წყალტუბოს საკრებულოს წევრის, ჯეირან ომანაძის კომპანიებმა 100 ტენდერისა და 11 გამარტივებული შესყიდვის მეშვეობით 2013 წლიდან დღემდე ჯამურად 63 039 857 ლარი მიიღეს.
ინფორმაციას"საერთაშორისო გამჭვირვალობა საქართველო " ავრცელებს.
ჯეირან ომანაძე პოლიტიკური შემწირველიცაა, მან და მისმა კომპანიამ “როსტვერკმა” პარტია “ქართულ ოცნებას” 2017-2021 წლებში 135 000 ლარი შესწირეს.
ჯეირან ომანაძე, რომელიც გვიშტიბის თემის მაჟორიტარია და ფრაქცია “ქართული ოცნების” თავმჯდომარის მოადგილის პოზიციას იკავებს, არღვევს საჯარო სამსახურში ინტერესთა შეუთავსებლობისა და კორუფციის შესახებ კანონის მოთხოვნებსაც
„საერთაშორისო გამჭვირვალობა - საქართველო“ მიმართავს:
სახელმწიფო უსაფრთხოების სამსახურის ანტიკორუფციულ სააგენტოს, შეისწავლოს შპს „ჯ და ჯ”-სა და შპს “როსტვერკის” სახელმწიფო შესყიდვები და გამოარკვიოს შესაძლო კორუფციულ გარიგებების შესახებ.
ასევე მიმართავს საჯარო სამსახურის ბიუროს, შეისწავლოს ჯეირან ომანაძის ქონებრივი მდგომარეობის დეკლარაცია და მოახდინოს შესაბამისი რეაგირება.
