სპორტი

: სპორტი; 09 აპრილი 2023; გადასვლები: 790

ქუთაისელი იოანე ხვარეშია პნევმატური პისტოლეტიდან სროლაში საქართველოს ჩემპიონია

ნინო სალუქვაძის ტირში დასრულდა საქართველოს ჩემპიონატის მეორე დღე პნევმატური პისტოლეტიდან სროლაში, რომელიც ვაჟთა ტურნირს დაეთმო.

უფროსებში თბილისელმა აკაკი მოსულიშვილმა 577 ქულა დააგროვა, ახალგაზრდებში კი ქუთაისელმა იოანე ხვარეშიამ 571 ქულით გაიმარჯვა. ახალგაზრდებში ეს მაჩვენებელი კარგი შედეგია, თუმცა განსაკუთრებულია ის,რომ ხვარეშიამ ეს ყველაფერი სპინტერულ დროში - სულ რაღაც 40 წუთში გააკეთა, როცა შეჯიბრებისთვის 1.15 საათი ეთმობათ.

უფროსებში ვერცხლის მედალი ლევან ქადაგიძემ, ბრინჯაოსი კი ცოტნე მაჭავარიანმა მოიპოვა. სამივე მედალოსანი ერთი კლუბის - „კლუბი ნინო სალუქვაძე“ წევრია.

ახალგაზრდებში ოქრო-ვერცხლი ქუთაისელებმა - ხვარეშიამ და გიორგი მუმლაძემ მოიპოვეს, ბრინჯაო კი თელაველმა დ შოთა სუმბაძემ დაიმსახურა.

ხვარეშია-მუმლაძეს დამსახურებული მწვრთნელი, როლანდ გირგვლიანი ავარჯიშებს.

საქართველოს ჩემპიონატი ტყვიის სროლაში ხვალ გაგრძელდება შერეულ წყვილთა შეჯიბრებით.

: სპორტი; 07 აპრილი 2023; გადასვლები: 1736

ბაღდათის მუნიციპალიტეტში სპორტის საერთაშორისო დღე აღინიშნა

ბაღდათის მუნიციპალიტეტში სპორტის საერთაშორისო დღე ჭადრაკის, მკლავჭიდის და გარბენის შეჯიბრებებით აღინიშნა. გამარჯვებულ მონაწილეებს სიგელები და მედლები გადაეცათ.

ასევე ბაღდათის მუნიციპალიტეტი შეურთდა თეთრი ბარათის აქციას.

ე.წ. "თეთრი ბარათის" (#WhiteCard) კამპანია არის მშვიდობისა და სპორტის ციფრული კამპანია, რომლის მიზანია სპორტში პოზიტიური ღირებულებების წახალისება. ეს არის სპორტში ე.წ. "წითელი ბარათის" საპირისპირო სიმბოლო და გამოხატავს ჩართულობას, ტოლერანტობას და მშვიდობას.

: სპორტი; 28 მარტი 2023; გადასვლები: 696

საქართველო-ნორვეგიის შეხვედრა ფრედ, 1:1 დასრულდა

დღეს საქართველოს საფეხბურთო ნაკრები ევრო 2024-ის საკვალიფიკაციო ეტაპზე ნორვეგის დაუპირისპირდა.

მატჩი ფრედ,1:1 დამთავრდა.

შეხვედრის პირველ ნახევარში გოლი სტუმრებმა გაიტანეს,ხოლო მეორე ტაიმში ანგარიში მიქაუტაძემ გაათანაბრა.

აღსანიშნავია, რომ საქართველოს ნორვეგიასთან შეხვედრა არასდროს მოუგია.

თამაშს ბათუმის სტადიონი მასპინძლობდა.

: სპორტი; 28 მარტი 2023; გადასვლები: 700

ხვალ წყალტუბოში სასკოლო ოლიმპიადა გაიმართება

ქუთაისის ვიცე-მერი დავით ერემეიშვილი, მაჟორიტარი დეპუტატი ზაზა ლომინაძე, ქუთაისის საგანმანათლებლო რესურს- ცენტრის ხელმძღვანელ მაია ცქიტიშვილთან და ადგილობრივი ხელისუფლების წარმომადგენლებთან ერთად, იმ ქუთაისელ მოსწავლეებს შეხვდნენ, რომლებიც იმერეთის სასკოლო სპორტულ ოლიმპიადაში მიიღებენ მონაწილეობას.

ვიცე-მერმა ოლიმპიადის მონაწილეებს სპორტული აღჭურვილობა გადასცა.

სასკოლო ოლიმპიადა 29 მარტს, წყალტუბოში გაიმართება.

ოლიმპიადა სპორტის 8 სახეობაში იმართება (ფრენბურთი, მინი ფეხბურთი, ხელბურთი, კალათბურთი 3X3, მაგიდის ჩოგბურთი, ბადმინტონი, გეზმრბენი, მხიარული სტარტები). ქუთაისი უმასპინძლებს სპორტის 4 სახეობას. ოლიმპიადა დაიხურება აპრილის ბოლოს, ქუთაისში სპორტის სასახლეში.

რეგიონული თამაშების ჩემპიონები მონაწილეობას მიიღებენ დასავლეთ საქართველოს ზონალურ ტურში, იქ გამარჯვებულები კი ითამაშებენ ფინალურ თამაშებს, რომელიც თბილისსა და ანაკლიაში გაიმართება.

ღონისძიების ორგანიზატორია ა(ა)იპ „სპორტულ დაწესებულებათა გაერთიანება“, ფინანსური მხარდამჭერი კი - ქუთაისის მუნიციპალიტეტის მერია.