ბაღდათის მუნიციპალიტეტის მოსწავლე ახალგაზრდობის სახლში, მუნიციპალიტეტის 2023 წლის ბიუჯეტის პროექტის საჯარო განხილვა გაიმართა.
ბიუჯეტის პროექტის საჯარო განხილვას ბაღდათის მუნიციპალიტეტის მერი კახა ენუქიძე, საკრებულოს თავმჯდომარე ნოდარ გიორგიძე, მოქალაქეები, არასამთავრობო სექტორის წარმომადგენელბი, საკრებულოს დეპუტატები, მერიის სამსახურების, განყოფილების და აიპების ხელმძღვანელები, მაჟორიტარი დეპუტატის ბიუროს წარმომადგენლები დაესწრნენ.
ბაღდათის მუნიციპალიტეტის 2023 წლის ადგილობრივი ბიუჯეტის მოცულობა 11,814.2 ათასი ლარით განისაზღვრა, რაც 2022 წლის დამტკიცებულ ბიუჯეტთან შედარებით 27.5% გაიზარდა. აღნიშნული ბიუჯეტის მოცულობა 2023 წლის განმავლობაში, სხვადასხვა ფონდებიდან გადმორიცხული თანხებით ეტაპობრივად მოიმატებს.
მომდევნო წლის ბიუჯეტის პრიორიტეტებია:
1.მმართველობა და საერთო დანიშნულების ხარჯები.
2. მოსახლეობის ჯანმრთელობის დაცვა და სოციალური უზრუნვეყოფა.
3.ინფრასტრუქტურის მშენებლობა, რეაბილიტაცია და ექსპლოატაცია.
4.დასუფთავება და გარემოს დაცვა.
5. განათლება.
6. კულტურა, რელიგია, ახალგაზრდობის ხელშეწყობა და სპორტი.
7. ეკონომიკის განვითარების ხელშეწყობა.
2023 წლის ბიუჯეტის პროექტი საჯარო განხილვამდე, ბაღდათის მუნიციპალიტეტის საფინანსო სამსახურმა გასაცნობად და შენიშვნებისთვის საკრებულოს გადაუგზავნა, რომლის მოსმენაც კომისიის ფორმატში წარიმართა. მუნიციპალიტეტის მთავარ ფინანსურ დოკუმენტს საკრებულო წლის ბოლომდე დაამტკიცებს.
მიუხედავად ძალიან ბევრი მცდელობისა, რომ საქართველოში გადმოეტანათ მეორე ფრონტი, ჩვენი გონივრული პოლიტიკის შედეგად, ეს ყოველივე თავიდან იქნა აცილებული, - ამის შესახებ საქართველოს პრემიერ-მინისტრმა, მთავრობის სხდომაზე განაცხადა.
მისივე თქმით, საქართველოში ოპოზიციაში მყოფი პირები „მეორე ფრონტის გახსნას ცდილობს“.
„წარმოიდგინეთ, ეს ადამიანები საქართველოში ხელისუფლებაში რომ იყვნენ. ისინი არიან ოპოზიციაში და იქედან ცდილობენ ომის გახსნას და მეორე ფრონტის გახსნას. ერთი წამით რომ წარმოვიდგინოთ ეს ადამიანები დღეს ხელისუფლებაში, საქართველოს გადააქცევენ პოლიგონად. ვინმეს ეჭვი ეპარება თუ არ გაუკეთებიათ მანამდე? საკუთარი ნებით და გადაწყვეტილებით ჩააბარეს ჩვენი ტერიტორიის 20% - კოდორის ხეობა, ასეულობით სოფლები და ჩვენი ასეულობით გმირი ჯარისკაცი შეეწირა ამ ომს და მათ გაუთვლელ ნაბიჯებს.
უკრაინაში ძალიან მძიმე ვითარებაა, ასევე დღეს მსოფლიოში და ევროპაში არის ძალიან რთული ვითარება. მინდა ყველას შევახსენო, რომ დაწყებული აშშ-ის პრეზიდენტით, ევროპის ქვეყნების ლიდერები საჯაროდ მიმართავენ საკუთარ მოქალაქეებს, რომ არ მიიღონ მონაწილეობა ამ საომარ მოქმედებებში და სოლიდარობა გამოხატონ სხვა ფორმით. ჩვენ, როგორც პასუხისმგებელი მთავრობა, ვალდებული ვართ, ვიზრუნოთ თითოეულ მოქალაქეზე. ჩვენი თითოეული ნაბიჯი უნდა იყოს კარგად გააზრებული, აწონილი და შეფასებული, რომ რაიმე ფორმით ჩვენს მოქალაქეებს, ქვეყანას არ შევუქმნათ პრობლემები. ჩვენი მთავარი ვალდებულება არის მშვიდობისა და სტაბილურობის შენარჩუნება ქვეყანაში, რაც არის განმსაზღვრელი ჩვენი კეთილდღეობის. ჩვენ სამჯერ ვიომეთ, მეგობრებო - სამჯერ ვიომეთ მას შემდეგ, რაც აღვადგინეთ დამოუკიდებლობა, საკმარისია. ჩვენ გვსურს ქვეყნის გაერთიანება მშვიდობიანი გზით. ეს არის გონივრული ეროვნული პოლიტიკა და არა ომით, მითუმეტეს წაუგებელ ომებში ჩვენი ხალხის შეყვანით“, - განაცხადა ირაკლი ღარიბაშვილმა.
