25 აპრილს წვიმის სახით მოსულმა ნალექმა პრობლემები შექმნა საჩხერის მუნიციპალიტეტის ჭალოვანის ადმინისტრაციულ ერთეულში შემავალ სოფლებში ჭალოვანსა და ხვანში. ღვარცოფმა დააზიანა საავტომობილო გზა და ხიდი. ინფრასტრუქტურის აღდგენითი სამუშაოები რამდენიმე დღეა მიმდინარეობს.

სტიქიის შედეგად დაზიანებული ინფრასტრუქტურის აღდგენით სამუშაოებს საჩხერის მუნიციპალიტეტის მერი ლევან ივანაშვილი გაეცნო.

. 

დღესასწაული ბაგრატის ტაძარში, ქუთათელ-გაენათელი მიტროპოლიტის იოანეს მიერ ქალაქის დალოცვით დაიწყო. 

ბაგრატის ტაძარში იმყოფებოდნენ ქუთაისის მერის მოვალეობის შემსრულებელი დავით ერემეიშვილი, იმერეთში სახელმწიფო რწმუნებული ლევან ზალკალიანი, პარლამენტარი ზაზა ლომინაძე, ადგილობრივი ხელისუფლებისა და სამღვდელოების წარმომადგენლები, ჩოხოსნები.

ტრადიციისამებრ, დღესასწაულის მონაწილეებმა პატივი მიაგეს სამი ოთარის- ოთარ სულაბერიძის, ოთარ ქორქიას და ოთარ მამფორიას ხსოვნას. 

ქუთაისის ნ.ბერძენიშვილის სახელობის სახელმწიფო ისტორიულ მუზეუმში, ქალაქის მერის მოვალეობის შემსრულებელმა ქუთაისის დამეგობრებული და პარტნიორი ქალაქების დელეგაციები მიიღო. აქვე წარმოდგენილი იყო გამოფენა „ ქუთაისი თვითმმართველი ქალაქი 150“.

წელს "ქუთაისქალაქობის" მთავარი ღონისძიებები თეთრი ხიდის მიმდებარედ, მეფეთუბანში იმართება.

ქუთაისის ცენტრალური პარკის რეაბილიტაციის სამუშაოები დასრულების ფაზაშია. ამ დროსთვის, შესრულებულია პროექტით დაგეგმილი სამუშაოების 90%.

ქუთაისის მუნიციპალიტეტის მერიის თხოვნით, პროექტს დაემატა ახალი კომპონენტები: პარკის სამხრეთ და აღმოსავლეთ მხარეს საფეხმავლო ბილიკების განახლება და ნიკო ნიკოლაძის ბიუსტისთვის სპეციალური სივრცის მოწყობა. აღნიშნული ცვლილებების გამო, სამუშაოების დასრულების ვადა გახანგრძლივდა და პარკი, განახლებული სახით, ივნისის მეორე ნახევარში გაიხსნება.

ამ დროისათვის, ქუთაისის ცენტრალურ პარკში უკვე დასრულებულია: წყალმომარაგებისა და წყალარინების სისტემების განახლება, სადრენაჟე და ავტომატური სარწყავი სისტემის მოწყობა, ენერგოეფექტური განათების ბოძების მონტაჟი, შადრევნების განახლება და ახალის მოწყობა, ბილიკებისა და ბორდიურების მოპირკეთება, ისტორიული კოლონადების და ინფრასტრუქტურის რესტავრაცია, მედიათეკის მოწყობა და დამატებითი გამწვანება დენდროლოგიური პროექტის შესაბამისად. ასევე, პარკის ქვედა ნაწილში უკვე შეიქმნა ახალი რეკრეაციული ზონა - „ვარდების ხეივანი“.

ქუთაისის ცენტრალური პარკის რეაბილიტაციის პროექტს ინფრასტრუქტურის სამინისტროს მუნიციპალური განვითარების ფონდი ახორციელებს.

ორმაისობა, ანუ ქუთაისქალაქობა ტრადიციული ღონისძიებებით აღინიშნება.დღესასწაული 2 მაისს,09 საათზე,მეუფე იოანეს მიერ ქუთაისის დალოცვით დაიწყება.მოხდება სამი ოთარის ძეგლის პატივგებაც.

სტუმრების მიღების ოფიციალური ცერემონია ქუთაისის სახელმწიფო ისტორიულ მუზეუმში გაიმართება. 

ღონისძიებების ძირითადი ნაწილი ვერიკო ანჯაფარიძის სკვერსა და თეთრი ხიდის მიმდებარედ ჩატარდება. 

ორმაისობას თბილისის ბიგ-ბენდის კონცერტი და DJ დაასრულებს.

ხვალ,2 მაისს მუნიციპალური ტრანსპორტი მოსახლეობას უფასოდ მოემსახურება.

გახანგრძლივდება ტრანსპორტის სამუშაო საათები- მუნიციპალური ტრანსპორტი 3 მაისის 01 : 00 საათამდე იმუშავებს.

შინაგან საქმეთა სამინისტროს იმერეთის პოლიციის დეპარტამენტის და თერჯოლის რაიონული სამმართველოს თანამშრომლებმა, სხვადასხვა დროს ჩატარებული ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულის ბრალდებით 3 პირი დააკავეს. 

 1976 წელს დაბადებული ქ.შ.-ს, 1977 წელს დაბადებული ვ.კ.-ს და წარსულში ნასამართლევ და ამჟამად პირობითი მსჯავრის ქვეშ მყოფ 1976 წელს დაბადებულ ი.ჟ.-ს ბრალი ედებათ წინასწარი შეთანხმებით ჯგუფის მიერ, დიდი და განსაკუთრებით დიდი ოდენობით ნარკოტიკული საშუალებების არაერთგზის უკანონო შეძენა-შენახვასა და გასაღების მცდელობაში.

ჭიათურაში მაღაროელთა საფიცვა გრძელდება. პროტესტის უკიდურეს ფორმას შვიდმა ადამიანმა მიმართა.მოშიმშილეთაგან  ერთი ქალია. შიმშილობა დაიწყო გუშინ დაკავებული მაღაროელებიდან ორმა ადამიანმა.

 ,,მოგმართავთ თქვენ, ვინც ფიქრობთ ამ კომპანიის შეთავაზების განხილვაზე, იმ დროს, როდესაც 6 კაცი და 1 ქალბატონი აქ, ჭიათურაში, შიმშილობს; 2 ჩვენი თანამებრძოლი კი ციხეში შიმშილობს ჩვენი საერთო მოთხოვნების მხარდასაჭერად.

ისინი განთავისუფლების მოთხოვნით არ შიმშილობენ – ისინი ითხოვენ, რომ პრემიერმინისტრი პირადად ჩამოვიდეს და ჩვენს, მაღაროელებთან, უშუალოდ, ყოველგვარი შუამავლების გარეშე, მოისმინოს ჩვენი პრობლემები და მოთხოვნები.

ხალხო, ეს უკვე სიგიჟეს წააგავს – 100-ჯერ მოგვატყუა კომპანიამ და 101-ედ კვლავ ვაპირებთ მისი შეთავაზების განხილვას?!

რას ვეუბნებით დაპატიმრებულ ბიჭებს? რას ვეუბნებით შიმშილობის რეჟიმში მყოფ ადამიანებს? ქალბატონს? ჩვენს შვილებს მომავალში?

რას ვეუბნებით მოსახლეობას, რომელიც 425 დღეზე მეტია, სამართლიანად აპროტესტობს და იცავს საკუთარ სახლ-კარს?

უკვე 62 დღეა უწყვეტი პროტესტი მიმდინარეობს. 62 დღეა კარავში ვათენებთ და ვაღამებთ მოვწყდით საკუთარ ოჯახებს , იმისთვის , რომ ჭიათურამ გაიმარჯვოს. მართლა ფიქრობთ, რომ ამ ხალხს უნდა გადაგვაბიჯოთ ? პირადი კეთილდღეობის მოლოდინის გამო , რომელიც გარანტირებულიც კი არაა და მონობას უფრო გიქადით ვიდრე კეთილდღეობას ? 

ეს ვართ ჭიათურელები ? დაფიქრდით ხალხი ცხოვრებას და სიცოცხლეს რისკავს ! 

შეგახსენებთ , რომ ამ პრობლემების ფონზე სამუშაო პროცესი ვერ აღდგება , რადგან არც სამართლებრივად და არც მორალურად არაა სწორი.

 ხოლო ნებისმიერი მცდელობა იქნება ღალატი – ქალაქის, ამ ხალხის და საბოლოოდ, საკუთარი თავის!,,-მაღაროელთა საინიციატივო ჯგუფი.