ინტენსიური თოვის და ქარბუქის გამო, გომი-საჩხერე-ჭიათურა-ზესტაფონის საავტომობილო გზის კმ1-კმ106  მონაკვეთზე დროებით იზღუდება მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.

ინფორმაციას საქართველოს საავტომობილო გზების დეპარტამენტი ავრცელებს. 

 17 იანვარს დასავლეთ საქართველოში, ხოლო 18 იანვრიდან 20 იანვრის დილამდე აღმოსავლეთ საქართველოში მოსალოდნელია ნალექი, ზოგან ძლიერი, უმეტესად თოვლის სახით, ნისლი, ქარბუქი, ელექტროგადამცემ ხაზებზე შემოყინულობა, გზებზე ლიპყინული, მთიან რაიონებში - ზვავსაშიშროება.    

დიდთოვლობის, ხილვადობის გაუარესების, ქარბუქის, ლიპყინულის და ზვავსაშიშროების გამო საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა. მოსალოდნელმა ძლიერმა 

ნალექებმა შესაძლებელია გორაკ-ბორცვიან და მთიან ზონებში მეწყრული პროცესების ჩასახვა-გააქტიურება გამოიწვიოს (საფრთხის დონე საშუალო).

ინფორმაციას გარემოს ეროვნული სააგენტო ავრცელებს. 

ქუთაისის საქალაქო სასამართლოში დღეს 4 ჭიათურელი მაღაროელის პროცესი გაიმართა.  მხარდამჭერები ელოდნენ,რომ მოსამართლე დღეს განაჩენს გამოაცხადებდა,თუმცა პროცესი გადაიდო.სხდომა 20 იანვარს,11 საათზე განახლდება.სავარაუდოდ,გამოცხადდება განაჩენი.

,,გადაიდო პროცესი. ხალხო, ეს იცით რას ნიშნავს ? მოსამართლე ვერ ხვდება ,როგორ უნდა გამოიტანოს გამამტყუნებელი განაჩენი, იმდენად აფსურდი პროცესია.-,,აცხადებენ მხარდამჭერები.

4 ჭიათურელი -მერაბ სარალიძე, გიორგი ნეფარიძე, თენგო გველესიანი და აჩიკო ჭუმბურიძე 2025 წლის 28 აპრილს დააკავეს. გამოძიების ინფორმაციით, ბრალდებულებმა შუქრუთის მაღაროს დირექტორს ფიზიკური შეურაცხყოფა მიაყენეს.

გამოძიება თავდაპირველად სისხლის სამართლის კოდექსის 118-ე მუხლის მე-2 ნაწილით დაიწყო, რაც ჯგუფურად ჯანმრთელობის განზრახ ნაკლებად მძიმე დაზიანებას გულისხმობს. მოგვიანებით, მერაბ სარალიძესა და გიორგი ნეფარიძეს ბრალი დაუმძიმდათ სისხლის სამართლის კოდექსის 225-ე მუხლით, რაც ჯგუფური ძალადობის ორგანიზებას და მასში მონაწილეობას გულისხმობს და 6-დან 9 წლამდე პატიმრობას ითვალისწინებს.

2025 წელს საქართველოს დაცულ ტერიტორიებზე 1 250 417 ვიზიტორმა იმოგზაურა, რაც ვიზიტორთა რაოდენობის კუთხით რეკორდულ მაჩვენებელს წარმოადგენს. 2024 წელთან შედარებით, ვიზიტორთა რაოდენობა თითქმის 13%-ით არის გაზრდილი.

ინფორმაციას დაცული ტერიტორიების სააგენტო აქვეყნებს. 

ყველაზე მონახულებად დაცულ ტერიტორიებს შორის ლიდერობენ:

• პრომეთეს მღვიმე – 285 883 ვიზიტორი

• მარტვილის კანიონი – 275 475 ვიზიტორი

• მტირალას ეროვნული პარკი – 131 271 ვიზიტორი

• სათაფლიის მღვიმე – 105 389 ვიზიტორი

• წალკის კანიონი – 98 809 ვიზიტორი

2025 წელს ქართველი ვიზიტორების რაოდენობამ 515 188 შეადგინა, რაც 2024 წლის მაჩვენებელთან შედარებით 12%-იან ზრდას ასახავს. 14%-ითაა გაზრდილი უცხოელი ვიზიტორების რაოდენობა, მოგზაურთა რაოდენობამ 735 229 ვიზიტორს მიაღწია.

დღეს, 15:00 საათზე, ქუთაისის საქალაქო სასამართლოში ჭიათურელი მაღროელების დასკვნითი სასამართლო პროცესი გაიმართება. სავარაუდოდ დღესვე გამოცხადდება განაჩენი.

,,მოგმართავთ განსაკუთრებით მაღაროში დასაქმებულებს — გთხოვთ, წამობრძანდეთ და საკუთარი ყურით მოისმინოთ მოსამართლის საბოლოო გადაწყვეტილება. თქვენი დასწრება მნიშვნელოვანია.,,-მაღაროელთა საინიციატივო ჯგუფი. 

4 ჭიათურელი -მერაბ სარალიძე, გიორგი ნეფარიძე, თენგო გველესიანი და აჩიკო ჭუმბურიძე 2025 წლის 28 აპრილს დააკავეს. გამოძიების ინფორმაციით, ბრალდებულებმა შუქრუთის მაღაროს დირექტორს ფიზიკური შეურაცხყოფა მიაყენეს.

გამოძიება თავდაპირველად სისხლის სამართლის კოდექსის 118-ე მუხლის მე-2 ნაწილით დაიწყო, რაც ჯგუფურად ჯანმრთელობის განზრახ ნაკლებად მძიმე დაზიანებას გულისხმობს. მოგვიანებით, მერაბ სარალიძესა და გიორგი ნეფარიძეს ბრალი დაუმძიმდათ სისხლის სამართლის კოდექსის 225-ე მუხლით, რაც ჯგუფური ძალადობის ორგანიზებას და მასში მონაწილეობას გულისხმობს და 6-დან 9 წლამდე პატიმრობას ითვალისწინებს.

წყალტუბოში, ხონში და სოფელ იანეთში საფეხბურთო ტექნიკური ცენტრები და ხელოვნურსაფარიანი სტადიონები აშენდება

ინფრასტრუქტურის სამინისტროს მუნიციპალური განვითარების ფონდი ქალაქ წყალტუბოში, ქალაქ ხონში და სამტრედიის მუნიციპალიტეტის სოფელ იანეთში საფეხბურთო ტექნიკური ცენტრებისა და სტადიონების მშენებლობას იწყებს.

შესაბამისი ხელშეკრულება ელექტრონულ ტენდერში გამარჯვებულ კომპანიასთან გაფორმდა, რომელშიც მომსახურების გაწევისა და სამუშაოების შესრულების საერთო ვადად 12 თვეა განსაზღვრული.  

პროექტების ფარგლებში მოეწყობა ხელოვნურსაფარიანი საფეხბურთო მოედნები, 300 მაყურებელზე გათვლილი ტრიბუნები, გასახდელები, სველი წერტილები და სამეურნეო სათავსოები.

ინფრასტრუქტურა სრულად იქნება ადაპტირებული განსაკუთრებული საჭიროებების მქონე პირებისთვის. 

ტექნიკური ცენტრები უზრუნველყოფილი იქნება, ასევე, შესაბამისი ინვენტარით და მოედნების მოვლისთვის საჭირო ტექნოლოგიური საშუალებებით.

გარდა ამისა, საფეხბურთო ტექნიკური ცენტრების პროექტირება-მშენებლობა იწყება გორის, თელავის, ყვარლის, ახმეტის, გურჯაანის, სიღნაღის, ახალქალაქის, ახალციხის, ჩოხატაურის, ოზურგეთის, ვანის,სამტრედიის, ჩხოროწყუს, მარტვილისა და აბაშის მუნიციპალიტეტებში.

ფოტო პირობითია.