- პოლიტიკა
- გადასვლები: 944
გარიგება მართველ გუნდსა და მასთან დაახლოებულ ბიზნესმენს შორის-რაზე საუბრობს ანტიკორუფციული მოძრაობის წარმომადგენელი?
ანტიკორუფციული მოძრაობის იმერეთის ორგანიზაციის თავმჯდომარე ქუთაისში, მმართველ პარტიასა და მასთან დაახლოებულ ბიზნესმენს შორის გარიგებაზე საუბრობს.
საქმე ეხება განჯის ქუჩაზე არსებულ ბინებს, რომელიც ბიზნესმენმა დავით კოსტავამ ააშენა,ბინები საქხელმწიფომ შეიძინა და დევნილებს გადასცა. როგორც თემურ ცამციშვილი ამბობს, კოსტავა გარიგებაშია ,,ქართულ ოცნებასთან,,.ბიზნესმენის ოჯახის წევრი კი ქუთაისის საკრებულოს დეპუტატია.დავით კოსტავა ამავე დროს არის განჯის ქუჩა N12 ბინების ამხანაგობის თავმჯდომარე, მოსახლეობა კი ამბობს , რომ არ იციან ვინ აირჩია ის თავმჯდომარედ. ამჯერად ბიზნესმენსა და მაცხოვრებლებს შორის დავის საგანია ეზო ,რომლის კეთილმოწყობისთვის კოსტავა მოსახლეობას 84 ათას ლარს თხოვს. როგორც ცამციშვილი ამბობს, ეზოში დგას მხოლოდ რამდენიმე ძელსკამი და რამდენიმე ხეა დარგული, არის ანტისანიტარია, ამოდის კანალიზაცია, პერიოდულად იტბორება ტერიტორია და ეზოს კეთილმოწყობის არაფერი ეტყობა. მოსახლეობა თანხის გადახდას არ აპირებს. დღესვე თემურ ცამციშვილმა ბრიფინგზე მედიას ფოტოები წარუდგინა.
,,მოვითხოვთ ხელისუფლებისგან დაანებოს თავი ,,ქართულ ოცნებასთან,, აფილირებულ ბიზნესმენებთან გარიგებებს და პირიქით, მოთხოვოს ეზოს კეთილმოწყობა.მიმდინარეობს სასამართლო დავა, ჩვენ მხარს ვუჭერთ მოსახლეობის სამართლიან მოთხოვნას და ამ პროცესს ბოლომდე მივყვებით,,-აცხადებს თემურ ცამციშვილი.
ეზო, რომელზეც დავა მიმდინარეობს, მერიამ აუქციონზე გაიტანა,თუმცა ამჟამად აუქციონი პროტესტის გამო შეჩერებულია.
ასევე აღსანიშნავია, რომ ბინების გვერდით მშენებლობაა.ადგილზე, სადაც სკვერი უნდა გაკეთებულიყო, ახლა ბინა შენდება,თუმცა მშენებლობა გაჩერებულია და ნარჩენები მდინარეშია ჩაყრილი.კორპუსს ბიზნესმენ დავით კოსტავას სამშენებლო კომპანია აშენებს. მოსახლეობა სკვერის ადგილზე მშენებლობასაც აპროტესტებს და რამდენჯერმე აქციაც გამართეს.
