საზოგადოება

: საზოგადოება; 15 აგვისტო 2022; გადასვლები: 1081

ქობულეთში 12 წლის ქუთაისელი ბავშვი დაიხრჩო

უბედური შემთხვევა ქობულეთში. ზღვაში 12 წლის ბავშვი დაიხრჩო. ინფორმაციას TV25 ავრცელებს.

ცხედარი პროზექტურაშია გადასვენებული და ექსპერტიზა უტარდება.

მოზარდი ქობულეთში ქუთაისიდან იყო ჩასული.

: საზოგადოება; 15 აგვისტო 2022; გადასვლები: 951

ძლიერი ქარის გამო მოსალდნელია ტყის ხანძრების გაჩენა-საგანგებო სიტუაციების მართვის სამსახურის განცხადება

საგანგებო სიტუაციების მართვის სამსახური განცხადებას ავრცელებს და მოსახლეობას აფრთხილებს.

" გაცნობებთ, რომ მომავალი დღეების განმავლობაში მთელი საქართველოს მასშტაბით შენარჩუნდება მომატებული ტემპერატურა და უნალექო ამინდები. გარდა ამისა, მთიან რეგიონებში, ჰაერის მაღალ ტემპერატურასთან ერთად, მოსალოდნელია ძლიერი ქარიც, რაც ტყის ხანძრების გაჩენის ხელშემწყობ ფაქტორებს შექმნის. საგანგებო სიტუაციების მართვის სამსახური შესაძლო გართულებების თავიდან ასაცილებლად, მოგიწოდებთ, გამოიჩინოთ მაღალი სამოქალაქო პასუხისმგებლობა, არ დაანთოთ ცეცხლი სასოფლო სამეურნეო სავარგულებზე, ტყის ან ველის სიახლოვეს და არ დატოვოთ ცეცხლის კერები უყურადღებოდ.

გასათვალისწინებელია, რომ საყოფაცხოვრებო ნარჩენებს თვითაალება შეუძლიათ, შესაბამისად ნუ დაანაგვიანებთ გარემოს.

დაკვამლიანების ან ცეცხლის შემჩნევის შემთხვევაში კი დაუყოვნებლივ აცნობეთ შინაგან საქმეთა სამინისტროს საზოგადოებრივი უსაფრთხოების მართვის ცენტრ "112"-ს."-წერია განცხადებაში.

: საზოგადოება; 15 აგვისტო 2022; გადასვლები: 902

ქუთაისში საერთაშორისო ფოტოფესტივალი გაიხსნა

ფესტივალის ორგანიზატორია ქუთაისის მუნიციპალიტეტის მერია, თანაორგანიზატორი -კომპანია „ოქროს პეპელა“.

ღონისძიება გალერეა "ილოს" პრეზენტაციით დაიწყო, რომელსაც ქუთაისის მერი იოსებ ხახალეიშვილი, პარლამენტარი ზაზა ლომინაძე, ფოტო-კონკურსის ორგანიზატორები და მონაწილეები ესწრებოდნენ.

"ქუთაისი მეთექვსმეტედ მასპინძლობს ფოტო-კონკურსს "ილო", რომელიც უკვე საერთაშორისო ფოტო-ფესტივალის სტატუსით იმართება.

ფოტოგრაფ ილო ხახიაშვილის მიერ გადაღებული ფოტოები ყველა ქუთაისელის ოჯახშია. ილო იყო ქუთაისის ნამდვილი მემატიანე და ქალაქმაც სათანადო პატივი მიაგო მის ხსოვნას. წელს ფოტო-ფესტივალის მიზანია ფოტოგრაფიის, როგორც ხელოვნების დარგის განვითარება საქართველოში, საერთაშორისო სტატუსის დამკვიდრება - გაძლიერება; ახალგაზრდა , ნიჭიერი ფოტო - მოყვარულების გამოვლენა - წახალისება; ილო ხახიაშვილის სახელისა და ღვაწლისადმი პატივის მიგება. კონკურსის

მონაწილეები მსოფლიოს სხვადასხვა ქვეყნიდან არიან. წინ სამი საინტერესო დღე გველოდება."-განაცხადა იოსებ ხახალეიშვილმა.

ღონისძიება ტრადიციული სლოგანით ტარდება- „იცხოვრე, დარჩი!“

კინო-თეატრ "საქართველოში" საკონკურსო ფოტოების გამოფენა გაიხსნა და ილო ხახიაშვილის გახსენების საღამო გაიმართა.

ფესტივალის პროგრამით გათვალისწინებულია საკონკურსო ნამუშევრების წარდგენა ინტერნეტ და რეალურ საგამოფენო სივრცეებში;

საგანმანათლებლო და შემეცნებითი ნაწილი ( ვორქშოპები, მასტერკლასები, პრაქტიკული გადაღებები, თემატური ექსკურსიები);

დაჯილდოების საზეიმო ცერემონია.

ფესტივალზე დასწრება თავისუფალია.

: საზოგადოება; 14 აგვისტო 2022; გადასვლები: 1061

19 აგვისტომდე მაღალი ტემპერატურა შენარჩუნდება-მოსალოდნელია ტყის ხანძრები

19 აგვისტომდე საქართველოს ტერიტორიაზე შენარჩუნებული იქნება ჰაერის მაღალი ტემპერატურა ( 34, 39 გრადუსი). 15 აგვისტოს მთიან რეგიონებში ჰაერის მაღალ ტემპერატურასთან ერთად ზოგან ძლიერი ქარიცაა მოსალოდნელი, რაც ტყის ხანძრების გაჩენის ხელშემწყობ პირობებს შექმნის.

ინფორმაციას გარემოს ეროვნული სააგენტო ავრცელებს.

: საზოგადოება; 14 აგვისტო 2022; გადასვლები: 936

დღეს აფხაზეთში შეიარაღებული კონფლიქტის დაწყებიდან 30 წელი გავიდა

აფხაზეთის ავტონომიურ რესპუბლიკაში სამხედრო დაპირისპირება 1992 წლის 14 აგვისტოს დაიწყო. ოფიციალური ინფორმაციით, საქართველოს სახელმწიფო საბჭომ გახშირებული ყაჩაღობისგან რკინიგზის სოჭი-ინგირის მონაკვეთის დასაცავად, აფხაზეთის უმაღლესი საბჭოს თავმჯდომარესთან, ვლადისლავ არძინბასთან შეთანხმებით გაგზავნა სამთავრობო ძალები

საქართველოს ეროვნულ გვარდიას და პოლიციას ე.წ. აფხაზურმა გვარდიამ ოჩამჩირისა და გულრიფშის რაიონებში გაუწია შეიარაღებული წინააღმდეგობა, რასაც საომარი მოქმედებების დაწყება მოჰყვა. აფხაზეთის რეგიონში საქართველოს სამთავრობო ძალების შესვლას წინ უძღოდა ადგილობრივი სეპარატისტების მიერ ე.წ. დამოუკიდებლობის გამოცხადება. აფხაზური ფორმირებების მხარდასაჭერად საბრძოლო მოქმედებებში ჩაერთო რუსული არმია

აფხაზეთის ომმა, რომელიც 13 თვეს და 13 დღეს გაგრძელდა, სხვადასხვა მონაცემით, 10 ათასიდან 30 ათასამდე სამხედრო და სამოქალაქო პირის სიცოცხლე შეიწირა. დევნილად იქცა 300 000-მდე ადამიანი.

დღეს აფხაზეთი რუსეთის მიერაა ოკუპირებული. 2008 წელს მოსკოვმა საქართველოს ამ რეგიონის ე.წ. დამოუკიდებლობა აღიარა.

: საზოგადოება; 13 აგვისტო 2022; გადასვლები: 877

ბაღდათში ახალგაზრდობის საერთაშორისო დღე აღინიშნა

ახალგაზრდობის საერთაშორისო დღე ბაღდათის მუნიციპალიტეტში შემეცნებით- გასართობი და სპორტული ღონისძიებებით აღინიშნა.

ბაღდათის მერიის განათლების, კულტურისა და სპორტის სამსახურის მხარდაჭერით, ახალგაზრდული საბჭოს, ასევე GAME-ზონას ინიციატივით, რამდენიმე აქტივობა გაიმართა.

ბაღდათის ახალგაზრდულმა საბჭომ ცენტრალური ბიბლიოთეკის წინ მდებარე სკვერში "Treasure Hunter" გამართა, სადაც გამარჯვებული მონაწილეები გამოვლინდნენ.

GAME-ზონის წარმომადგენლებმა მუნიციპალიტეტში მცხოვრები ახალგაზრდებისთვის ფილმის ჩვენება და ,,youth chellenges" მოაწყვეს.

რევაზ ლაღიძის სახელობის კულტურის სახლის ფოიეში სპორტული ტურნირი "ბოჩას" სახეობაში გაიმართა.

ბაღდათში არსებულმა ,,თედასი"-ს ფილიალის წარმომადგენლებმა ქორეოგრაფიული ნომრები შეასრულეს.

ბაღდათის ახალგაზრდულმა საბჭომ მანსანკანის სახალისო ნომები, რევაზ ლაღიძის სახელობის კულტურის სახლის სცენაზე წარადგინა.

ახალგაზრდული საერთაშორისო ფესტივალი ბენდ "კარცერ ლუქსის კონცერტით დასრულდა.ბენდმა ,,პოპულარული ჰიტების ქავერები" შეასრულა.

აქტივობები მოწვეულ სტუმრებს- ჯიმი აბესაძეს და აჩი კიკნაველიძეს მიყავდა.

დღის სიახლეები

საზოგადოება

Search