ამას არ დავუშვებთ-სანდრო ბაზაძე ფარიკაობის საერთაშორისო ფედერაციის გადაწყვეტილებას ეხმაურება
სპორტი
გადასვლები: 1600

ფარიკაობის საერთაშორისო ფედერაციამ რუს და ბელორუს მოფარიკავეებს საერთაშორისო ტურნირებში მონაწილეობის უფლება მისცა. 

გადაწყვეტილება ონალაინ-კონგრესზე იქნა მიღებული.
აღნიშნული გადაწყვეტილება ძალაში 2023 წლის, აპრილის მეორე ნახევრიდან შევა.
 
ფაქტს მსოფლიოს N1 ხმლით მოფარიკავე,ქუთაისელი  სანდრო ბაზაძე გამოეხმაურა.
 
 “მინდა ვიცოდე, ასეთი უსამართლოა ეს სამყარო? FIE, არ გაქვთ ასე მოქცევის უფლება მაშინ, როდესაც უდანაშაულო ბავშვები და ადამიანები იღუპებიან. ასე იოლად იღებთ ამ გადაწყვეტილებას? დაგვიჯერეთ, ჩვენ თქვენზე ძლიერები ვართ. ამას არ დავუშვებთ. ოლგა ხარლანის და ყველა უკრაინელი მოფარიკავეს გვერდით ვარ"-სანდრო ბაზაძე. 
ტალინში პნევმატური იარაღიდან სროლაში ევროპის ჩემპიონატი მიმდინარეობს
სპორტი
გადასვლები: 589

ტალინში პნემატური იარაღებიდან სროლაში ევროპის ჩემპიონატი მიმდინარეობს.ქართველმა სპორტსმენებმა პირველივე დღეს 2 ბრინჯაო მოიპოვა. ახალგაზრდებში შერეული გუნდური შეჯიბრი გაიმართა,სადაც ორივე ბრინჯაოს მედალი ქართველებმა მოიპოვეს. გადამწყვეტი შეხვედრა ორივემ ერთნაირი ანგარიშით, 16:12 მოიგო. 

  შეჯიბრებაში 30 წყვილი ჩაება, ორივე გუნდმა კი პლეი ოფის საგზური მოიპოვა. I ნაკრებში თბილისელი მარიამ აბრამიშვილი და ქუთაისელი გიორგი მუმლაძე შედიოდნენ, II-ში - თელაველი მარიამ ფროდიაშვილი და ქუთაისელი იოანე ხვარეშია. მათ შესარჩევი ერთნაირი შედეგით, 565 ქულით დაასრულეს, თუმცა უკეთესი დამატებითი მაჩვენებელი პირველ გუნდს აღმოაჩნდა და მე-3 ადგილი მათ ერგოთ, მეორე წყვილი კი მე-4 საფეხურზე დარჩა.   
  ბრინჯაოსთვის საპაექროდ თავიდან II გუნდი გავიდა. მათი მეტოქე იტალიელთა დუეტი იყო -  ფრანჩესკა კარდიერო-ლიან-ქსი სავორანი. შეხვედრა საკმაოდ დრამატულად წარიმართა -  თავიდან ჩვენების 6:0 „გაქცევას“ იტალიელთა 6:4 მოჰყვა აქ მათ წუთშესვენება აიღეს, თუმცა ამით მეგი ქადაგიძემ და მისმა შეგირდებმა უფრო იხეირეს - ანგარიში 12:4 გახადეს. ამას იტალიელთა „რენესანსი“ მოჰყვა და ანგარიში გაგვითანაბრეს - 12:12. აქ უკვე მეგი ქადაგიძემ აიღო წუთშესვენება, შეხვედრის განახლების შემდეგ კი ჩვენებს ერთი სეტიც არ დაუთმიათ და 16:12 იმარჯვეს. 
  აბრამიშვილი-მუმლაძის წყვილმა უფრო ადვილად დაამარცხა მოლდოველები - ანა დულკე-დენის პოპოვი. ჩვენები აქაც 6:0 დაწინაურდნენ, რასაც 6:4 მოჰყვა. აქ წუთშესვენება ჩვენების  მწვრთნელად გამწესებულმა ლევან ქადაგიძემ აიღო, ვინც თავად უნდა იასპარეზოს უფროსებში. მის დარიგებებს 8:4 მოჰყვა, მერე კი მეტოქეებმა მორიგეობით მოიგეს სეტები, თუმცა ერთ პერიოდში მოლდოველები 12:10 დაწინაურდნენ. ოღონდ ეს მათი ბოლო წარმატება იყო - ამის შემდეგ ჩვენებმა 3 სეტი მოიგეს და საბოლოოდ ამათაც 16:12 იმარჯვეს.
ქუთაისელმა მოფარიკავემ მსოფლიო თასზე მეორე ადგილი დაიკავა
სპორტი
გადასვლები: 662

 ქუთაისელმა მოფარიკავე სანდრო ბაზაძემ მსოფლიო თასზე მეორე ადგილი დაიკავა .

შეჯიბრი პოლონეთის დედაქალაქ ვარშავაში იმართება. მასში  სხვადასხვა ქვეყნის 205 წარმომადგენელი მონაწილეობს,

სანდრომ ბაზაძემ რამდენიმე შეხვედრა ჩაატარა, დაამარცხა რუმინეთის, საფრანგეთის,ამერიკის და იტალიის წარმომადგენლები და ფინალში პოლონელ სპორტსმენს დაუპირისპირდა.მასთან კი შეხვედრა 13:15 დათმო  და მეორე ადგილზე გავიდა.
ქუთაისელი მოფარიკავე მსოფლიო რეიტინგში პირველია
სპორტი
გადასვლები: 753

ქუთაისელმა სანდრო ბაზაძემ ტუნისის გრან-პრის გათამაშებაში გაიმარჯვა და მსოფლიო რეიტინგში პირველი ადგილი დაიკავა

 
ქართველი მოფარიკავე სანდრო ბაზაძე ტუნისის გრან-პრის გამარჯვებულია. მან ფინალურ შეხვედრაში ტოკიოს ოლიმპიური თამაშების ჩემპიონი ლუიჯი სამელე დამაჯერებლად - 15:8 დაამარცხა და ჩემპიონის ტიტული მოიპოვა.
 
აღსანიშნავია, რომ ამ გამარჯვების შემდეგ FIA-ს განახლებულ რეიტინგში სანდრო ბაზაძე მსოფლიო რეიტინგის პირველ საფეხურს იკავებს. ქართველ სპორტსმენს 233 ქულა აქვს და სამგზის ოლიმპიურ ჩემპიონს, უნგრელ არონ სილაგის, 7 ქულით უსწრებს.
ბაღდათის მერმა წლის საუკეთესო სპორტსმენები დააჯილდოვა
სპორტი
გადასვლები: 1396

ბაღდათის მუნიციპალიტეტის მერმა კახა ენუქიძემ,   2022 წლის საუკეთესო სპორტსმენები და მწვრთნელი დააჯილდოვა.
 
დარეჯან ფურცელაძეს,რომელიც მუნიციპალიტეტში გოგონათა კალათბურთის გუნდს წლებია წვრთნის,საუკეთესო მწვრთნელის ტიტული მიენიჭა.
 
წლის საუკეთესო სპორტსმენის ტიტული სპორტის სხვადასხვა სახეობაში მერაბ ჯანიაშვილს, გიორგი სანიკიძეს, გიორგი მსხვილიძესა და გიორგი გუმბერიძეს ერგო.
 
დაჯილდოებას ბაღდათის მუნიციპალიტეტის საკრებულოს თავმჯდომარე, მერიისა და სპორტ სკოლის  წარმომადგენლები დაესწრნენ.
ქუთაისში წლის საუკეთესო სპორტსმენები გამოავლინეს
სპორტი
გადასვლები: 661

ქუთაისის წლის საუკეთესო სპორტსმენები დღეს ადგილობრივი ხელისუფლების წარმომადგენლებმა დააჯილდოვეს.

გამოვლინდნენ  წლის  საუკეთესო  სპორტსმენები, მწვრთნელები და გუნდები, რომლებსაც სიგელები გადაეცათ.
 
 წლის გამარჯვებულები:
 
წლის სპორტსმენი, ფარიკაობაში - სანდრო ბაზაძე
 
წლის საუკეთესო სპორტსმენი ოლიმპიურ სახეობაში,ძალოსნობა - გიორგი ტაბატაძე
 
წლის საუკეთესო სპორტსმენი არა ოლიმპიურ სახეობაში -კონსტანტინე ჯანაშია
 
წლის საუკეთესო საუკეთესო პარაოლიმპიელი მკლავჭიდში - რეზი თუთისანი
 
წლის საუკეთესო ქალი სპორტსმენი,ჭადრაკი - ნანა ძაგნიძე
 
წლის საუკეთესო ახალგაზრდა სპორტსმენი,ძალოსნობა - ზაზა ლომთაძე
 
წლის საუკეთესო გუნდი - რაგბის კლუბი "აია"
 
წლის საუკეთესო საუკეთესო ქალთა გუნდი "ჰოკეი"
 
წლის საუკეთესო საუკეთესო კლუბი- ქუთაისის ხელბურთელთა გუნდი
 
წლის საუკეთესო სპორტსკოლა - მე-12 სპორტსკოლა
 
წლის წარმატებული სპორტსმენები:
 
ძალოსნობა - შოთა მიშველაძე
 
ჭიდაობა - გიორგი სულავა
 
ძიუდო - გიორგი თუთაშვილი
 
ძიუდო - საბა ინანეიშვილი
ძიუდო -გიორგი მუმლაძე
 
ძიუდო -ირაკლი გობეჯიშვილი
 
თავისუფალი ჭიდაობა - საბა კვინიკაძე
 
თავისუფალი ჭიდაობა- ბაგრატ გაგნიძე
 
თავისუფალი ჭიდაობა- დავით აბდალაძე
 
თავისუფალი ჭიდაობა- დავით კოღუაშვილი
  1. ბაღდათში სპორტული სკოლის დაარსებიდან 55 წლის იუბილე აღინიშნა
  2. ქუთაისელმა მოჭიდავემ საერთაშორისო ტურნირზე ოქროს მედალი მოიპოვა
  3. ქუთაისის მერმა დღეს ტორპედო ქუთაისი U14 -ის წარმომადგენლები მიიღო
  4. ლაშა ტალახაძე მსოფლიოს ჩემპიონი მეექვსედ გახდა
მარცხენა ბანერი ნიუსებში

დღის სიახლეები

© 2020 Act2. ყველა უფლება დაცულია
ტელ: +995 558 35 06 15; ელ. ფოსტა: info@act2.ge

Search