საზოგადოება

: საზოგადოება; 13 აგვისტო 2022; გადასვლები: 936

ბაღდათში ახალგაზრდობის საერთაშორისო დღე აღინიშნა

ახალგაზრდობის საერთაშორისო დღე ბაღდათის მუნიციპალიტეტში შემეცნებით- გასართობი და სპორტული ღონისძიებებით აღინიშნა.

ბაღდათის მერიის განათლების, კულტურისა და სპორტის სამსახურის მხარდაჭერით, ახალგაზრდული საბჭოს, ასევე GAME-ზონას ინიციატივით, რამდენიმე აქტივობა გაიმართა.

ბაღდათის ახალგაზრდულმა საბჭომ ცენტრალური ბიბლიოთეკის წინ მდებარე სკვერში "Treasure Hunter" გამართა, სადაც გამარჯვებული მონაწილეები გამოვლინდნენ.

GAME-ზონის წარმომადგენლებმა მუნიციპალიტეტში მცხოვრები ახალგაზრდებისთვის ფილმის ჩვენება და ,,youth chellenges" მოაწყვეს.

რევაზ ლაღიძის სახელობის კულტურის სახლის ფოიეში სპორტული ტურნირი "ბოჩას" სახეობაში გაიმართა.

ბაღდათში არსებულმა ,,თედასი"-ს ფილიალის წარმომადგენლებმა ქორეოგრაფიული ნომრები შეასრულეს.

ბაღდათის ახალგაზრდულმა საბჭომ მანსანკანის სახალისო ნომები, რევაზ ლაღიძის სახელობის კულტურის სახლის სცენაზე წარადგინა.

ახალგაზრდული საერთაშორისო ფესტივალი ბენდ "კარცერ ლუქსის კონცერტით დასრულდა.ბენდმა ,,პოპულარული ჰიტების ქავერები" შეასრულა.

აქტივობები მოწვეულ სტუმრებს- ჯიმი აბესაძეს და აჩი კიკნაველიძეს მიყავდა.

: საზოგადოება; 13 აგვისტო 2022; გადასვლები: 1003

საქართველოში უკრაინის მოქალაქე დააკავეს-მას უვადო პატიმრობა ემუქრება

შინაგან საქმეთა სამინისტროს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა, ჩატარებული საგამოძიებო მოქმედებების და ოპერატიული ღონისძიებების შედეგად, 1988 წელს დაბადებული უკრაინის მოქალაქე ი.ბ. თბილისში დააკავეს. მას ბრალი განსაკუთრებით დიდი ოდენობით ნარკოტიკული საშუალების უკანონო შეძენა-შენახვასა და უკანონო გასაღების მცდელობაში, ასევე, განსაკუთრებით დიდი ოდენობით ფსიქოტროპული ნივთიერების უკანონო შეძენა-შენახვაში ედება.

დანაშაული 14-დან 20 წლამდე ან უვადო თავისუფლების აღკვეთას ითვალისწინებს.

: საზოგადოება; 13 აგვისტო 2022; გადასვლები: 844

პირადი ცხოვრების საიდუმლოს ხელყოფის ფაქტზე ხუთი პირი დააკავეს

სპეციალურმა საგამოძიებო სამსახურმა პირადი ცხოვრების საიდუმლოს ხელყოფის ფაქტზე ხუთი პირი დააკავა.

სპეციალურმა საგამოძიებო სამსახურმა ჩატარებული საგამოძიებო და საპროცესო მოქმედებების შედეგად, მიმდინარე წლის ივლისი-აგვისტოს პერიოდში, სხვადასხვა სისხლის სამართლის საქმეებზე, პირადი ცხოვრების საიდუმლოს ხელყოფის ფაქტზე, ხუთი პირი დააკავა.

გამოძიებით დადგენილია, რომ ბრალდებულები სხვადასხვა დროს მათთან ურთიერთობაში მყოფი დაზარალებული პირების შიშველი სხეულის ამსახველ ფოტოებს, ვიდეოებს და ინტიმური ხასიათის მიმოწერებს ინახავდნენ, სოციალურ ქსელში ათავსებდნენ, მობილური ტელეფონის მეშვეობით დაზარალებულების ნათესავებს და ახლობლებს უგზავნიდნენ, ასევე ცალკეულ შემთხვევებში აღნიშნულ ფოტო და ვიდეო მასალას დაზარალებულთან ურთიერთობის გაგრძელებისთვის შანტაჟის იარაღად იყენებდნენ.

სპეციალური საგამოძიებო სამსახურის მიერ საქმეზე მოპოვებული მტკიცებულებების საფუძველზე, საქართველოს პროკურატურამ ხუთივე დაკავებულს ბრალდება სისხლის სამართლის კოდექსის 157-ე პრიმა მუხლით გათვალისწინებული დანაშაულის ჩადენისთვის წარუდგინა, რაც სასჯელის სახედ და ზომად ოთხიდან შვიდ წლამდე თავისუფლების აღკვეთას ითვალისწინებს.

2022 წლის 1 მარტიდან, დამოუკიდებელი საგამოძიებო უწყება - სპეციალური საგამოძიებო სამსახური, მნიშვნელოვნად გაზრდილი ფუნქციებით ამოქმედდა. საზოგადოებას შევახსენებთ, რომ სამსახურის საგამოძიებო ქვემდებარეობას, სამოხელეო დანაშაულის გარდა საქართველოს სისხლის სამართლის კოდექსის 157-ე, 1571, 158-ე და 159-ე მუხლებით გათვალისწინებული დანაშაულების (პირადი ცხოვრების ამსახველი ინფორმაციის, პერსონალური მონაცემების და პირადი ცხოვრების საიდუმლოს ხელყოფა, ასევე კერძო კომუნიკაციის საიდუმლოების დარღვევა და პირადი მიმოწერის, ტელეფონით საუბრისა და სხვაგვარი ხერხით შეტყობინებების საიდუმლოების დარღვევა) გამოძიებაც დაექვემდებარა.

სპეციალური საგამოძიებო სამსახური მოქალაქეთა პირადი ცხოვრების საიდუმლოს ხელყოფის ფაქტების თავიდან აცილებისა და ამ დანაშაულის წინააღმდეგ საბრძოლველად, აქტიურ საინფორმაციო და პრევენციული ხასიათის ღონისძიებების გატარებას გეგმავს.

: საზოგადოება; 12 აგვისტო 2022; გადასვლები: 843

ქუთაისში ახალგაზრდობის საერთაშორისო დღე აღინიშნა

12 აგვისტოს ქუთაისის მუნიციპალიტეტში მერიის მიერ ორგანიზებული "ახალგაზრდული ფორუმი“ გაიმართა.

ფორუმის მთავარი თემა იყო ახალგაზრდული საქმიანობის სხვადასხვა ასპექტები.

ღონისძიების მონაწილეებმა განიხილეს ეროვნულ და ადგილობრივ დონეზე ახალგაზრდული სტრატეგიები, ისაუბრეს ახალგაზრდული საქმიანობის მნიშვნელობასა და მიდგომებზე.

ახალგაზრდებმა მონაწილეობა მიიღეს ახალგაზრდული მუშაკების მიერ დაგეგმილ სხვადასხვა თემატიკის აქტივობებში: ლიდერობა, გუნდურობა, ეფექტური კომუნიკაცია, მეწარმეობა, ჯანსაღი ცხოვრების წესი, ინიციატივების და იდეების გაზიარება.

„ახალგაზრდული ფორუმის“ გახსნას დაესწრო ქუთაისის ვიცე-მერი დავით ერემეიშვილი და საკრებულოს კულტურის, განათლების, ახალგაზრდობის საქმეთა და სპორტის კომისიის თავმჯდომარე ბექა ქებულაძე.

„ 12 აგვისტოს , ქუთაისი, ისევე როგორც მთელი მსოფლიო, ახალგაზრდობის საერთაშორისო დღეს აღნიშნავს.

ქუთაისის მერიის მიერ ათობით პროგრამა და პროექტია დაფინანსებული , რომლებიც ჩვენი ქალაქის ახალგაზრდობის მხარდაჭერას ითვალისწინებს. უკვე ასობით ჩვენი თანაქალაქელი ახალგაზრდაა ჩართული ამ ღონისძიებებში- ეს იქნება „ახალგაზრდული ინიციატივები“, ლიდერთა სკოლები, ბანაკები.

ჩვენ,“ ახალგაზრდობის სააგენტოსთან“ ერთად , მეორე წელია ვმუშაობთ ახალგაზრდული პოლიტიკის დოკუმენტის შექმნაზე.

ახლა მთავარია, ხელი შევუწყოთ ჩვენს ახალგაზრდებს , იმ მიზნებისა და გეგმების განხორციელებაში, რომელიც ამ დოკუმენტშია ასახული.

საინტერესო, მრავალფეროვან და წარმატებულ დღეებს ვუსურვებ „ახალგაზრდული ფორუმის“ მონაწილეებს!“- განაცხადა დავით ერემეიშვილმა.

დღის ბოლოს, ქუთაისში, „სიყვარულის ბაღში“ ახალგაზრდობის საერთაშორისო დღისადმი მიძღვნილი კონცერტი გაიმართება.

: საზოგადოება; 12 აგვისტო 2022; გადასვლები: 1001

იმერეთში სოციალურად დაუცველი პირების საზოგადოებრივ სამუშაოებზე დასაქმების პროგრამა ხორციელდება

პროექტი, პრემიერ-მინისტრის ინიციატივით, 1 მარტს დაიწყო და ამ დროისთვის 20 ათასამდე ადამიანია დასაქმებული. მათგან 1000-მდე ხელშეკრულება სოფლის მეურნეობის სამინისტროს სააგენტოებშია გაფორმებული.

იმერეთის რეგიონში ეროვნულ სატყეო სააგენტოში, სურსათის ეროვნულ სააგენტოში და დაცული ტერიტორიების სააგენტოში დასაქმებულ სოციალურად დაუცველ პირებს, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი, ზურაბ აზარაშვილი, გარემოს დაცვისა და სოფლის მეურნეობის მინისტრი, ოთარ შამუგია, სახელმწიფო რწმუნებული, ზვიად შალამბერიძე შეხვდნენ და დასაქმებულთა სამუშაო პროცესს ადგილზე გაეცნენ.

,,იმერეთში წარმატებით ხორციელდება პრემიერ-მინისტრის მიერ ინიცირებული პროექტი, რომელიც გულისხმობს სოციალურად დაუცველი მოსახლეობის დასაქმებას. ამაზე მეტყველებს ის რომ, იმერეთის მასშტაბით მთლიანად უკვე 3000-ზე მეტი ადამიანია დასაქმებული. ძალიან, ბევრი კარგი საქმე გაკეთდა მათი დახმარებით რეგიონში. მინდა ვუთხრა ჩვენს მოსახლეობას, რომ სახელმწიფოს აქვს კიდევ რესურსი დაასაქმოს მსგავსი მიმართულებით ჩვენი თანამოქალაქეები და მოვუწოდებ მათ, კიდევ უფრო მეტად აქტიურები იყვნენ და ჩაერთონ პროგრამაში“ - ზვიად შალამბერიძე.

შეგახსენებთ, რომ საზოგადოებრივ სამუშაოებზე დასაქმების მასშტაბური პროგრამა სოციალური შემწეობის მიმღები, შრომისუნარიანი პირების დასაქმებას ისახავს მიზნად. საზოგადოებრივი სამუშაო, ისეთ ვაკანტურ ადგილზე დასაქმებას გულისხმობს, რომლის შესრულება ნებისმიერი კვალიფიკაციის მქონე პირს შეუძლია. პროგრამის ბენეფიციარს ოთხი წლის განმავლობაში სოციალურად დაუცველის სტატუსი, გარანტირებულად შეუნარჩუნდება.

აღნიშნულ შეხვედრებს ზესტაფონის მერი ვასილ გველესიანი და ზესტაფონის მაჟორიტარი დეპუტატი ბეჟან წაქაძე ესწრებოდნენ.

: საზოგადოება; 12 აგვისტო 2022; გადასვლები: 924

ქუთაისში ავტოსაგზაო შემთხვევა მსხვერპლით დასრულდა

ავარია დღეს ნიკეას ქუჩაზე მოხდა. ერთმანეთს ორი ავტომობილი შეეჯახა, რის შედეგადაც ერთი ადამიანი გარდაიცვალა.

ადგილზე იმყოფებოდნენ საპატრულო ეკიპაჟები.

დღის სიახლეები

საზოგადოება

Search