ქუთაისში კორონავირუსული ინფექციით მედიკოსი გარდაიცვალა.მას თანმხლები დაავადებები ქონდა.

,,საერთაშორისო სამედიცინო ცენტრში" 71 წლის პაციენტი 19 ნოემბერს , მძიმე მდგომარეობაში დადასტურებული კორონავირუსული ინფექციით , გართულებული პნევმონიით და სუნთქვის მწვავე უკმარისობით შემოვიდა. მას ჰქონდა უმძიმესი თანმხლები დაავადებები:  ქრონიკული ვირუსული ჰეპატიტი c, ღვიძლის ციროზი, ფიბროზი, ასციტი, ანემია. მკურნალობას გადიოდა რეანიმაციის დეპარტამენტში. 27 ნოემბერს დაფიქსირდა ბიოლოგიური სიკვდილი.-,,აცხადებენ კლინიკაში.

ბოლო 24 საათის განმავლობაში გამოვლენილია ვირუსით ინფიცირების 4 780 ახალი დადასტურებული შემთხვევა.თბილისში გამოვლენილია 1 863 შემთხვევა, აჭარაში-664, იმერეთში-648, ქვემო ქართლში-319, შიდა ქართლში-259, გურიაში-102, სამეგრელო-ზემო სვანეთში-385, კახეთში-280, მცხეთა-მთიანეთში-128, სამცხე-ჯავახეთში-89, რაჭა-ლეჩხუმსა და ქვემო სვანეთში-43.

უკანასკნელი 24 საათის განმავლობაში  კორონავირუსით გარდაცვალების 37 ახალი შემთხვევა დაფიქსირდა.

ბოლო 24 საათში გამოჯანმრთელდა 3 489 პირი, ხოლო ჯამში გამოჯანმრთელებულთა რაოდენობა გაიზარდა - 102 270-მდე.

6 251 ადამიანი მკურნალობს საავადმყოფოში, მათ შორის, იმერეთში-1 219. ამ ეტაპზე მძიმე პაციენტია 976 პირი, აქედან იმერეთში-226. ხელოვნური სუნთქვის აპარატზე იმერეთში 45 პირი იმყოფება.

3 863 ადამიანი მოთავსებულია კოვიდ-სასტუმროში, მათ შორის  278-იმერეთში.

9 899 პირი ვირუსის მკურნალობს კურსს გადის საცხოვრებელ ბინაზე.

საკარანტინე სივრცეებში მოთავსებულია 2 114 ადამიანი, მათ შორის, იმერეთში-35.

ამ ეტაპისთვის თვითიზოლაციაში იმყოფება 54 554 ადამიანი, აქედან იმერეთში-4 816.

 ბოლო 24 საათის განმავლობაში გამოვლენილია ვირუსით ინფიცირების 3 801 ახალი დადასტურებული შემთხვევა.თბილისში გამოვლენილია 1 293 შემთხვევა, აჭარა-475, იმერეთი-793, ქვემო ქართლი-270, შიდა ქართლი-232, გურია-80, სამეგრელო-ზემო სვანეთი-371, კახეთი-129, მცხეთა-მთიანეთი-70, სამცხე-ჯავახეთი-62, რაჭა-ლეჩხუმი და ქვემო სვანეთი-26.

ბოლო 24 საათში გამოჯანმრთელდა 3 200 პირი, ხოლო ჯამში გამოჯანმრთელებულთა რაოდენობა გაიზარდა 98 781-მდე.

უკანასკნელი 24 საათის განმავლობაში  კორონავირუსით  39 ადამიანი გარდაიცვალა.

 6 165 ადამიანი მკურნალობს საავადმყოფოში, მათ შორის,  იმერეთში-1 215. იმერეთში მძიმეა -219.პაციენტის მდგომარეობა. ხელოვნური სუნთქვის აპარატზე იმყოფება 452 პირი, მათგან  იმერეთში-42.

3 920 ადამიანი მოთავსებულია კოვიდ-სასტუმროში, მათ შორის 265-იმერეთში. 

საკარანტინე სივრცეებში იმერეთის მასშტაბით  მოთავსებულია 33 პაციენტი.

ამ ეტაპისთვის თვითიზოლაციაში იმყოფება 53 516 ადამიანი, მათ შორის იმერეთში-4 782

“კლინიკა ბომონდი”-ს კოვიდცენტრში მკურნალობის კურსს კორონავირუსით ინფიცირებული 5 ჩვილი გადის. ჩვილებიდან ყველაზე მცირე ასაკის 7 დღის, ხოლო ყველაზე უფროსი ერთი თვის არის. ინფიცირებული ჩვილების ნაწილი კლინიკაში საცხოვრებელი სახლებიდან, ნაწილი კი სხვადასხვა სამედიცინო დაწესებულებიდან შეიყვანეს. ამ დროისათვის პატარების  ჯანმრთელობის მდგომარეობა დამაკმაყოფილებელია.

გასული 24 საათის განმავლობაში კლინიკა 11-მა გამოჯანმრთელებულმა პაციენტმა დატოვა. კოვიდცენტრში მიიღეს ახალი პაციენტებიც-  93 და 95 წლის მამაკაცები , რომელთა ჯანმრთელობის მდგომარეობა მძიმეა. ამ დროისათვის კლინიკაში 129 კოვიდდადებითი პაციენტი რჩება. საერთო ჯამში კი ვირუსი 400-ზე მეტმა ადამიანმა დაამარცხა.

ქუთაისის ინფექციურ კლინიკაში კორონავირუსით ინფიცირებული ორი პაციენტი გარდაიცვალა-81 წლის მამაკაცი და 78 წლის ქალი. პაციენტების მდგომარეობა საავადმყოფოში შეყვანისთანავე მძიმე იყო. კლინიკის სამედიცინო დირექტორის , ნოდარ მაღლაფერიძის განცხადებით, პაციენტებს ვირუსთან ერთად თანმხლები დაავადებები ქონდათ.

"გარდაიცვალა ორი პაციენტი 81 წლის მამაკაცი და 75 წლის ქალი. 81 წლის მამაკაცი კლინიკაში 24 ნოემბერს შემოიყვანეს, მდგომარეობა იყო უკიდურესად მძიმე, რის გამოც მისი გადარჩენა ვერ მოხერხდა. 78 წლის ქალი 10 დღის განავლობაში მკურნალობდა, თუმცა თანმხლები დაავადებების გამო - ორმხრივი პნევმონია ,არტერიული ჰიპერტენზია , მისი მდგომარეობა დამძიმდა და გუშინ გვიან გარდაიცვალა. ამ დროისთვის კლინიკაში გვყავს 80 ინფიცირებული პაციენტი, მათ შორის 3 მძიმე".- აღნიშნა მაღლაფერიძემ.

ქუთაისის საეკლესიო საავადმყოფოში ,,ქსენონი,,101 წლის მოხუცის გამოჯანმრთელებას ელოდებიან.საავადმყოფოს კლინიკური დირექტორის,მაგდა კოსტავას ინფორმაციით,მოხუცის ჯანმრთელობის მდგომარეობა დამაკმაყოფილებელია და მას უახლოეს პერიოდში გაწერენ.

,,ქსენონი,,კოვიდდადებით პაციენტებს 19 სექტემბრიდან იღებს.ამჟამად კლინიკაში 61 ადამიანი მკურნალობს.მათ შორის ყველაზე პატარა თვენახევრის ჩვილია,ხოლო ყველაზე ხანდაზმული 101 წლის ქალბატონი . 

19 სექტემბრიდან დღემდე საეკლესიო საავადმყოფოში 3 პაციენტი გარდაიცვალა.