,,პარადოქსია, მაგრამ ხელისუფლებას დასჭირდა მედიატორი საკუთარ მოსახლეობასთან “ - ასე აფასებს რიონის ხეობის ერთ-ერთი მცველი ხვალ დაანონსებულ შეხვედრას, რომელიც მოძრაობა ,,რიონის ხეობის გადარჩენისთვის დამფუძნებლებს , ხელისუფლებასა და ევროკავშირის ენერგო თანამეგობრობის წარმომადგენლებს შორის გაიმართება. განსახილველი თემა ნამახვანჰესის მშენებლობის საკითხი იქნება. მაკა სულაძე იმედს იტოვებს , რომ უცხოელი მედიატორების ჩართულობა შედეგს გამოიღებს. შეხვედრა თბილისში გაიმართება.

,,ვნახოთ, როგორ გაიაზრებენ იმ პრობლემებს, რომლის წინაშეც დგას სახელმწიფო და რომლის გამოც ნახევარი წელია ქუჩაში ვდგავართ საზოგადოება,,-მაკა სულაძე.

12 ივნისს, შაბათს, წერეთლის ქუჩაზე დაგეგმილი საგზაო სამუშაოების უსაფრთხოების მიზნით ელექტროენერგიის მიწოდება დროებით შეუწყდება აბონენტებს, რომლებიც ძაბვას იღებენ მაღალი ძაბვის ქვესადგურ "ქუთაისი 2"-იდან გამომავალი ფიდერებით.

დაგეგმილი სამუშაოების გამო 10:00 საათიდან 18:00 საათამდე ელექტროენერგიის მიწოდება დროებით შეეზღუდება მომხმარებლებს და ორგანიზაციებს დავით აღმაშენებლის მოედანზე, წერეთლის (დასაწყისი), წმინდა ნინოს, თამარ მეფის, რუსთაველის (დასაწყისი), ცისფერყანწელთა, პუშკინის, ფანჯიკიძის, ფალიაშვილის, თბილისის, გოგებაშვილის, გელათის, ვარლამიშვილის, ბროსეს, 26 მაისის, აზერბაიჯანის, ბათუმის, ლესია უკრაინკას, იერუსალიმის, ვასაძის, ნიუპორტის, კოსტავას, ნაზარიშვილის, ბურჯანაძის, ახვლედიანის, მკურნალის, ლერმონტოვის, კოლუმბია-მისურის, ჯიბლაძის (ნაწილ.), ლესელიძის, გაპონოვის, დავით და კონსტანტინეს, რუას, ქეთევან წამებულის, ასლანიკაშვილის, პეტრე იბერის, დვალიშვილის, მოსეშვილის, მაიაკოვსკის და მიმდებარე ქუჩებზე. ხოლო 10:00 საათიდან 14:00 საათამდე ელექტროენერგია გაეთიშებათ აბონენტებს რუსთაველის, წერეთლის, ხახანაშვილის, შანიძის, სოლომონ პირველის, დუმბაძის, გ. ტაბიძის, გრიშაშვილის, ხანძთელის, ნინოშვილის, ბერი თევდორეს, აღმაშენებლის, სხირტლაძის, ჯიბლაძის და მიმდებარე ქუჩებზე.

ელექტროენერგიის მიწოდების დროებით შეზღუდვის შესახებ აბონენტებს გაეგზავნათ გამაფრთხილებელი შეტყობინებები. დაგეგმილი სამუშაოების დასრულებისთანავე აბონენტების ენერგომომარაგება ჩვეულ რეჟიმში აღდგება.-განცხადებას ,,ენერგო პრო ჯორჯია ,, ავრცელებს.

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა, ჩატარებული ოპერატიული და საგამოძიებო ღონისძიებების შედეგად, მოსამართლის განჩინების საფუძველზე, 1993 წელს დაბადებული დ. ხ. ბრალდებულის სახით დააკავეს.

შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა, გენერალურ პროკურატურასთან ერთად, ჩატარებული კომპლექსური საგამოძიებო და ოპერატიული ღონისძიებების შედეგად, თბილისში, თელავსა და ქუთაისში 13 პირი დააკავეს.

ყველა მათგანი: 1978 წელს დაბადებული ვ. გ. (მეტსახელად „ვიტო“), 1976 წელს დაბადებული ჯ. ხ. (მეტსახელად „ჯეკო“) , 1983 წელს დაბადებული რ. გ. (მეტსაცლეად პუპუშა“, 1974 წელს დაბადებული გ. რ. (მეტსახელად „ხონსკი“), 1987 წელს დაბადებული რ. დ. (მეტსახელად „ბაჩო“), 1992 წელს დაბადებული ა. შ., 1995 წელს დაბადებული ა. ლ., 1973 წელს დაბადებული გ. მ. (მეტსახელად „გიბონა“), 1978 წელს დაბადებული გ. დ., 1975 წელს დაბადებული ი. ჭ., 1966 წელს დაბადებული მ. კ. (მეტსახელად „ტყვლიპე“), 1978 წელს დაბადებული გ. მ., 1996 წელს დაბადებული მ. მ. ( მეტსახელად „მემი“) დაკავებულია „ქურდული სამყაროს“ წევრობის, „ქურდული სამყაროს“ წევრისთვის მიმართვის და ქურდული სამყაროს საქმიანობის მხარდაჭერის ბრალდებით.

დანაშაულები 7-დან 10 წლამდე ვადით თავისუფლების აღკვეთას ითვალისწინებს.

საზღვარგარეთ მყოფ კანონიერ ქურდს ზ. მ.-ს (მეტსახელად „გლეხოვიჩს“) კი ბრალი დაუსწრებლად წარედგინა, რაც 9-დან 15 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ ერთ-ერთ ბრალდებულს, ბიზნესსაქმიანობის პროცესში შემოსავლების არაობიექტურად განაწილებასთან დაკავშირებით, ფინანსური დავა წარმოექმნა ბიზნესპარტნიორთან.
მოდავე მხარეებმა უთანხმოების გამო არსებული დავის მოსაგვარებლად „ქურდული სამყაროს“ წევრებს მიმართეს, რის შემდეგაც ერთ-ერთმა საზღვარგარეთ მყოფმა კანონიერმა ქურდმა - ზ.მ.-მ საქმის გარჩევის ორგანიზება თავის შვილს - მ.მ.-ს დაავალა.

ამ უკანასკნელმა კი 2021 წლის 16 აპრილს, თბილისში, ერთ-ერთ საცხოვრებელ სახლში, დავის ქურდული წესით გარჩევის ორგანიზება მოახდინა, რომლის შედეგად, ერთ-ერთ მოდავე მხარეს მეორის სასარგებლოდ 80 000 ლარის გადახდა დაეკისრა.

სამართალდამცველებმა, მოსამართლის განჩინების საფუძველზე ჩატარებული ჩხრეკის შედეგად, ნივთმტკიცებად ამოიღეს კომპიუტერული ტექნიკა და ბრალდებულების მობილური ტელეფონები, რომელთა საშუალებითაც ისინი ერთმანეთს და საზღვარგარეთ მცხოვრებ ქართველ „კანონიერ ქურდს“ უკავშირდებოდნენ.

ასევე, მოსამართლის განჩნების საფუძველზე, პოლიციამ 4 ავტომანქანა და საბრძოლო ვაზნები ნივთმტკიცებად ამოიღო.

გამოძიება ,,კანონიერი ქურდობის“, „ქურდული სამყაროს“ წევრობის, „ქურდული სამყაროს“ წევრისთვის მიმართვის“ და ,,ქურდული სამყაროს“ საქმიანობის მხარდაჭერის ფაქტზე, საქართველოს სისხლის სამართლის კოდექსის 223-ე პრიმა მუხლის 1-ლი და მე-2 ნაწილებით, 223-ე პრიმა-3 და 223-ე პრიმა-4 მუხლებით მიმდინარეობს.

“ჯორჯიან მანგანეზსა„ და პროტესტის მონაწილეებს შორის შეთანხმება შედგა,შესაბამისად, სოფელ შუქრუთის მცხოვრებლებმა შიმშილობა შეწყვიტეს.

ირაკლი ღარიბაშვილის ტქმით,ქუტაისის აეროპორტს დიდი პოტენციალი აქვს.

,,დღეს ვიმყოფებით ქუთაისის განახლებულ აეროპორტში, რომელიც ერთ-ერთი ყველაზე მზარდი, განვითარებადია და წარმატებული პროექტია. გახსნის დღიდან ქუთაისის აეროპორტი ძალიან სწრაფად ვითარდება. მგზავრთა ნაკადი არის გაორმაგებული და გაოთხმაგებული. ახალი ტერმინალი ექვსჯერ დიდია, ვიდრე იყო პირველი ტერმინალი. ეს გვაძლევს მის საფუძველს, რომ კიდევ უფრო მეტი მგზავრი შემოვა ამ აეროპორტში“, – განაცხადა ირაკლი ღარიბაშვილმა

,,დღეს ჩვენ სახეზე გვაქვს სრულიად განახლებული სივრცე.  ტერმინალის საერთო ფართობი 6-ჯერ, 30 000 კვადრატულ მეტრამდე გაიზარდა მთლიანი სივრცე, რაც მართლაც ერთ-ერთი ფართომასშტაბიანი აეროპორტის შესაძლებლობას ქმნის. ასევე პრაქტიკულად 4-ჯერ გაიზარდა მგზავრთგამტარუნარიანობა და განახლებული აეროპორტი 2.5 მილიონზე მეტ მგზავრს მოემსახურება. ქუთაისის აეროპორტში მოსულ მგზავრებს 2 000 კვადრატულ მეტრამდე კომერციული ფართები დახვდებათ, რაც ძალიან კარგი შესაძლებლობაა მთლიანად საქართველოს ბიზნესისთვის, მათ შორის რეგიონალური, მცირე ბიზნესისთვის, ასევ გაიზარდა სარეგისტრაციო დახლები, გასასვლელები, ბარგის გაცემის ლენტი და ა.შ. ყველა პარამეტრით ეს არის უკვე საერთაშორისო სტანდარტების მსხვილი აეროპორტი“, – აღნიშნა ნათია თურნავამ.

ქუთაისის საერთაშორისო აეროპორტის გაფართოების მასშტაბური პროექტი 2017 წელს დაიწყო. სახელმწიფომ ამ მიზნით 110 მილიონი ლარის ოდენობის ინვესტიცია განახორციელა. სხვადასხვა დროს პროექტის განხორციელებაზე 500-ზე მეტი ადამიანი იყო დასაქმებული. პროექტში ჩართული იყო 100 ზე მეტი წამყვანი ქართული და უცხოური კომპანია.