თბილისში, რუსთავსა და ქუთაისში ტრანსპორტი 8 თებერვლიდან გაიხსნება. გადაწყვეტილების შესახებ პრემიერ-მინისტრმა მთავრობის სხდომაზე განაცხადა.

„8 თებერვლიდან საქართველოში სრული მასშტაბით ამოქმედდება მუნიციპალური ტრანსპორტი, რაც ნიშნავს, რომ მუნიციპალური ამოქმედდება თბილისშიც, რუსთავშიც და ქუთაისშიც. საუბარია მეტროზე, ავტობუსსა და სამარშტურო ტაქსზე“, - განაცხადა გახარიამ.

საზოგადოებრივი ტრანსპორტმა მუშაობა საკოორდინაციო საბჭოს გადაწყვეტილებით 28 ნოემბრიდან შეწყვიტა. 

უბანში ერთდროულად რამდენიმე ინფრასტრუქტურულ პროექტზეა მუშაობა დაწყებული. რიონჰესის ქუჩაზე, #11-ის მიმდებარედ, ეწყობა საყრდენი კედელი. სამუშაოების დასრულების შემდეგ,იგეგმება ძელსკამების დადგმაც. თომაშვილის ქუჩაზე კი სკვერი კეთდება - საბავშვო ატრაქციონებით, გამწვანებით, საპარკე სკამებით. სოლომონ მეორის ქუჩაზე, წყალწითელას დასახლების მიმდებარედ, მოეწყობა მარტივი ტიპის სპორტული მოედანი.

"ვაგრძელებ ადმინისტრაციულ ერთეულებში გასვლას. საფიჩხიაზე, რამდენიმე ქუჩაზე ვიყავით. ამ უბანში სამ ინფრასტრუქტურულ პროექტზე მიდის ახლა მუშაობა. კეთდება საყრდენი კედელი, ეწყობა სკვერი და სპორტული მოედანი. როდესაც ხდება პროექტების შერჩევა, უპირველესად მოსახლეობის ინტერესებს, მათ თხოვნებს ვითვალისწინებთ და სწორედ ასე შევარჩიეთ, ამ ეტაპზე რა უნდა გაკეთებულიყო საფიჩხიის ადმინისტრაციულ ერთეულში“- აცხადებს იოსებ ხახალეიშვილი.

ქალაქის მერი ტყიბულის ქუჩაზე მცხოვრებ ლანჩავების მრავალშვილიან ოჯახსაც ესტუმრა და მათ სასურსათო ნობათი გადასცა.

ნამახვანჰესის მშენებელი კომპანია განცხადებას ავრცელებს

,,მიმდინარე წლის 1-ელ თებერვალს, დილის 4 საათზე, გუმათჰესის დასახლებაში, ცეცხლი გაუჩნდა ქვემო ნამახვანჰესის საპროექტო ტერიტორიაზე განთავსებულ ENKA-ს საწყობს, სადაც ინახებოდა კომპანიის საკუთრებაში არსებული ტექნიკა.

,,ფეხბურთში 21 წლამდელთა ევროპის ჩემპიონატის მატჩები გაიმართოს ქუთაისშიც!,, - აღნიშნულის მოთხოვნით „ევროპა ჩვენი სახლიას“ თავმჯდომარემ ტორპედოს სტადიონთან ბრიფინგი კიდევ ერთხელ გამართა.   თუ რატომ ვერ ჩატარდება  ჩემპიონატი ქუთაისში - გია გოქაძე ამბობს, რომ ქუთაისის მერია ორ მიზეზს გამოყოფს, ესენია არასათანადო სპორტული ინფრასტრუქტურა და მეორე მანძილი ქალაქებს შორის. მისივე თქმით ფეხბურთის ფედერაციიდან საკითხთან დაკავშირებით პასუხი ჯერ კიდევ არ მიუღიათ. ,,ევროპა ჩვენი სახლიას,, თავმჯდომარე ამბობს, რომ აღნიშნული მიზეზები არარეალურია და მიიჩნევს რომ ქალაქის მერს და მხარის გუბერნატორს საკითხის პატრონაჟი უნდა გაეწიათ .

2023 წლის 21 წლამდელთა ევროპის ჩემპიონატს საქართველო და რუმინეთი უმასპინძლებს. საქართველოში თამაშები 3 ქალაქში: თბილისში(ორ სტადიონზე), ბათუმსა და ფოთში გაიმართება.

დღეიდან ბათუმში, ზუგდიდში, გორში, ფოთსა და თელავში მუნიციპალური ტრანსპორტის მუშაობა აღდგა. თბილისში, რუსთავსა და ქუთაისში ტრანსპორტზე შეზღუდვა კვლავ ძალაში რჩება.

1-ელ მარტამდე ქვეყნის მასშტაბით ძალაში რჩება გადაადგილებაზე არსებული შეზღუდვა 21:00 საათიდან 05:00 საათამდე.

უწყებათაშორისი საკოორდინაციო საბჭოს გადაწყვეტილებით, გაზრდილი მობილობის კომპენსირების მიზნით, თებერვლის განმავლობაში შაბათ-კვირას მუნიციპალური ტრანსპორტი არ იფუნქციონირებს.

ამ ეტაპზე შეზღუდული იქნება საქალაქთაშორისო ტრანსპორტის მუშაობაც.

სავაჭრო ცენტრები და მაღაზიები 1-ელი თებერვლიდან გაიხსნა. შესაბამისი გადაწყვეტილება საკოორდინაციო საბჭომ მიიღო,თუმცა  სავაჭრო ობიექტებს მუშაობის უფლება შაბათ -კვირას არ ექნება.

გარდა ამისა, როგორცროგორც ვიცე-პრემიერმა მაია ცქიტიშვილმა განაცხადა,  5 ქალაქში: ბათუმში, ზუგდიდში, ფოთში, გორსა და თელავში შაბათ-კვირას არ იმუშავებს არც მუნიციპალური ტრანსპორტი, რომელიც აღნიშნულ ქალაქებში დღეიდან ამუშავდა. 

„იმის გათვალისწინებით, რომ როგორც უკვე აღვნიშნე, იწყებს მუშაობას მუნიციპალური ტრანსპორტი 5 ქალაქში, აღდგება სკოლების ფუნქციონირება, მაღაზიების და სავაჭრო ცენტრების ფუნქციონირება, აქედან გამომდინარე, იმისთვის, რომ დავაკომპენსიროთ გაზრდილი მობილობა, შაბათ-კვირას ყველა ამ ქალაქში არ იფუნქციონირებს მუნიციპალური ტრანსპორტი. რესტორნები, კვების ობიექტები, მაღაზიები იმუშავებენ ისევ დისტანციურ რეჟიმში. ეს არის შაბათ-კვირის შეზღუდვა“, - განაცხადა ცქიტიშვილმა.

ამასთან 1-ელი თებერვლიდან შესაძლებელი იქნება გაყიდული საქონლის გადაცვლა, რაც საახალწლო პერიოდში დაშვებული არ იყო. ასევე შესაძლებელი იქნება გასახდელების ფუნქციონირება.