საზოგადოება

: საზოგადოება; 29 დეკემბერი 2022; გადასვლები: 744

საახალწლო ბაზრობა ქუთაისში კიდევ ორი დღე გაიმართება

საახალწლო ღონისძიებების ფარგლებში დღეს ქუთაისში, ვერიკო ანჯაფარიძის სკვერში იმერელ მეწარმეთა საახალწლო ბაზრობა გაიხსნა.

ხელნაკეთი ნივთების, გამოყენებითი ხელოვნებისა და ტრადიციული რეწვის იმერელი ოსტატები კიდევ ორი დღის განმავლობაში გამოფენენ საკუთრ ნამუშევრებს. გამოფენა-გაყიდვა 30 და 31 დეკემბერსაც გაიმართება.

ხვალ, 30 დეკემბერს საღამოს 16:00 საათიდან ვერიკოს სკვერის მიმდებარედ კონცერტს გამართავს ჯგუფი „ქორალი“.

322936925 1307662406746615 996904932554420085 n

322896416 8564117576962769 8586604651046853078 n

322899902 1400565234015351 4146091416886854294 n

322999731 2168721476643868 6846111916955503476 n

: საზოგადოება; 29 დეკემბერი 2022; გადასვლები: 872

დღეიდან ქუთაისში საახალწლო ბაზრობა დაიწყება

დღეიდან ქუთაისში საახალწლო ბაზრობა იხსნება.29-30-31 დეკემბერს ვერიკო ანჯაფარიძის სკვერში (სიყვარულის ბაღი), ასამდე იმერელი ოსტატი თექის, ბატიკის, ტიხრული მინანქრის, სამკაულების, უზარელის, ნაქსოვისა და ნაქარგის, ღვინის, გასტრონომიის, კოსმეტიკისა და გამოყენებითი ხელოვნების ნიმუშებს გამოფენს. ბაზრობის პარალელურად ჯგუფების „თაიმისა“ და " ქორალის " კონცერტები გაიმართება. დასაწყისი 13:00 საათიდან.

გამოფენა-ბაზრობა 3 დღე გაგრძელდება.

ინფორმაციას DMO IMERETI ავრცელებს.

: საზოგადოება; 29 დეკემბერი 2022; გადასვლები: 600

გომი-საჩხერე-ჭიათურა-ზესტაფონის საავტომობილო გზაზე მოძრაობა აღდგა

საავტომობილო გზების დეპარტამენტის ინფორმაციით, ჩატარებული გაწმენდითი სამუშაოების შედეგად, შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის კმ1-კმ52 მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგენილია

შეგახსენებთ, რომ აღნიშნულ მონაკვეთზე ინტენსიური თოვის და დაბალი ტემპერატურის გამო, დროებით აკრძალული იყო მისაბმელიანი და ნახევრადმისაბმელიანი ავტოტრანსპორტის გადაადგილება

: საზოგადოება; 28 დეკემბერი 2022; გადასვლები: 627

საჩხერეში ცოლის ცემასა და გაუპატიურებაში ბრალდებულ მამაკაცს ბრალდება წარედგინა

საქართველოს პროკურატურამ ოჯახის წევრების მიმართ დამამცირებელი და არაადამიანური მოპყრობის და ოჯახის წევრის გაუპატიურების ფაქტებზე, ერთ პირს ბრალდება წარუდგინა.

შინაგან საქმეთა სამინისტროს მიერ ჩატარებული გამოძიებით დადგინდა, რომ საჩხერის მუნიციპალიტეტში ბრალდებული გენდერის ნიშნით შეუწყნარებლობის მოტივით სისტემატურად ძალადობდა მეუღლეზე და ამცირებდა მას. ასევე, გენდერის ნიშნით შეუწყნარებლობის მოტივით დაზარალებული გააუპატიურა.

გამოძიებით ასევე დადდგინდა, რომ ბრალდებული ასაკის ნიშნით შეუწყნარებლობის მოტივით, სისტემატურად ამცირებდა და სცემდა არასრულწლოვან შვილს.

ბრალდებულის ქმედებით ორივე დაზარალებული ფიზიკურ ტკივილს და მორალურ ტანჯვას განიცდიდა.

მას ბრალდება საქართველოს სისხლის სამართლის კოდექსის 111-1443-ე მუხლის მე-2 ნაწილის „დ“ და „ზ“ ქვეპუნქტებით (დამამცირებელი და არაადამიანური მოპყრობა ოჯახის ორი წევრის, მათ შორის არასრულწლოვნის მიმართ) და 111-137-ე მუხლის პირველი ნაწილით (ოჯახის წევრის გაუპატიურება) წარედგინა, რაც სასჯელის სახედ და ზომად 5-დან 10 წლამდე თავისუფლების აღკვეთას ითვალისწინებს.

აღსანიშნავია, რომ აღნიშნული პირი უკვე მსჯავრდებულია სხვა სისხლის სამართლის საქმეზე მეუღლის მიმართ ძალადობის, მუქარის, შემაკავებელი ორდერით გათვალისწინებული მოთხოვნების შეუსრულებლობის და ჯანმრთელობის განზრახ მსუბუქი დაზიანების ფაქტებზე. 2022 წლის პირველი ნოემბრის განაჩენით მას 2 წლით და 9 თვით თავისუფლების აღკვეთა განესაზღვრა და სასჯელს შესაბამის პენიტენციურ დაწესებულებაში იხდის.

: საზოგადოება; 28 დეკემბერი 2022; გადასვლები: 797

ერთად ჭიათურისთვის-დღეს ახალი საინიციატივო ჯგუფის პრეზენტაცია გაიმართა

დღეს,28 დეკემბერს ახალი საინიციატივო ჯგუფის ,,ერთად ჭიათურისათვის" პრეზენტაცია გაიმართა.

ჭიათურელი ახალგაზრდების მიერ შექმნილი საინიციატივო ჯგუფის მიზანია ქალაქში არსებული პრობლემების შესწავლა,ამ პრობლემების გადაჭრისათვის შესაბამისი გზების შემუშავება და ამ გზების პასუხიმგებელ პირებთან სწორი კომუნიკაციის საშუალებით შეთავაზება.

შეხვედრაზე საინიციატივო ჯგუფის მთავარი მიმართულებები განიხილეს. პრეზენტაციას ჭიათურელი ახალგაზრდები და კერძო სექტორი ესწრებოდა.

: საზოგადოება; 28 დეკემბერი 2022; გადასვლები: 695

პირველ და ორ იანვარს ქუთაისში ტრანსპორტი უფასო იქნება,იცვლება სვლა-გეზიც

ახალი წლისა და შობის ღამეს ქუთაისის მუნიციპალური ტრანსპორტი მოქალაქეებს ღამის პირველ საათამდე მოემსახურება.

გარდა ამისა, 1-ელ და 2 იანვარს , მუნიციპალური ავტობუსებისა და მიკროავტობუსების საშუალებით გადაადგილება უფასო იქნება.

სადღესასწაულოდ დაგეგმილი ღონისძიებების გამო, დროებით იცვლება მუნიციპალური ტრანსპორტის მოძრაობის სქემა.

შესაბამისად, ქუთაისის სატრანსპორტო კომპანიის ადმინისტრაციის მიერ განისაზღვრა საქალაქო ტრანსპორტის ახალი სვლაგეზები:

N⁰1L ავტობუსი, ნაცვლად თამარ მეფის ქუჩისა და აღმაშენებლის მოედნისა, იმოძრავებს მანდარიას, წერეთლის, აღმაშენებლის, გ. ტაბიძის ქუჩების და წითელი ხიდის გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰3 ავტობუსი, ნაცვლად თამარ მეფის ქუჩისა, იმოძრავებს სოლომონ პირველის, 26 მაისის, კოსტავას, ბროსეს და ფალიაშვილის ქუჩების გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰4 ავტობუსი, ნაცვლად თამარ მეფის ქუჩისა და აღმაშენებლის მოედნისა, იმოძრავებს მანდარიას, წერეთლის, აღმაშენებლის, გ. ტაბიძის ქუჩების და წითელი ხიდის გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰5 ავტობუსი, ნაცვლად თამარ მეფის ქუჩისა და აღმაშენებლის მოედნისა, იმოძრავებს მანდარიას, წერეთლის, აღმაშენებლის, გ. ტაბიძის ქუჩების და წითელი ხიდის გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰41 ავტობუსი, ნაცვლად თამარ მეფის ქუჩისა, იმოძრავებს სოლომონ პირველის, 26 მაისის, კოსტავას, ბროსეს და ფალიაშვილის ქუჩების გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰113 ავტობუსი, ნაცვლად თამარ მეფის ქუჩისა, იმოძრავებს სოლომონ პირველის, 26 მაისის, კოსტავას, ბროსეს და ფალიაშვილის ქუჩებზე. აღნიშნული სვლაგეზის დანარჩენი მონაკვეთები უცვლელი რჩება.

N⁰6 ავტობუსი, ნაცვლად აღმაშენებლის მოედნისა, იმოძრავებს დავით და კონსტანტინეს ქუჩის გავლით , ვარლამიშვილის მოედანზე. სვლაგეზის დანარჩენი მონაკვეთები უცვლელი რჩება.

N⁰19 ავტობუსი, ნაცვლად აღმაშენებლის მოედნისა, იმოძრავებს მარი ბროსეს ქუჩის გავლით, ფალიაშვილის ქუჩაზე. სვლაგეზის დანარჩენი მონაკვეთები უცვლელი რჩება.

N⁰141 ავტობუსი, ნაცვლად თბილისის ქუჩისა, იმოძრავებს ვარლამიშვილის ქუჩაზე და გაივლის გელათის ქუჩას. სვლაგეზის დანარჩენი მონაკვეთები უცვლელი რჩება.

დღის სიახლეები

საზოგადოება

Search