განსაკუთრებული იქნება, მინდა, წინასწარ დავაანონსო და გითხრათ, რომ ბიუჯეტის მატებას ვგულისხმობ და იმ მნიშვნელოვან ახალ პროექტებს, რომელიც უნდა განხორციელდეს ევროკავშირის საგრანტო კონკურსის ფარგლებში. ვფიქრობ, რომ ქუათაისს 2022 წელს ექნება ძალიან ბევრი წარმატებული პროექტი და ჩვენ თანაქალაქელებთან ერთად ვიზრუნებთ ჩვენი ქალაქის უკეთესი ხვალინდელი დღისთვის”,- განაცხადა იოსებ ხახალეიშვილმა.
ცესკოს წინასწარი მონაცემებით, ქუთაისში იოსებ ხახალეიშვილს ამომრჩევლების 51,64%-მა დაუჭირა მხარი.
დღის სიახლეები
-
ცესკოს თავმჯდომარის მოადგილის შეხვედრა…
ცენტრალური საარჩევნო კომისიის (ცესკო) თავმჯდომარის მოადგილე გიორგი შარაბიძე ახალქალაქის საოლქო საარჩევნო კომისიის ხელმძღვანელ პირებსა და…
პარასკევი სექტემბერი 12
In პოლიტიკა -
თბილისსა და რეგიონებში ნარკოდანაშაულის…
შინაგან საქმეთა სამინისტრომ ნარკოდანაშაულის ბრალდებით 42 პირი დააკავა. ამის შესახებ შინაგან საქმეთა მინისტრის მოადგილემ, ალექსანდრე…
პარასკევი სექტემბერი 12
In საზოგადოება -
ოპოზიციონერი პოლიტიკოსი, ლევან ხაბეიშვილი…
სახელმწიფო უსაფრთხოების სამსახურის ინფორმაციით, „ნაციონალური მოძრაობის“ ერთ-ერთი ლიდერი, ლევან ხაბეიშვილი ქრთამის სახით მოხელეებისთვის ფულადი თანხების…
ხუთშაბათი სექტემბერი 11
In პოლიტიკა -
თავდაცვის ყოფილი მინისტრი დააკავეს
თავდაცვის ყოფილი მინისტრი ჯუანშერ ბურჭულაძე დაკავებულია. განცხადება სახელმწიფო უსაფრთხოების სამსახურში გაკეთდა. "ჩატარებული ოპერატიულ-სამძებრო და საგამოძიებო…
ხუთშაბათი სექტემბერი 11
In პოლიტიკა -
ქუთაისში YELLOW FEST-მუსიკალური ფესტივალი…
13 და 14 სექტემბერს ქუთაისში,,Yellow Fest,,-მუსიკალური ფესტივალი გაიმართება. ფესტივალის ფარგლებში პირველ დღეს, 13 სექტემბერს იმღერებს…
ხუთშაბათი სექტემბერი 11
In საზოგადოება
კონტაქტი
ტელ: +995 558 35 06 15
ელ. ფოსტა: info@act2.ge