პროკურატურის მიერ წარდგენილი მტკიცებულებების საფუძველზე არასრულწლოვანი შვილის გაუპატიურებაში ბრალდებულს უვადო თავისუფლების აღკვეთა მიესაჯა.

ქუთაისის საქალაქოს სასამართლომ სრულად გაიზიარა პროკურატურის მიერ წარდგენილი მტკიცებულებები და არასრულწლოვანი შვილის გაუპატიურებაში ბრალდებული დამნაშავედ ცნო.

სასამართლო პროცესებზე გამოკვლეული მტკიცებულებებით დადასტურდა, რომ ბრალდებული ძალადობით და დაზარალებულის ასაკობრივი უმწეობის გამოყენებით, სისტემატურად აუპატიურებდა არასრულწლოვან შვილს.

სასამართლომ ბრალდებული სრულად ცნო დამნაშავედ წარდგენილ ბრალდებაში და სასჯელის სახედ და ზომად უვადო თავისუფლების აღკვეთა განუსაზღვრა.

 საქართველოს გენერალური პროკურატურის და სახელმწიფო უსაფრთხოების სამსახურის მიერ ერთობლივი ღონისძიების ფარგლებში განხორციელდა საქართველოს ყოფილი პრემიერ-მინისტრის - ირაკლი ღარიბაშვილის, სახელმწიფო უსაფრთხოების სამსახურის ყოფილი უფროსის - გრიგოლ ლილუაშვილის, ყოფილი მთავარი პროკურორის - ოთარ ფარცხალაძის და მათთან დაკავშირებული პირების ბინების, სახლების და სეიფების ჩხრეკები, რა დროსაც ამოღებული იქნა სხვადასხვა ელექტრონული ინფორმაციის მატარებლები, დოკუმენტაცია, ძვირფასეულობა და დიდი ოდენობით ფულადი თანხა.

დღეს, აღნიშნულ საქმეზე, საქართველოს გენერალური პროკურატურის და სახელმწიფო უსაფრთხოების სამსახურის მიერ ერთობლივად ჩატარებული ღონისძიების ფარგლებში, განსაკუთრებით დიდი ოდენობით უკანონო შემოსავლის ლეგალიზაციის ფაქტზე, დაკავებული იქნა გრიგოლ ლილუაშვილთან დაკავშირებული პირი - ანდრია ლილუაშვილი.

დაკავებულს ბრალდება საქართველოს სისხლის სამართლის კოდექსის 194-ე მუხლით წარედგინება, რაც სასჯელის სახედ და ზომად 9-დან 12 წლამდე თავისუფლების აღკვეთას ითვალისწინებს.

პროკურატურა ბრალდებულისთვის აღკვეთის ღონისძიების - პატიმრობის შეფარდების მოთხოვნით, სასამართლოს კანონით დადგენილ ვადაში მიმართავს.

საქართველოს პროკურატურა და სახელმწიფო უსაფრთხოების სამსახური ინტენსიურად აგრძელებს გამოძიებას, იმ პირების მიმართ, ვისთანაც შესაძლოა დანაშაულებრივ კავშირში იყო ანდრია ლილუაშვილი, როგორც ზემოაღნიშნული კვალიფიკაციით, ისე საქართველოს სისხლის სამართლის კოდექსის 339 პრიმა მუხლით, რაც გულისხმობს ზეგავლენით ვაჭრობას. ასევე ორგანიზებულ დანაშაულებრივ საქმიანობაში ჩართული სხვა პირების გამოვლენის და შესაბამისი სამართლებრივი პროცედურების გატარების მიზნით .

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა მცხეთა-მთიანეთში, აჭარაში, გურიაში, რაჭა-ლეჩხუმი-ქვემო სვანეთში, იმერეთსა და სამცხე-ჯავახეთში ხე-ტყის უკანონო მოპოვების ფაქტები გამოავლინეს.

 სამართალდარღვევები დაფიქსირდა თიანეთის, ქობულეთის, ხულოს, შუახევის, ოზურგეთის, ცაგერის, ხარაგაულის, ჭიათურისა და ახალციხის მუნიციპალიტეტებში. 

ჯამში ამოღებულია უკანონოდ მოპოვებული სხვადასხვა სახეობის 20 ერთეული ხე-მცენარე, 33 ერთეული მრგვალი ხე-ტყე (მორი) და 1,5 კუბური მეტრი მოცულობის საშეშე მერქანი. 

26 ოქტომბერს „ჭიათურობა 2025“- ტრადიციული სახალხო დღესასწაული გაიმართება. 

ღონისძიებები  დილის 12:00 საათიდან დაიწყება და მთელი დღის განმავლობაში გაგრძელდება.

დღის განმავლობაში დაგეგმილი აქტივობები:

12 :00 საათი - სკვერის გახსნა ქალაქის ადმინისტრაციული შენობის მიმდებარედ.

საზეიმო მსვლელობა ნინოშვილის ქუჩაზე.

შემეცნებით-გასართობი სივრცეები,პერფორმანსები ,ფლეშმობები და საგამოფენო კუთხეები;

სამხედრო ტექნიკის გამოფენა ( ყოფილი ტრესტის შენობის წინ) 

ჭიათურის აკაკი წერეთლის სახელობის თეატრის პერფორმანსი ( ნინოშვილის ქუჩა)

ეთერ სამხარაძე-ჯღამაძის სკვერი-ლიტერატურული კომპოზიცია (ნინოშვილის ქუჩა)

ქალაქის სპორტული სკოლების და სკოლამდელი დაწესებულებების აქტივობები (ნინოშვილის ქუჩა)

მულტიფუნქციური ცენტრის სივრცე ( გამარჯვების პარკი) 

ჭიათურა მენეჯმენტ კომპანის სივრცე ( კულტურის ცენტრის მიმდებარედ)

ჭიათურობას ულოცავენ ქალაქის საჯარო სკოლები ( გამარჯვების პარკი)

მეწარმეთა ხელნაკეთი ნამუშევრების გამოფენა-გაყიდვა ( კულტურის ცენტრის წინ)

სამხატვრო სკოლის ნამუშევრების გამოფენა ( კულტურის ცენტრის წინ)

ბავშვთა გასართობი სივრცეები :

შოუ-პროგრამები, ატრაქციონები -(ყოფილი კინოს მიმდენარედ და კულტურის ცენტრის წინ) 

13:00 საათიდან- ჭიათურის მუნიციპალიტეტის სოფლების (ადმინისტრაციული ერთეულები) საშემოდგომო-საგამოფენო სივრცეები.( კულტურის ცენტრის მიმდებარედ)

14 : 00 საათი –ადგილობრივი შემოქმედებითი კოლექტივების კონცერტი

16 : 00 საათი- ანსამბლ „ჩანგის“ კონცერტი

17: 30 საათი – ჭიათურის საპატიო მოქალაქეების დაჯილდოების ცერემონია

18 : 00 საათი –დასკვნითი კონცერტი: 

ჯგუფი „ურსა“

 20:00 საათი -ფოიერვერკი

შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის კმ67-კმ68 (ქ.ჭიათურის გზატკეცილი, ე.ნინოშვილის ქუჩა) მონაკვეთზე, ჭიათურის მუნიციპალიტეტის მერია 2025 წლის 25 ოქტომბერს ატარებს სახალხო დღესასწაულს ,,ჭიათურობა“. რის გამოც,  აღნიშნული მონაკვეთი  2025 წლის 25 ოქტომბერს 21:00 სთ-დან 26 ოქტომბრის 21:00 სთ-მდე ჩაიკეტება.

საავტომობილო გზების დეპარტამენტის ინფორმაციითავტოტრანსპორტი იმოძრავებს შემოვლითი გზით. კერძოდ, შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის 67-ე კმ-დან, 26 მაისის, გ.თხელიძის ქუჩების და გამსახურდიას სანაპიროს გავლით, საიდანაც შეუერთდება გომი-საჩხერე-ჭიათურა-ზესტაფონის საავტომობილო გზას 68-ე კმ-ში, ე. ნინოშვილის ქუჩის გამოყენებით.

ქართველი ჟურნალისტი ,  „ნეტგაზეთისა“ და „ბათუმელების“ დამფუძნებელი მზია ამაღლობელი და ბელარუსი ჟურნალისტი ანდჟეი პოჩობუტი 2025 წლის სახაროვის პრემიის გამარჯვებულები გახდნენ.ორივე მათგანი პატიმრობაში იმყოფება. 

როგორც გამარჯვებულების გამოცხადებისას ევროპარლამენტის პრეზიდენტმა რობერტა მეცოლამ განაცხადა, ანდჟეი პოჩობუტისა და მზია ამაღლობელის გამბედაობა შუქურად ანათებს ყველასთვის, ვინც უარს ამბობს გაჩუმებაზე“.

პრემიის გამარჯვებულებს 50 000 ევრო გადაეცემათ. დაჯილდოების ცერემონია 16 დეკემბერს, სტრასბურგში გაიმართება.

სახაროვის სახელობის პრემია 1988 წელს ევროპის პარლამენტის მიერ დაარსდა. ჯილდო ყოველწლიურად ადამიანის უფლებების და ძირითადი თავისუფლებების, დემოკრატიის განვითარების და კანონის უზენაესობის, საერთაშორისო სამართლის პატივისცემის და უმცირესობის უფლებების დაცვის საკითხებში შეტანილი წვლილისთვის გაიცემა.