4 თებერვლამდე საქართველოში შედარებით თბილი და უმეტესად უნალექო ამინდია მოსალოდნელი. ჰაერის ტემპერატურა დასავლეთ საქართველოს დაბლობში +13, +18, აღმოსავლეთ საქართველოს ბარში +10, +15 გრადუსამდე მოიმატებს.

ხეჩინაშვილის სახელობის საუნივერსიტეტო კლინიკის დამწვრობის ცენტრის ხელმძღვანელის, გუგა ქაშიბაძის ინფორმაციით, მინდელის შახტში მომხდარი შემთხვევის დროს დაშავებულმა მეშახტეებმა დაზიანებები სავარაუდოდ, მეთანის აფეთქების შედეგად მიიღეს.

როგორც ქაშიბაძემ ჟურნალისტებთან საუბრისას განმარტა, ხეჩინაშვილის კლინიკაში მკურნალობას 8 პაციენტი გადის, რომელთაგან სამი რეანიმაციის განყოფილებაშია მოთავსებული და მათი მდგომარეობა საკმაოდ სერიოზულია.

„გამთენიისას ჩვენს კლინიკაში გადმოიყვანეს 8 პაციენტი კატასტროფის ბრიგადის მიერ ტყიბულიდან. სავარაუდოდ, მეთანის აფეთქების შედეგად მიიღეს სხვადასხვა სახის დაზიანებები. სამი მათგანი მოთავსებულია დამწვრობის ცენტრის რეანიმაციის განყოფილებაში, აქედან ერთი მათგანის მდგომარეობა საკმაოდ სერიოზულია. დანარჩენი ხუთი პაციენტი მოთავსებულია დამწვრობის ქირურგიულ განყოფილებაში, გარდა დამწვრობისა, აღენიშნებათ სხვადასხვა ადგილის ტრავმული დაზიანებები და მოტეხილობები. ამ წუთებში უტარდებათ კვლევები და გარკვეული სამედიცინო ჩარევები. იმ პაციენტების მდგომარეობა, რომლებიც რეანიმაციულ განყოფილებაში არიან მოთავსებული, საკმაოდ სერიოზულია, ერთ-ერთ მათგანს 60%-ით დაზიანება და თერმული დაზიანება აღენიშნება, ყველა მათგანი არის კონტაქტური და ადეკვატური“, - აღნიშნა გუგა ქაშიბაძემ

ტყიბულში, მინდელის შახტში უბედური შემთხვევა მოხდა, რის შედეგადაც ერთი ადამიანი დაიღუპა, ცხრა კი დაშავდა.

შსს-მ მომხდარ ფაქტზე გამოძიება საქართველოს სსკ-ს 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.

ბაღდათის მუნიციპალიტეტის მერიის, საკრებულოს და ა.ა.ი.პ.-ების  წარმომადგენლებმა, დღეს იაშვილის სახელობის ბავშვთა ცენტრალური საავადმყოფოს სისხლის ბანკის აქციაში მიიღეს მონაწილეობა.

სწავლის განახლებიდან მეოთხე დღეს,ქუთაისის  საბავშვო ბაღებში  108 პედაგოგია კოვიდინფიცირებული,ხოლო 30 ტესტის პასუხს ელოდება.ამ დროისთვის,ქალაქში სრულად არის დახურული 4 სააღმზრდელო დაწესებულება- მეცამეტე,ოცდამეორე,ოცდამეათე და ოცდამეთოთხმეტე საბავშვო ბაღები . ასევე დაკეტილია  7 ბაღის  ცალკეული ჯგუფები.

დღეის მონაცემებით, სკოლამდელ დაწესებულებებში  ჯამში 1300 ბავშვი გამოცხადდა. ააიპ ბაგა ბაღების გაერთიანების ხელმძღვანელი ბაღების გარკვეულ პერიოდით დახურვას არ გამორიცხავს.

ქუთაისში სულ 37 საბავშვო ბაღი მუშაობს.

ბაღდათის მუნიციპალიტეტის მერიასა  და „ადგილობრივი დემოკრატიის სააგენტო საქართველო“-ს, ასევე „განათლების განვითარების და დასაქმების ცენტრი“-ს შორის ურთიერთთანამშრომლობის მემორანდუმი გაფორმდა. 

 27 იანვარს საქართველოში მოსალოდნელია ნალექი, მთაში თოვლის სახით. იქროლებს დასავლეთის მიმართულების ქარი. 28-30 იანვარს მცირე ნალექი შენარჩუნდება მხოლოდ ცალკეულ რაიონში. ჰაერის ტემპერატურა დაბლობსა და ბარში დღის საათებში +4, +9 გრადუსის ფარგლებში დაფიქსირდება.  29 იანვარს ღამის საათებში გაძლიერდება ყინვა. შიდა ქართლში ტემპერატურა შესაძლოა -11 გრადუსამდე დაეცეს.