ქუთაისის მუნიციპალიტეტის საკრებულომ 2023 წლის ბიუჯეტი დაამტკიცა. ბიუჯეტს საკრებულოს უმრავლესობასთან ერთად მხარი "სტრატეგია აღმაშენებლის" წარმომადგენელმა დაუჭირა . სულ ბიუჯეტს მხარი 19-მა დეპუტატმა დაუჭირა
ერთიანი ნაციონალური მოძრაობა ბოიკოტის რეჟიმშია და ოპოზიციონერი დეპუტატები სხდომას არ დასწრებიან .
ქუთაისის 2023 წლის მთავარი ფინანსური დოკუმენტი 101 მილიონ ლარს აღემატება (101 მილიონ 848 ათასი ლარი) და წლის ბოლომდე კიდევ მნიშვნელოვნად გაიზრდება.
️ინფრასტრუქტურული პროექტების განხორციელებაზე დაიხარჯება - 24 500,6 ათასი ლარი, რაც წინა წლის დამტკიცებულ ხარჯებზე 470,0 ათასი ლარით მეტია.
️დასუფთავება და გარემოს დაცვა - 9 076,6 ათასი ლარი, გაიზარდა 345,5 ათასი ლარით;
️განათლების სფეროს განვითარება - 17 483.7 ათასი ლარი, გაიზარდა 3 026, 7 ათასი ლარით;
️სპორტის სფეროს განვითარება - 10 228,1 ათასი ლარი, გაიზარდა 1 806.1 ათასი ლარით;
კულტურისა და ახალგაზრდული სფეროს განვითარება - 10 415.3 ათასი ლარი, გაიზარდა 1 071.7 ათასი ლარით;
ჯანდაცვის სფეროს დაფინანსება - 2 241.0 ათასი ლარი, გაიზარდა 616,0 ათასი ლარით;
სოციალური პროგრამების დაფინანსება - 5 694.2 ათასი ლარი, გაიზარდა 790.7 ათასი ლარით;
მნიშვნელოვნად გაიზარდა აუტისტური სპექტრის მქონე ბავშვთა რეაბილიტაციისათვის გამოყოფილი თანხები და შეადგინა 1 470,0 ათასი ლარი (ზრდა 361,0 ათასი ლარი), ასევე 261-დან 318-მდე გაიზარდა ბენეფიციართა რაოდენობა.
დღეს აკაკი წერეთლის სახელმწიფო უნივერსიტეტში ქუთაისის მუნიციპალიტეტის 2023 წლის ბიუჯეტის საჯარო განხილვა გაიმართა.
ბიუჯეტის განხილვას ქუთაისის მუნიციპალიტეტის საკრებულოს თავმჯდომარე ირაკლი შენგელია, ქალაქის მერი იოსებ ხახალეიშვილი, ადგილობრივი ხელისუფლების წარმომადგენლები, მოქალაქეები, ასევე მედიისა და სამოქალაქო სექტორის წარმომადგენლები დაესწრნენ.
შეხვედრისას ქუთაისის 2023 წლის ბიუჯეტის ძირითადი პარამეტრები, პროგრამები და პროექტები იქნა წარმოდგენილი.
2023 წლის ბიუჯეტის პროექტმა 101 484,7 ათასი ლარი შეადგინა, რაც 2022 წლის დამტკიცებულ ბიუჯეტს 11 607,9 ათასი ლარით აღემატება.
2023 წლის ბიუჯეტი დაახლოებით 12 მილიონი ლარით მეტია მიმდინარე წლის ბიუჯეტზე.
ნახევარი მილიონამდე ლარით იზრდება ინფრასტრუქტურული პროექტების დაფინანსება და 24 500,6 ათასი ლარით განისაზღვრება.
თითქმის მილიონნახევარი ლარით გაიზრდება ჯანდაცვისა და სოციალური პროგრამების დაფინანსება, ასევე იზრდება განათლების, კულტურის, სპორტის, ახალგაზრდობის სფეროების დაფინანსება.
