გუმათჰესთან,საიდანაც რიონის ხეობის გზა იწყება,მესამე დღეა პოლიციაა მობილიზებული.გზა ისევ დაკეტილია.როგორც სამართალდამცველები ამბობენ,ხეობისკენ მარტო ადგილობრივ მცხოვრებლებს ატარებენ.ადგილზე კარავი გუშინ გაშალეს,სადაც "რიონის ხეობის მცველებმა"წუხანდელი ღამე გაათიეს.
"ვხედავთ ,რომ რეპრესიულ მეთოდებს მიმართავს ხელისუფლება.კანონიერ უფლებას უზღუდავს ადამიანებს, რომ პროტესტის ძირითად ადგილას მივიდნენ და შევიკრიბოთ ჩვენს კარვებთან ნამოხვანში.ამიტომ აქ გავშალეთ დამატებითი კარავი და ორი ლოკაცია გაჩნდა ამ ხეობაში, სადაც ჩვენ გავაგრძელებთ ხოლმე მორიგეობას.სამომავლო გეგმა კი ამ პროცესებზეა დამოკიდებული .ახლა ვგეგმავთ ჩავატაროთ მასშტაბური აქცია დედაქალაქში და მოვემზადებით ამისთვის"-განაცხადა ვარლამ გოლეთიანმა,მოძრაობა "რიონის ხეობის გადარჩენისთვის "წარმომადგენელმა.
დაკავებული პოლიტიკოსის მეგობრები იმერეთის სამხარეო პოლიციის შენობასთან შეიკრიბნენ. აქციის მონაწილეების თქმით, წულაია პოლიტიკური პატიმარია და ის აუცილებლად უნდა გათავისუფლდეს. აქციის ორგანიზატორი თავად გოგი წულაიაა, მონაწილეების თქმით, პოლიტიკოსი ციხიდან აპროტესტებს ნამოხვანში მიმდინარე პროცესებს.
,,გოგი წულაიას გათავისუფლების მოთხოვნით ჩვენ კამპანიას დიდი ხანია ვაწარმოებთ, მაგრამ დღეს პოლიტპატიმართან ერთად ვატარებთ ამ აქციას,,-განაცხადა ლაშა ჩხარტიშვილმა, ლეიბორისტული პარტიის წევრმა.
,,პირველ რიგშ ვითხოვთ გოგი წულაიას გათავისუფლებას. გოგი რომ გარეთ იყოს, ის ახლა იქნებოდა ნამახვანჰესის საწინააღმდეგო აქცციაზე, ამიტომ ვუერთდებით ჩვენც ამ აქციას,,-განაცხადა გოგი წულაიას მეგობარმა ლევან ჟრენტმა.
,,გოგი წულაია დაკავებულია არა ძალადობის, არამედ მისი პერფორმანსის გამო, რაც მან მიუძღვნა ბერას და ის იქცა კიდევ ერთ პოლიტპატიმრად, ივანიშვილების ოჯახის პირად პატიმრად. ეს ნიშნავს, რომ რეჟიმი არის მიმართული ტირანიისკენ,,-განაცხადა ირაკლი კივაძემ, ,,ლეიბორისტული პარტიის,, წევრმა.
შეგახსენებთ, ,,თავისუფალი საქართველოს“ იმერეთის ორგანიზაციის ყოფილი თავმჯდომარე გასულ თვეში დააკავეს. მას ძალადობას ედავებიან.
