25 ივლისს ქუთაისის მელიტონ ბალანჩივაძის სახელობის ოპერისა და ბალეტის პროფესიული სახელმწიფო თეატრი 2024–2025 წლების 56-ე  სეზონს ვიქტორ დოლიძის ოპერა „ქეთო და კოტე“-ს საკონცერტო შესრულებით დახურავს.დირიჟორი რევაზ ჯავახიშვილი. 

ქუთაისის ოპერის თეატრის რეაბილიტაცია ამ დრომდე არ დასრულებულა, ამიტომ წარმოდგენის ნახვა მაყურებელს ლადო მესხიშვილის სახელობის პროფესიული სახელმწიფო დრამატული თეატრის სცენაზე შეეძლება. დასაწყისი 19:00 საათზე. 

ქუთაისში 11 ივლისს კონცერტი ,,მუსიკალური ზაფხული 2025“ გაიმართება. 

საღამო 100 საფეხურიანი კიბის მიმდებარე ტერიტორიაზე 20:00 საათზე დაიწყება. 

მსმენელების წინაშე წარდგებიან: ზ. ფალიაშვილის სახელობის თბილისის ოპერისა და ბალეტის თეატრის ორკესტრისა და ბენდის მუსიკოსები მაესტრო ნიკა ნიკაშვილის ხელმძღვანელობით, ქუთაისის სიმღერისა და ცეკვის სახელმწიფო აკადემიური ანსამბლი, გეგი შალამბერიძე, ლიზა ბაგრატიონი, გიორგი ლომისელი და აჩიკო ნიჟარაძე.

ღონისძიება საქართველოს კულტურის სამინისტროს სსიპ ,,შემოქმედებითი საქართველოს“ ხელშეწყობით და ქუთაისის მუნიციპალიტეტის მერიის მხარდაჭერით გაიმართება. 

ლიანა ისაკაძის სახელობის საერთაშორისო კონკურსი ხვალ,27 ივნისი, 14:00 საათზე დაიხურება.

ქუთაისში, ზაქარია ფალიაშვილის სახელობის №2 სამუსიკო სკოლის საკონცერტო დარბაზში ახალგაზრდა მუსიკოს-შემსრულებელთა საორკესტრო საკრავების პირველი საერთაშორისო კონკურსი  საზეიმოდ დაიხურება.

გაიმართება გამარჯვებულთა დაჯილდოება და ლაურეატთა მონაწილეობით გალა-კონცერტი.

გელათის რეაბილიტაციის დროებითი კომიტეტის ინფორმაციით,მთავარი ტაძრის ერთიანი დროებითი გადახურვის სამუშაოები (გუმბათის ჩათვლით) დასკვნით ფაზაში შევიდა.

გერმანელი კონსტრუქტორები მთავარი ტაძრის გუმბათის დროებითი გადახურვის მოწყობის დასკვნით სამუშაოებს აწარმოებენ. რამდენიმე კვირიანი შეფერხებები, რომელიც მასალის მოწოდებასთან იყო დაკავშირებული, აღმოფხვრილია და ტაძრის ერთიანი დროებითი გადახურვის მოწყობის ურთულესი მასშტაბური სამუშაოები მიმდინარე კვირაში მთლიანად დასრულდება. 

დღეს ქუთაისში, ზაქარია ფალიაშვილის სახელობის №2 სამუსიკო სკოლის საკონცერტო დარბაზში ლიანა ისაკაძის სახელობის ახალგაზრდა მუსიკოს-შემსრულებელთა საორკესტრო საკრავების პირველი საერთაშორისო კონკურსის საზეიმო გახსნის ცერემონია გაიმართა.

ღონისძიება გახსნა კონკურსის იდეის ავტორმა და თანადამფუძნებელმა, მევიოლინე ზანდა კიკვაძემ. 

საპატიო სტუმრის სტატუსით კონკურსს ესწრებოდა მიტროპოლიტი იოანე 

ღონისძიებაზე ვიდეო ფორმატით იქნა წარმოდგენილი ლიანა ისაკაძის შემოქმედებითი მემკვიდრეობა . დამსწრე საზოგადოებამ წუთიერი დუმილით პატივი მიაგო მისი ხსოვნას.

კონკურსის სამხატვრო ხელმძღვანელი და ჟიურის წევრია გიორგი ისაკაძე – მუსიკოსი, პედაგოგი, ლიანა ისაკაძის მემკვიდრე.

ჟიური დაკომპლექტებულიამსოფლიო მასშტაბით აღიარებული მუსიკოსებით:

მიქაელ შტრიხარცი (გერმანია) – ჟიურის თავმჯდომარე, ვირტუოზი მევიოლინე და პედაგოგი, მრავალი საერთაშორისო პრემიის მფლობელი;

ზანდა კიკვაძე – მევიოლინე, პედაგოგი, დირექტორი, ორგანიზატორი;

რაუფ მუსაევი (თურქეთი) – საყვირზე შემსრულებელი, პროფესორი, საერთაშორისო კონკურსების ჟიურის წევრი;

რევაზ ჯავახიშვილი – ქუთაისის ოპერის თეატრის მთავარი დირიჟორი, ქუთაისის სიმფონიური ორკესტრის სამხატვრო ხელმძღვანელი და მთავარი დირიჟორი, მრავალი საერთაშორისო კონკურსის ჟიურის წევრი.

კონკურსის ორგანიზატორია ა(ა)იპ „არტ ვირტუოზი“ ,გენერალური სპონსორი კი ქუთაისის მუნიციპალიტეტის მერიაა.

2025 წლის 23-დან 27 ივნისის ჩათვლით, ქუთაისში, ზაქარია ფალიაშვილის სახელობის №2 სამუსიკო სკოლის საკონცერტო დარბაზში გაიმართება ლიანა ისაკაძის სახელობის ახალგაზრდა მუსიკოს-შემსრულებელთა საორკესტრო საკრავების პირველი საერთაშორისო კონკურსი.

კონკურსის სამხატვრო ხელმძღვანელია გამოჩენილი მუსიკოსის, ლიანა ისაკაძის მემკვიდრე და ძმისშვილი - გიორგი ისაკაძე.

კონკურსში მონაწილეობენ სიმებიან და ჩასაბერ საკრავებზე შემსრულებელი ახალგაზრდა მუსიკოსები საქართველოდან და უცხოეთიდან.

მონაწილეებს შეაფასებს საერთაშორისო ჟიური, რომელიც დაკომპლექტებულია მსოფლიოში აღიარებული მუსიკოსებით. ეს უზრუნველყოფს შეფასების მაღალი პროფესიული სტანდარტების დაცვასა და კონკურსის გამჭვირვალობას.

საერთაშორისო კონკურსის ჩატარების მიზანია, როგორც ქვეყნის შიგნით ასევე მის ფარგლებს გარეთ სიმებიან და ჩასაბერ საკრავებზე ნჭიერი ახალგაზრდა მუსიკოს-შემსრულებელთა შესაძლებლობების წარმოჩენა, განსაკუთრებული ნიჭით დაჯილდოებული კონკურსანტების გამოვლენა და სტიმულირება.

კონკურსის დამფუძნებელი და ორგანიზატორია ა(ა)იპ“არტ-ვირტუოზი”.გენერალური სპონსორი კი  ქუთაისის მუნიციპალიტეტის მერიაა.