ქუთაისში კორონავირუსით ინფიცირებული ასაკოვანი მამაკაცი გარდაიცვალა. პაციენტი ქუთაისიდან იყო და ინფექციურ კლინიკაში მკურნალობდა და მისი მდგომარეობა კრიტიკულად მძიმედ ფასდებოდა. კლინიკის სამედიცინო დირექტორის, ნოდარ მაღლაფერიძის განცხადებით, მამაკაცის გადარჩენა თანმხლები დაავადებების გამო ვერ მოხერხდა.

ხმაური დასავლეთ საქართველოს სამედიცინო ცენტრში. 24 წლის სალომე გვასალიას ოჯახი ექიმებს დაუდევრობაში ადნაშაულებს.ახალგაზრდა ქალი სენაკში ხიდან გადმოვარდა, ხერხემლის დაზიანებით კი ის ქუთაისის საავადმყოფოში გადაიყვანეს, სადაც გოგონას ოპერაციის დროს, ნახევარი საათით გული გაუჩედა, ახლა კი ტვინია შეშუპებული. პაციენტის ოჯახის წევრებს მედიკოსებს გულგრილობაში ადანაშაულებენ. ოჯახი ამბობს, რომ ამ დრომდე არ აქვთ ინფორმაცია დაშვებულის ჯანმრთელობის მდგომარეობის შესახებ.

საავადმყოფოს კრიტიკული მედიცინის სამსახურის უფროსის , მამუკა ნემსიწვერიძის   თქმით, პაციენტს ჩაუტარდა შესაბამისი გამოკვლევები და ოპერაცია, ხოლო რამ გამოიწვია გულის გაჩერება  , ექსპერტიზა დაადგენს.

საქართველოში კორონავირუსის 519 შემთხვევა გამოვლინდა.

აჭარაში 222 ახალი შემთხვევაა, თბილისში 137, იმერეთში 99 , ქვემო ქართლში 31 ახალი შემთხვევა, გურიასა და მცხეთა მთიანეთში -10-10, შიდა ქართლში 7 შემთხვევაა, სამეგრელო-ზემო სვანეთში - 5, კახეთში- 3 შემთხვევა, სამცხე-ჯავახეთში არის ერთი და 4 არის იმპორტირებული შემთხვევა.

კრიტიკულია 57 პაციენტის მდგომარეობა, აქედან 56 არის მართვით სუნთქვაზე.

ბოლო 24 საათში გარდაიცვალა 6 პაციენტი, აქედან 4 აჭარაში.საერთო ჯამში, გარდაცვლილია 78 ადამიანი.

ბოლო 24 საათში კორონავირუსისგან კიდევ 253 პაციენტი გამოჯანმრთელდა და მათი საერთო რაოდენობა 6119 -ს შეადგენს.

ქუთაისის ინფექციურ კლინიკაში მკურნალობას 65 პაციენტი გადის. 24 საათის განმავლობაში საავადმყოფოს სამი ინფიცირებული დაემატა , ასევე 3 გამოჯანმრთელებული პაციენტი გაეწერა. კლინიკის სამედიცინო დირექტორის ნოდარ მაღლაფერიძის თქმით, კორონავირისზე საეჭვო სიმპტომებით 16 პაციენტის კვლევის პასუხებს ელოდებიან.

"24 საათის განმავლობაში მივიღეთ სამი და გავწერეთ 3 გამოჯანმრთელებული პაციენტი. კლინიკაში გვყავს 65 პაციენტი, ორი კრიტიკული და 7 სტაბილურად მძიმე. ამ დროისთვის, თავისუფალი საწოლი არ გვაქვს. ველოდებით 16 პაციენტის კვლევის პასუხებს",- განაცხადა მაღლაფერიძემ.

ქუთაისის ინფექციური კლინიკა, ჯამში 131-მა გამოჯანმრთელებულმა პაციენტმა დატოვა.

ქუთაისის N2 საჯარო სკოლის პირველ და მე-6 კლასის მოსწავლეებს Covid-19 დაუდასტურდათ

კორონავირუსის 527 ახალი შემთხვევიდან 91 იმერეთში დადასტურდა.

 აჭარაში-190,  თბილისში - 179 ახალი შემთხვევაა,  იმერეთში - 91, ქვემო ქართლში - 28, შიდა ქართლში -10 პაციენტი, კახეთში -11, მცხეთა-მთიანეთში -3, გურიაში -3, სამცხე-ჯავახეთში -1 შემთხვევაა დადასტურებული.

კრიტიკულად მძიმეა 63 პაციენტის მდგომარეობა.ბოლო 24 საათში კიდევ 6 პაციენტი გარდაიცვალა და მათი რაოდენობა 72-ს შეადგენს.

ბოლო 24 საათში კორონავირუსისგან 313 ადამიანი გამოჯანმრთელდა და მათი საერთო რაოდენობა 5866 -ს შეადგენს.