ქუთაისელი ანასტასია კირთაძე სწრაფ ჭადრაკში მსოფლიოს ჩემპიონია
სპორტი
გადასვლები: 660

ქუთაისელი ანასტასია კირთაძე 14 წლამდე ასაკის მოჭადრაკეთა შორის მსოფლიოს ჩემპიონია.

ქართველი მოჭადრაკე ანასტასია კირთაძე ბათუმში მიმდინარე 14 წლამდე ასაკის მოჭადრაკეთა მსოფლიოს ჩემპიონატის გამარჯვებულია.
 
მან სწრაფ ჭადრაკში მსოფლიოს ჩემპიონის ტიტული ნაადრევად, ჩემპიონატის დასრულებამდე ერთი ტურით ადრე მოიპოვა.
 
 აღსანიშნავია, რომ ანასტასია კირთაძე ასევე არის მსოფლიოს 15-წლამდელთა ჩემპიონატის გამარჯვებული.
ქუთაისი ფეხბურთში ევროპის 21 წლამდელთა ჩემპიონატისთვის ემზადება
სპორტი
გადასვლები: 868

 ქუთაისი უეფას 21-წლამდე ევროპის ჩემპიონატისთვის ემზადება.
 
ჩემპიონატი საქართველოსა და რუმინეთში 21 ივნისიდან 8 ივლისის ჩათვლით გაიმართება.შეხვედრებს თბილისი, ქუთაისი და ბათუმი უმასპინძლებს. 
 
ჩემპიონატისთვის მზადების პროცესში ,აშენდა და რეაბილიტაცია ჩაუტარდა 10 ინფრასტრუქტურულ ობიექტს, მათ შორის არის ქუთაისის რამაზ შენგელიას სახელობის სტადიონი და საწვრთნელ-სათადარიგო სტადიონი წყალტუბოში. 
 
ჩატარებული სარეაბილიტაციო-სამშენებლო სამუშაოების ფარგლებში, ბალახის ახალი საფარი მოეწყო, დამონტაჟდა სტადიონის განათებისა და გახმოვანების ახალი სისტემები, ახალი სკამები, ლედ სარეკლამო კედლები და სხვა.
 
სტადიონები აღჭურვილია უეფას სტანდარტის ბალახის საფარით და შესაბამისი სარწყავი და სადრენაჟე სისტემით.
 
სტადიონების სარეაბილიტაციო და სამშენებლო სამუშაოები რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა შეასრულა. 
 
სამუშაოები უეფას ჩართულობითა და მონიტორინგით მიმდინარეობდა.
 
 სამუშაოები, საქართველოს რეგიონული განვითარებისა და ინფრასტრუქტურის მინისტრმა და იმერეთში სახელმწიფო რწმუნებულმა დაათვალიერეს.
ქუთაისელი სპორტსმენი სანდრო ბაზაძე მადრიდის მსოფლიო თასის გამარჯვებულია
სპორტი
გადასვლები: 771

 ქართველი მოფარიკავე სანდრო ბაზაძე ესპანეთის დედაქალაქ მადრიდში გამართული მსოფლიოს თასის გათამაშების ოქროს მედალოსანია.მსოფლიო თასი საიუბილეო იყო და წელს მეორმოცედ ჩატარდა.
 
ქართველმა სპორტსმენმა ფინალურ შეხვედრაში იტალიელი რიკარდო ნუჩო (15:6) დაამარცხა.
 
მსოფლიოს N1-მა ხმლით მოფარიკავემ , კარიერაში მსოფლიო თასის პირველი მედალი, სწორედ ესპანეთის დედაქალაქში ზუსტად შვიდი წლის წინ დაისაკუთრა, გასული წლის 6 მაისს მან ბრინჯაოს მედალი აიღო,  წელს კი კოლექცია სრულად შეავსო და ოქროს მედალს დაეუფლა!
სასკოლო სპორტული ოლიმპიადის ფინალურ შეხვედრებში ქუთაისის სამი სკოლა მონაწილეობს
სპორტი
გადასვლები: 719

სასკოლო სპორტული ოლიმპიადის  დასავლეთ საქართველოს ზონალური თამაშების გამარჯვებული ქუთაისელი მოსწავლეები დღეს  საქართველოს ჩემპიონატში მონაწილეობის მისაღებად  თბილისში გაემგზავრნენ .
 
 ზონალურ ეტაპზე,  ხელბურთში  ქუთაისის  მე-40 საჯარო სკოლის ვაჟ ხელბურთელთა გუნდმა გაიმარჯვა. ბადმინტონში ლიდერობა 21-ე საჯარო სკოლის ვაჟთა და გოგონათა გუნდებმა მოიპოვეს, ხოლო ფრენბურთში პირველი ადგილის მფლობელი ქუთაისის 22-ე საჯარო სკოლის გოგონათა გუნდი გახდა.
 
მოსწავლეები დედაქალაქში ქუთაისის მერმა გააცილა.
 
ქუთაისში გაიხსნა დარბაზი,სადაც ხელოვნური საცოცი კედელი მოეწყო
სპორტი
გადასვლები: 1133

 ქუთაისში, კუპრაძის ქუჩაზე, სპორტული დარბაზის რეაბილიტაცია დასრულდა.  შენობაში  მოეწყო რთული ცოცვის კედელი და კალათბურთის დარბაზი,   აღიჭურვა უსაფრთხოების ლეიბებით, შეიცვალა გადახურვა, კარ-ფანჯარა, წყალმომარაგების და ელექტროობის სისტემები. 

 პროექტი 700 000 ლარზე მეტი დაჯდა და საპილოტე რეგიონების ინტეგრირებული განვითარების პროგრამით დაფინანსდა.
 
განახლებული სპორტული დარბაზი ქუთაისის მერმა , იმერეთში სახელმწიფო რწმუნებულმა , საკრებულოს თავმჯდომარის მოადგილემ  და საქართველოს მეკლდეურობის ეროვნული ფედერაციის  ვიცე-პრეზიდენტმა დაათვალიერეს.
 
„ კიდევ ერთი ახალი სპორტული ინფრასტრუქტურის ობიექტი შეემატა ქუთაისს.  კუპრაძის ქუჩაზე მდებარე ძველი სპორტული დარბაზი სრულად განვაახლეთ.  ქალაქის ისტორიაში პირველად, დახურულ დარბაზში მოვაწყვეთ თანამედროვე სტანდარტების შესაბამისი საცოცი კედელი. აქვე იქნება კალათბურთის დარბაზიც. მეკლდეურობა ქუთაისში საკმაოდ პოპულარული სპორტია, ეს ახალი სავარჯიშო დარბაზი კი , კიდევ უფრო შეუწყობს ხელს სპორტის ამ სახეობის განვითარებას და ახალი თაობის მეკლდეურთა გაზრდას.“- განაცხადა იოსებ ხახალეიშვილმა.
ქუთაისის ტორპედო მწვრთნელის გარეშე დარჩა-კახა ჩხეტიანმა თანამდებობა დატოვა
სპორტი
გადასვლები: 756

კახა ჩხეტიანი  ქუთაისის "ტორპედოს" მწვრთნელი აღარაა.მან თანამდებობა დატოვა.კლუბის მიერ გავრცელებული განცხადების მიხედვით, ჩხეტიანი  ურთიერთშეთანხმების საფუძველზე წავიდა.

,,ქუთაისის "ტორპედოს" მენეჯმენტისა და მთავარი მწვრთნელის ურთიერთშეთანხმების საფუძველზე, კახაბერ ჩხეტიანმა თანამდებობა დატოვა.
"ტორპედო" მადლობას უხდის მას გამორჩეული ღვაწლისთვის. ის დარჩება "ტორპედოს" ღირსეული ისტორიის ნაწილი, რაც თავის მხრივ კლუბის მომავალი წარმატების საფუძველია.,,-ქუთაისის  ,, ტორპედო,,.
 
ქუთაისელი კახა ჩხეტიანი „ტორპედოს“ მთავარი მწვრთნელი 3-ჯერ იყო. პირველად 2016 წლის სექტემბერში დაინიშნა და მისი ხელმძღვანელობით, 2017 წელს გუნდმა ქვეყნის ჩემპიონობა იზეიმა. მომდევნო წლებში კი „ტორპედომ“ საქართველოს თასი და სუპერთასი ორჯერ მოიგო. მისი თავკაცობით ქუთაისელებმა პირველად ითამაშეს ევროპალიგის პლეი-ოფში. მეორედ, კახა ჩხეტიანი „ტორპედოს“ 2021 წლის ივნისიდან ნოემბრამდე წვრთნიდა. 
მესამედ კი მან ,,ტორპედო,, 2023 წლის მაისში ჩაიბარა.
 
 კახა ჩხეტიანი თვითმმართველობის არჩევნებში ყოფილი პრემიერის გიორგი გახარიას პარტიის პროპორციული სიით მონაწილეობდა.მისი გათავისუფლებაც 2021 წელს მთავარი მწვრთნელის პოსტიდან სავარაუდოდ,სწორედ ამ ფაქტს უკავშირდებოდა.
  1. გვირილობის დღესასწაულთან დაკავშირებით ქუთაისში სპორტული აქტივობები გაიმართა
  2. ქუთაისელი სანდრო ბაზაძე სეულის გრან-პრის ვერცხლის პრიზიორია
  3. ქუთაისელი იოანე ხვარეშია პნევმატური პისტოლეტიდან სროლაში საქართველოს ჩემპიონია
  4. ბაღდათის მუნიციპალიტეტში სპორტის საერთაშორისო დღე აღინიშნა
მარცხენა ბანერი ნიუსებში

დღის სიახლეები

© 2020 Act2. ყველა უფლება დაცულია
ტელ: +995 558 35 06 15; ელ. ფოსტა: info@act2.ge

Search