წყალტუბოს მუნიციპალიტეტის სოფელში ორი ადამიანი მოკლეს
საზოგადოება
გადასვლები: 1050

სისხლიანი დაპირისპირება იმერეთში,წყალტუბოს რაიონის სოფელ რიონში. სავარაუდოდ მოკლულია ორი ადამიანი

 
დანაშაული წყალტუბოს მუნიციპალიტეტის სოფელ რიონში მოხდა. მკვლელობის
ფაქტს შინაგან საქმეთა სამინისტროში ადასტურებენ. უწყების ინფორმაციით, მომხდართან დაკავშირებით გამოძიება სსსკ-ის 109-ე  მუხლით მიმდინარეობს, რაც დამამძიმებელ გარემოებაში განზრახ მკვლელობას გულისხმობს.
სახალხო დამცველი რიონის ხეობაში გუშინ და დღეს განვითარებულ მოვლენებს ეხმიანება
საზოგადოება
გადასვლები: 1058

სახალხო დამცველი კიდევ ერთხელ ეხმიანება ნამახვანჰესის პროექტთან დაკავშირებით მიმდინარე მოვლენებს და მოუწოდებს შინაგან საქმეთა სამინისტროს არ ჩაერიოს შეკრების მონაწილეთა კონსტიტუციური უფლების რეალიზებაში.

 
 "გუშინ, 3 აპრილს რიონის ხეობაში კომპანიის წარმომადგნელებმა, მობილიზებული საპოლიციო ძალების თანხლებით, განაახლეს ნამახვანი ჰესის მშენებლობის მოსამზადებელი სამუშაოები, რასაც მოსახლეობა აპროტესტებს. სახალხო დამცველის წარმომადგენელი მთელი დღის განმავლობაში ადგილზე იმყოფებოდა. პოლიციამ საპროტესტო ადგილამდე მისასვლელი გზა ორივე მხრიდან გადაკეტა, რის გამოც შეუძლებელი გახდა აქციას სხვა მხარდამჭერები შეერთებოდნენ. ამასთან, ვრცელდებოდა ინფორმაცია, რომ ხეობაში აღიმართა საკომუნიკაციო სიგნალების ჩამხშობი აპარატურა, რაც ხელს უშლიდა ინფორმაციის დროულად მიღებას ხეობაში მიმდინარე მოვლენების შესახებ. დააკავეს აქციის 2 მონაწილე, ხოლო ის პირები, რომლებმაც ვერ მოახერხეს აქციას შეერთებოდნენ, ე.წ. კომენდანტის საათის დარღვევის საფუძვლით 2000-2000 ლარით დააჯარიმეს. 
 
 ხაზგასმით უნდა აღინიშნოს, რომ განსახილველ შემთხვევაში, გადაადგილების შეზღუდვით მოქალაქეებს პრაქტიკულად ჩამოერთვათ შეკრებაში მონაწილეობის შესაძლებლობა, თუმცა საქართველოს შინაგან საქმეთა სამინისტროს არ გაუვრცელებია დასაბუთებული ინფორმაცია იმ რეალური და მყისიერი საფრთხეების შესახებ, რომლის თავიდან ასაცილებლადაც ხდებოდა უფლებაში ჩარევა. ამას განსაკუთრებული მნიშვნელობა აქვს იმ პირობებში, როდესაც წინასწარ გაცხადებული იყო მშვიდობიანი შეკრების ჩატარების შესახებ და მისი მონაწილეები არ აჟღერებდნენ ძალადობრივ ზრახვებს. ასევე შეკრების თავისუფლებაში ჩარევად უნდა შეფასდეს ამ პირების დაჯარიმება, რომელთა შეკრების და ადგილზე დარჩენის მიზანს აქციასთან შეერთება წარმოადგენდა და მათგან დამოუკიდებელი მიზეზებით ვერ მოახერხეს სასურველ ტერიტორიაზე შესვლა. აღნიშნული ქმნის ეჭვებს პანდემიის გავრცელების აღკვეთის მიზნით დაწესებული შეზღუდვის მოქალაქეთა პროტესტის საწინააღმდეგოდ გამოყენების შესახებ, რაც მიუღებელ პრაქტიკას წარმოადგენს.
 
 ასევე, სიგნალის ჩამხშობი აპარატის გამოყენება გახდა გამოხატვისა და ინფორმაციის გავრცელების ხელშემშლელი ფაქტორი და ამ გზით მოხდა ხენებულ კონტიტუციურ უფლებებში ჩარევა.
 
 დღეს გავრცელებული ინფორმაციით, გზა კვლავ გადაკეტილია, ადგილზე მობილიზებულია პოლიცია და დგას წყლის ჭავლის მანქანა. სახალხო დამცველის წარმომადგენელი დღესაც  დააკვირდება დაანონსებული აქციის მიმდინარეობას. აპარატი აგრძელებს საკითხის შესწავლას.
 
სახალხო დამცველი მოუწოდებს: 
 
 შინაგან საქმეთა სამინისტროს, თავი შეიკავოს ვითარების ხელოვნური ესკალაციისგან, უზრუნველყოს გადაადგილების აღდგენა სოფელ ნამახვანის მიმართულებით, არ გამოიყენოს სიგნალის ჩამხშობი აპარატურა ან სხვა საშუალებები, რაც ხელს შეუშლის მოსახლეობის ინფორმირებას მიმდინარე მოვლენების თაობაზე, დაპირისპირების რისკების თავიდან აცილების მიზნით, მოლაპარაკებები აწარმოოს აქციების მონაწილეებთან და არ გამოიყენოს ძალა მათ წინააღმდეგ.
 
 საქართველოს გარემოს დაცვისა და სოფლის მეურნეობის მინისტრს, საქართველოს ეკონომიკისა და მდგრადი განვითარების მინისტრს ნამახვანჰესის პროექტთან დაკავშირებით, კონსესუსის მიღწევამდე წარმართონ საჯარო, საქმიანი და შედეგზე ორიენტირებული დიალოგი, მათ შორის, მედიასაშუალებებში, ადგილობრივ მცხოვრებლებთან, პროფესიულ ჯგუფებთან და ექსპერტებთან.
 
 საქართველოს მთავრობას, კონსესუსის მიღწევამდე უზრუნველყოს მიმდინარე სამშენებლო/მოსამზადებელი სამუშაოების შეჩერება."-წერია გავრცელებულ განცხადებაში.
ნამახვაჰესის მშენებლობის მოწინააღმდეგეებმა გუმათჰესთან საპროტესტო კარავი გაშალეს
საზოგადოება
გადასვლები: 990

გუმათჰესთან მიმდინარე აქციაზე ნამახვანჰესის მშენებლობის მოწინააღმდეგეებმა კარავი გაშალეს.გადაწყვეტილება მას შემდეგ მიიღეს,რაც აქციის ორგანიზატორებსა და მონაწილეებს რიონის ხეობისკენ გადაადგილების უფლება  პოლიციამ არ მისცა.

კიდევ ერთხელ მივმართავ სამართალდამცვლებს,,მოვიდნენ და გვითხან, რომ აქ დამრჩენ ადამიანებს კომენდანტის საათის დადგომის შემდეგ აღარ შეექმნებათ პრობლემა"-განაცხადა აქციის ერთ -ერთმა ორგანიზატორმა ვარლამ გოლეთიანმა.

შეგახსენებთ, რომ სამართალდამცველებმა წუხელ 12 აქტივისტი 2000 - 2000 ლარით დააჯარიმეს. სხვადასხვა რეგიონიდან ჩამოსული ადამიანები ხეობაში გადაადგილებას ვერ ახერხებდნენ, რადგან გზა პოლიციას ქონდა გადაკეტილი.სამართალდამცველებმა  ისინი კომენდანტის საათის დარღვევის გამო დააჯარიმეს.

კიდევ ერთ კარავს გავშლით და გაჩნდება პროტესტის მეორე კერა-ვარლამ გოლეთიანი
საზოგადოება
გადასვლები: 1018

გუმათის დასახლებაში,გუმათჰესთან "რიონის ხეობის მცველების მიერ ორგანიზებული აქცია გრძელდება.ამ ეტაპზე შეკრებილები ფეხით მსვლელობას აღარ გეგმავენ.მათ ამის უფლებას პოლიცია არ აძლევს.როგორც აქციიე ერთ-ერთი ორგანიზატორი ვარლამ გოლეთიანი ამბობს,ადგილზე კარვის გაშლა იგეგმება.გოლეთიანი უახლოეს პერიოდში აქციას აანონსებს, როგორც  აცხადებს,მათ მოთხოვნებს კიდევ სხვა პუნქტებიც დაემატება.

,,მოსალოდნელი საფრთხეების და ესკალაციის თავიდან აცილების მიზნით, დროებით უნდა შევზღუდოთ ხეობაში ამ რაოდენობის ხალხის  გადაადგილება "-განუხცადა შეკრებილებს პოლიციის მაღალჩინოსანმა.

"ჩვენ არც ერთ შემთხვევაში არ ვაპირებთ, რომ გადავიდეთ დაპირისპირებაში და არ ვცდით კორდონის გარღვევას.აქაც ვაპირებთ გავშალოთ კარვი და გაჩნდება ხეობაში პროტესტის მეორე კერა.არ გვსურს ვინმე დაზიანდეს . ეგ არის ის, რაც მათ უნდათ ახლა,რომ განმუხტონ პროტესტი"-ამბობს ვარლამ გოლეთიანი.

გუმათის დასახლებაში აქციაზე შეკრებილებს პოლიცია გზას არ უხსნის და ხეობისკენ არ უშვებს
საზოგადოება
გადასვლები: 892

გუმათის დასახლებაში "რიონის ხეობის მცველების"მიერ ორგანიზებული აქცია მიმდინარეობს.აქციაზე შეკრებილები გზის გახსნას ითხოვენ.ისინი გეგმავენ ფეხით მსვლელობის მოწყობას იმ ადგილამდე,სადაც კარვებია განლაგებული და სადაც უწყვეტი პროტესტი 161 დღეა გრძელდება.როგორც მოძრაობა "რიონის ხეობის გადარჩენისთვის"წარმომადგენელი ვარლამ გოლეთიანი ამბობს,პოლიცია მათ გადაადგილების უფლებას არ აძლევს,მიზეზად კი სამართალდამცველები  უსაფრთხოებას ასახელებენ.

კომპანია "ენკა" რიონის ხეობის მცველების წინააღმდეგ სახალხო დამცველს მიმართავს
საზოგადოება
გადასვლები: 963

კომპანია „ენკა რინიუებლზი“ ,რომელიც რიონის ხეობაში 105 მეტრიან ჰესს აშენებს,  სახალხო დამცველს მიმართავს,შეისწავლოს პროექტის მოწინააღმდეგეთა მხრიდან მათი თანამშრომლებისა და  ოჯახის წევრების შეურაცხყოფის ფაქტები.

 
"რამდენიმე თვეა, რაც მოქალაქეთა ერთი ნაწილი, რომლებიც თავს „რიონის ხეობის მცველებს“ უწოდებს, კომპანია „ენკა რინიუებლზის“ თანამშრომლებს თავიანთი უფლებამოვალეობის სრულფასოვნად შესრულების შესაძლებლობას არ აძლევს. ე.წ. „მცველები“ მათზე ახორციელებენ უწვავეს ფსიქოლოგიურ ზეწოლას, რის გამოც კომპანიის რამდენიმე ათეული თანამშრომელი, რომლებიც ხეობის სოფლებში ცხოვრობენ, იძულებული არიან უარი თქვან სამსახურზე და ოჯახები გარანტირებული შემოსვლის გარეშე დატოვონ. 
 
გამონაკლისი არც 2021 წლის 3 აპრილი იყო, როდესაც წყალტუბოს მუნიციპალიტეტში სოფელ ნამოხვანთან პროექტის მოწინააღმდეგეთა ამ ჯგუფმა კიდევ ერთხელ სცადა კომპანია „ენკა რინიუებლზის“ თანამშრომლების საქმიანობის ხელშეშლა, მაგრამ ამის  გაკეთების საშუალება მათ პოლიციის ქვედანაყოფებმა არ მისცეს, რისთვისაც მადლობას ვუხდით სამართალდამცავი ორგანოების წარმომადგენლებს. მაგრამ, მიუხედავად იმისა, რომ ამ კონკრეტულმა ინციდენტმა შედარებით მშვიდად ჩაიარა, კარგად გვესმის, რომ მსგავს ფაქტებს გაგრძელება აუცილებლად მოყვება. ჩვენს არქივში ინახება არაერთი ვიდეო მტკიცებულება პროექტის მოწინააღმდეგეთა მონაწილეობით, სადაც ისინი ფიზიკური განადგურებით ემუქრებიან როგორც ინვესტორი კომპანიის „ენკა რინიუებლზის“ მენეჯერებს, განსაკუთრებით სხვა ქვეყნების მოქალაქეებს, ასევე რიგით თანამშრომლებსაც. 
 
 
„ენკა რინიუებლზი“, რომლის დამფუძნებლებიც ნორვეგიისა და თურქეთის მსხვილი საინჟინრო - ენერგეტიკული კორპორაციები არიან, სადღეისოდ რიონის ხეობის უმსხვილესი დამსაქმებელია. უშუალოდ ჰესის ძირითადი ნაგებობების მშენებლობის პერიოდში კომპანია საქართველოს 1600 - მდე მოქალაქეს დაასაქმებს, რომელთა დიდი ნაწილიც ადგილობრივი იქნება, თუმცა უკვე დღეს კომპანიაში 200-მდე ადგილობრივი მუშაობს. ძირითადად, სწორედ მათ ფიზიკურ უსაფრთხოებას ექმნება საფრთხე პროექტის მოწინააღმდეგეთა მხრიდან. 
 
სამწუხაროდ, პროტესტის მონაწილეთა ერთი ნაწილის დაბალი პოლიტიკური კულტურიდან გამომდინარე, მათი პროტესტი სცდება გამოხატვის თავისუფლების საზღვრებს და მიმართულია „ენკა რინიუებლზის“ ადგილობრივი მუშახელისა და მათი ოჯახის წევრების უწვავესი ფსიქოლოგიური ზეწოლისკენ. ჩვენმა კომპანიამ შეკრიბა ამ ფაქტების ამსახველი ვიდეო მტკიცებულებები და აპირებს, გადასცეს სამართალდამცავ ორგანოებს სათანადო ღონისძიებების გასატარებლად.
 
 
სწორედ ამ გარემოების გათვალისწინებით, კომპანიისთვის გაუგებარია, რა მოსაზრებით აარიდა თავი 2021 წლის 3 აპრილს სახალხო დამცველის დასავლეთ საქართველოს რეგიონალური სამმართველოს უფროსმა მადონა ბასილაძემ „ენკა რინიუებლზის“ მენეჯმენტთან და კომპანიის თანამშრომლებთან შეხვედრას. იმედი გვინდა ვიქონიოთ, რომ ეს მოხდა დროის დეფიციტიდან გამომდინარე და მსგავსი შეხვედრა აუცილებლად შედგება, რომლის დროსაც ჩვენ სახალხო დამცველის სპეციალურ წარმომადგენელს მივაწვდით სხვადასხვა ფაქტებს იმისა, როგორ არღვევს პროექტის მოწინააღმდეგეთა ერთი ნაწილი ჩვენი კომპანიის თანამშრომლებისა და მათი ოჯახის წევრების ძირითად უფლებებს. 
 
 
ამდენად, მოვუწოდებთ სახალხო დამცველს, ქალბატონ ნინო ლომჯარიას, ნამახვანი ჰესის პროექტთან დაკავშირებული საკითხების შესწავლისას, პირადად დაინტერესდეს ქსენოფობიური და სხვა სახის დისკრიმინაციული განცხადებებით, რომლებიც კეთდება ნამახვანი ჰესის პროექტში ჩართული პირების წინააღმდეგ 2020 წლის შემოდგომიდან მოყოლებული. იმედი გვაქვს, რომ აღნიშნული ფაქტები იქნება სათანადოდ შესწავლილი და შეფასებული.  
დაბოლოს, „ენკა რინიუებლზი“ დღესდღეობით საქართველოს უმსხვილესი ინვესტორია. ნამახვანი ჰესის პროექტში გათვალისწინებულია 800 მლნ აშშ დოლარზე მეტი ინვესტიციის განხორციელება, რომლის შედეგადაც საქართველოს გაუჩნდება ენერგოგენერაციის ობიექტი, რომელიც შეძლებს გამოიმუშავოს დღევანდელი მოთხოვნილების დაახლოებით 12 პროცენტი ელექტროენერგია და ამით სტრატეგიული ფუნქცია შეასრულოს ქვეყნის ენერგოუსაფრთხოების ამაღლებაში; დაასაქმოს 1600 - მდე ადგილობრივი მოსახლე; ათობით მილიონი ლარი გადაიხადოს ქვეყნის ცენტრალურ და ადგილობრივ ბიუჯეტებში; მილიონობით ლარი დახარჯოს ხეობის განვითარებისთვის აუცილებელ სოციალურ პროექტებში. 
 
ჩვენი მიზანია სვლა უკეთესი ნამახვანისთვის, რისთვისაც ჩვენ სრულად გავიზიარეთ საქართველოს მთავრობის 4 პუნქტიანი გეგმა და მას ეტაპობრივად ვასრულებთ. იმედია, აღნიშნული პროტესტი მხარდაჭერით შეიცვლება მას შემდეგ, რაც როგორც ადგილობრივი, ასევე საერთაშორისო საზოგადოება კვლევების ვალიდაციის შემდეგ დარწმუნდება, რომ „ენკა რინიუებლზი“, რომლის უკანაც დგას ნორვეგიასა და თურქეთის წამყვანი კომპანიების მრავაწლიანი საინჟინრო გამოცდილება, პროექტს დაასრულებს აბსოლუტურად უსაფრთხოდ და ნამახვანი ჰესის პროექტით განსაზღვრულ პარამეტრებში უსაფრთხოდ და უნაკლოდ ამოქმედდება."წერია განცხადებაში.
  1. გუმათჰესთან წყლის ჭავლის მანქანა მიიყვანეს
  2. გუმათჰესთან პოლიციას გზა ისევ გადაკეტილი აქვს
  3. ავტოავარიას ქუთაისში 21 წლის ბიჭის სიცოცხლე ემსვერპლა
  4. ხვალ პროკურატურასთან გოგი წულაიას მხარდასაჭერად აქცია გაიმართება
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search