ქუთაისის მუნიციპალიტეტის მერიის კულტურის, სპორტის, განათლების და ახალგაზრდობის საქმეთა სამსახური აცხადებს ყოველწლიურ ფოტოკონკურსს „ილო - 2025“. 

ფოტოკონკურსის მიზანია გამოავლინოს ნიჭიერი ფოტოგრაფები (მოყვარულები და პროფესიონალები) და ხელი შეუწყოს ქუთაისში ფოტოგრაფიის განვითარებას.

გამარჯვებულები გამოვლინდებიან ძირითად კონკურსში - თემაზე „პროფესია პორტრეტში”, ასევე, 2 რუბრიკაში - ,,ქალაქის ურბანული რიტმი“ და „ტრადიცია ობიექტივში“ .

 საკონკურსო ნამუშევრები მიიღება 2025 წლის 2 ოქტომბრიდან 2025 წლის 25 ოქტომბრის 18:00 საათამდე.

შედეგები გამოცხადდება 2025 წლის 4 ნოემბერს.

საკონკურსო ფოტოფაილები, განაცხადთან ერთად, მიიღება ქალაქ ქუთაისის მუნიციპალიტეტის მერიის კანცელარიაში (ქ. ქუთაისი, რუსთაველის გამზირი #3, I სართული) ან ელექტრონულ მისამართზე: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript. 

27 სექტემბრიდან – 2 ოქტომბრის ჩათვლით, თიბისის მხარდაჭერით ქუთაისის საერთაშორისო მოკლემეტრაჟიანი ფილმების ფესტივალი ჩატარდება.გახსნა ხვალ,19:00 საათზე არის დაგეგმილი.

6 დღის განმავლობაში კინოთეატრ ,,საქართველოში,, ფესტივალი მაყურებელს მრავალფეროვან პროგრამას სთავაზობს . კინოჩვენებებისა და რეტროსპექტივების პარალელურად  პროგრამა მოიცავს მასტერკლასებს, ვორქშოპებს, დისკუსიებს და პრეზენტაციებს. 

მოკლემეტრაჟიანი ფილმების ფესტივალის 2025 წლის ჟიურის თავჯდომარე რეჟისორი ნანა ჯანელიძე.მის გარდა ჟიურის კიდევ 4 წევრი ყავს .

ისინი ერთობლივად შეაფასებენ საკონკურსო ფილმებს და გასცემენ ოქროს დინოზავრებს სამ კატეგორიაში: საუკეთესო რეჟისორი, საუკეთესო ოპერატორი და საუკეთესო ფილმი.

წლევანდელი ფესტივალის ფოკუს ქვეყანა იქნება იტალია, რის ფარგლებშიც გაიმართება: პიერ პაოლო პაზოლინის, ფედერიკო ფელინისა და ტონინო გუერას ნამუშევრების რეტროსპექტივები. ფესტივალს ეწვევა იტალიელი რეჟისორი ბენიამინო ბარეზე და ნაჩვენები იქნება მისი ფილმი - “დედაჩემის გაუჩინარება”. სპეციალური სტუმარი იქნება ფილმის მთავარი პერსონაჟი, მოდელი და ჟურნალისტი ბენედეტა ბარძინი.

გაიმართება ლუის ბუნიუელისა და რაინერ ვერნერ ფასბინდერის ფილმების საიუბილეო ჩვენებები.

დასწრება თავისუფალია. 

 20, 21, 27 და 28 სექტემბერს,  ქუთაისის მუნიციპალიტეტის მერიის და თოჯინების პროფესიული თეატრების გაერთიანების ურთიერთშეთანხმებით,თოჯინების თეატრში სტუმრობა პატარა მაყურებლისთვის უფასო იქნება.

წარმოდგენილი იქნება სპექტაკლები ,,იავნანამ რა ჰქმნა,, ,,ნამცეცა,,  ,,ბატის ჭუკი,, და ,,ნაბო,, .

დღესვე ქუთაისის იაკობ გოგებაშვილის სახელობის თოჯინების თეატრი 79-ე სეზონს გახსნის.

ქუთაისის მელიტონ ბალანჩივაძის სახელობის ოპერისა და ბალეტის პროფესიული სახელმწიფო თეატრი 57-ე თეატრალურ სეზონს 19 სექტემბერს გახსნის ვიქტორ დოლიძის ოპერა  „ქეთო და კოტე“-ს საკონცერტო შესრულებით.

რეჟისორია  მაია გაჩეჩილაძე,ხოლო დირიჟორი  რევაზ ჯავახიშვილი.

ქუთაისის ოპერის თეატრის სარეაბილიტაციო სამუშაოები არ დასრულებულა,ამიტომ სეზონის გახსნა ლადო მესხიშვილის სახელობის პროფესიულ სახელმწიფო დრამატული თეატრში გაიმართება.  დასაწყისი 19:00 საათზე.

დღეს,11 აგვისტოს ქუთაისში კონცერტი გაიმართება. 

ახალგაზრდობის საერთაშორისო დღესთან დაკავშირებით ასსაფეხურიან კიბეებთან ღონისძიება 19:00 საათზე დაიწყება. 

მონაწილეობენ: ზაზა ნოზაძე, პაჯო, მეოთხე დასი.

ახალგაზრდობის საერთაშორისო დღე ყოველწლიურად 12 აგვისტოს აღინიშნება. 

ეს დღე 1999 წელს დააწესა გაეროს გენერალურმა ასამბლეამ, ახალგაზრდობის პრობლემებზე ყურადღების გასამახვილებლად და მათი უფლებებისა და შესაძლებლობების გასაძლიერებლად.

ჭყვიშში გალაკტიონ და ტიციან ტაბიძეების სახლ-მუზეუმის რეაბილიტაცია იწყება. 

რეაბილიტაციის გეგმა 2025-2027 წლებს მოიცავს

პროექტის მიხედვით დაგეგმილია კულტურული მემკვიდრეობის ძეგლების - გალაკტიონ და ტიციან ტაბიძეების მემორიალური სახლებისა და დამხმარე ნაგებობების რეაბილიტაცია; ტიციან ტაბიძის ავარიული საექსპოზიციო დარბაზის დემონტაჟი და მის ადგილას ახალი, თანამედროვე სტანდარტების შესაბამისი ფუნქციური საექსპოზიციო დარბაზის მშენებლობა; გალაკტიონ ტაბიძის საექსპოზიციო დარბაზის სარემონტო-სარეკონსტრუქციო სამუშაოები; მუზეუმის ეზოს კეთილმოწყობა. განახლებული მუზეუმი ადაპტირებული იქნება შშმ პირთათვის.