ქუთაისის ფრენბურთელ გოგონათა გუნდი ბათუმის საერთაშორისო ფესტივალის გამარჯვებულია
სპორტი
გადასვლები: 667

ქუთაისის ფრენბურთელ გოგონათა გუნდი ბათუმის საერთაშორისო ფესტივალის გამარჯვებულია.

 ქუთაისელმა გოგონებმა ფინალურ შეხვედრაში ბათუმის გუნდი დაამარცხეს ანგარიშით  2:1.
 
აღსანიშნავია, რომ  ქეთევან ლებანიძის გაწვრთნილმა გუნდმა ტურნირზე ყველა შეხვედრა მოიგო. 
 
,,ქუთაისის" გუნდის წევრი ტასო დვალიშვილი -  საერთაშორისო ფესტივალის საუკეთესო თავდამსხმელად დასახელდა. 
 
🟩ტურნირი, 2007 - 2008 წწ დაბადებულ გოგონათა და ვაჟთა შორის მუხრან ვახტანგაძის სახელობის სპორტის სასახლეში გაიმართა  და მასში საქართველოს, სომხეთის, ლატვიისა და აზერბაიჯანის 21 გუნდი ასპარეზობდა (400-მდე ფრენბურთელი).
 
 
1 ოქრო და 2 ვერცხლი-ქუთაისელი სპორტსმენების წარმატება პნევმატური იარაღით სროლაში
სპორტი
გადასვლები: 824

 თბილისში ნინო სალუქვაძის ტირში ჩატარდა  საქართველოს თასი პნევმატური იარაღით სროლაში. 

შეჯიბრი როგორც  ვაჟთა, ასევე,  ქალთა შორის,  ორ ასაკობრივ კატეგორიაში - უფროსებსა და ახალგაზრდებს შორის მიმდინარეობდა.
 
ტურნირში მონაწილეობდნენ ,,ქუთაისი“, თელავი და თბილისის გუნდები - ,,ტირი ნინო სალუქვაძე“ და  ,,სკა“. 
 
საქართველოს თასზე ქუთაისის სროლის სკოლის წარმომადგენლებმა 1 ოქროს და 2 ვერცხლის მედალი მოიპოვეს. 
ვაჟთა შორის ახალგაზრდებში საქართველოს თასის მფლობელი გახდა  გიორგი მუმლაძე. მეორე ადგილზე გავიდა იოანე ხვარეშია. 
 
შერეულ წყვილთა შორის მეორე საპრიზო ადგილი დაიკავა გიორგი მუმლაძისა და  მარიამ აბრამიშვილის (კ.ნ.ს.) წყვილმა. 
 
დღეს, 23 ოქტომბერს თბილისის თასის ღია გათამაშება დაიწყება, სადაც ქუთაისის გუნდიც მიიღებს მონაწილეობას.
ილია სულამანიძემ ბაქოს გრანდ სლემის ტურნირზე ოქრო მოიპოვა
სპორტი
გადასვლები: 905

 ილია სულამანიძე ბაქოს გრანდ სლემის გამარჯვებულია .

 
ქართველმა ძიუდოსიტმა ფინალში მატვეი კანიკოვსკი დაამარცხა და საქართველოს ნაკრებს ტურნირზე პირველი ოქროს მედალი მოუპოვა.
ველომოყვარულთა საერთაშორისო ტურნირმა ოქროს საწმისი სტარტი წყალტუბოდან აიღო
სპორტი
გადასვლები: 1088

დღეს წყალტუბოს ცენტრალურ პარკში სტარტი აიღო მსოფლიო ველომოყვარულთა საერთაშორისო ტურმა  „GOLDEN FLEECE”  -  TRONHY GEORGIA”-მ. სიმბოლური ჯილდო „ოქროს საწმისი“  გამარჯვებულ ველოსიპედისტს წყალტუბო - ცაგერი -  ამბროლაურის გავლის შემდეგ გადაეცემა.

 
  „ოქროს საწმისის“ მოსაპოვებლად მსოფლიოს სხვადასხვა ქვეყნიდან ჩამოსული 55 ველომოყვარული დისტანციის სწრაფად დაძლევაში შეეჯიბრება ერთმანეთს (ტურნირის მონაწილეებს შორის 5 ქალი ველომრბოლელია). 
 
როგორც ტურნირის ორგანიზატორი დავით ჭიჭინაძე აცხადებს, საერთაშორისო სამოყვარულო ველოტურის GOLDEN FLEECE” (ოქროს საწმისის) იდეა   სლოვაკელ  ველომრბოლელს პიტერ დენისს ეკუთვნის.
„ ორივე ქვეყანას გვაქვს ჩვენი რაჭა, მეგობრობის ტრადიცია გრძელდება და ამიტომაც  ფინიში რაჭაშია -  ამბროლაურის რაიონში.  დღეს ველომრბოლელებს მოუწევთ 110 კმ დისტანციის და 220 ვერტიკალურო მეტრის დაფარვა,“ - აღნიშნა ტურნირის ორგანიზატორმა.
 
ველოტურის მხარდამჭერია იტალიის საგანგებო და სრულუფლებიანი ელჩი ენრიკო ვალვო, რომელმაც   წყალტუბოს  მუნიციპალიტეტის მერთან გენადი ბალანჩივაძესთან ერთად წარმატებები უსურვა მოყვარულ სპორტსმენებს.  
 
წყალტუბოს მუნიციპალიტეტის მერმა გენადი ბალანჩივაძემ   აღნიშნა, რომ  ტურნირის გამარჯვებულს სიმბოლურ   ჯილდოს   გადასცემს.
 
 სასტარტო ღონისძიება წყალტუბოს მუნიციპალიტეტის მერიის კულტურის, განათლების, სპორტისა და ახალგაზრდობის საქმეთა სამსახურის ორგანიზებით  ტარდება.
 
  ველომრბოლელები მსოფლიოს სხვადასხვა ქვეყნებიდან სტარტს უკვე მეორე წელია   წყალტუბოდან იღებენ.
9 ოქროს და 13 ვერცხლის მედალი- ქუთაისელი სპორტსმენების წარმატება
სპორტი
გადასვლები: 865

ქუთაისელი სპორტსმენების მორიგი წარმატებული ასპარეზობა ბათუმის უშუს საერთაშორისო ტურნირზე.

 
სპორტსმენების ანგარიშზე  9 ოქროს, 13 ვერცხლისა და 6 ბრინჯაოს მედალია!
 
დღეს სპორტსმენებს ა(ა)იპ სპორტულ დაწესებულებათა გაერთიანების ხელმძღვანელი კობა ფხაკაძე ესტუმრა. ახალგაზრდებს გამარჯვება  მიულოცა  და წარმატებები უსურვა.
 
ბათუმის უშუს საერთაშორისო ტურნირი  ორი მიმართულებით ჩატარდა: საჩვენებელი ტექნიკა (ტაო) და კონტაქტური ორთაბრძოლა (სანდა). 
 
ღონისძიებაში 10 ქვეყნის 200–ზე მეტი  სპორტსმენი მონაწილეობდა.
 
 ჩემპიონები გახდნენ: დავით ლავრელაშვილი ( სამი ოქრო სამ სხვადასხვა სტილში);
 ანნა ჩიტორელიძე, მათე გურგენიძე, დავით სვანიძე, გაბრიელ უგრეხელიძე, ანი დავითულიანი და გაბრიელ ქევანიშვილი.
ქუთაისელმა შოთა მიშველიძემ მსოფლიო ჩემპიონატზე ბრინჯაოს მედალი მოიპოვა
სპორტი
გადასვლები: 959

 საუდის არაბეთში მიმდინარე მსოფლიო ჩემპიონატზე, სადაც პარიზის 2024 წლის ოლიმპიური თამაშების ლიცენზიების ქულები თამაშდება, ქუთაისელმა ძალოსანმა შოთა მიშველიძემ (61 კგ.) საქართველოს ნაკრების პირველი მედალი მოუტანა.ქართველმა ძალოსანმა მთავარი მწვრთნელის , გიორგი ასანიძის ხელმძღვანელობით ატაცში 132 / 136 კგ. დაძლია და ბრინჯაოს მედლის მოპოვება შეძლო.

  1. ქუთაისელი გურამ გიორბელიძე ევროპის ჩემპიონი გახდა
  2. წყალტუბოელი სპორტსმენების წარმატება-მათე გველესიანისა და მარიამ მაისურაძის ოქროს მედლები
  3. ქუთაისმა დრიფტში საქართველოს ჩემპიონატს უმასპინძლა
  4. დღეს საღამოდან ქუთაისში რამდენიმე ქუჩა გადაიკეტება-მიზეზი დრიფტში საქართველოს ჩემპიონატია
მარცხენა ბანერი ნიუსებში

დღის სიახლეები

© 2020 Act2. ყველა უფლება დაცულია
ტელ: +995 558 35 06 15; ელ. ფოსტა: info@act2.ge

Search