ქუთაისში მაია ჩიბურდანიძის სახელობის რეაბილიტირებული საჭადრაკო სკოლა გაიხსნა.
ქუთაისის საჭადრაკო სკოლის რეაბილიტაციის პროექტის მიხედვით, სრულად განახლდა შენობის ინტერიერი და ექსტერიერი, შეიცვალა სახურავი, კარ-ფანჯრები, განათების და წყალგაყვანილობის სისტემა. სამეცადინო და სატურნირო ოთახები მოეწყო თანამედროვე სტანდარტების შესაბამისად. მოწესრიგდა სკოლის ეზო, სადაც ღია საჭადრაკო დაფა გაკეთდა. თემატურად მოიხატა შენობის ფასადის კედელი. საჭადრაკო სკოლის რეაბილიტაციისთვის 544 133 ლარი დაიხარჯა. პროექტი რგპფ-მ დააფინანსა. სკოლაში ამ ეტაპზე ჭადრაკს 327 მოზარდი ეუფლება.
ბაღდათის მუნიციპალიტეტის ყველა საჯარო სკოლაში ახალი სასწავლო წელი დაიწყო.
️ბაღდათის მუნიციპალიტეტის მერის პირველმა მოადგილემ დავით სილაგაძემ, მერის მოადგილე მერაბ ზირაქაძესთან, საკრებულოს თავმჯდომარის პირველ მოადგილე გურამ კიკნაველიძესთან, მერიის ადმინისტრაციის სამსახურის ხელმძღვანელ კახა გოგნაძესთან, რესურს ცენტრის ხელმძღვანელ ნინო მშვილდაძესთან, მერიისა და საკრებულოს წარმომადგენლებთან ერთად, სასწავლო წლის დაწყება მოსწავლეებს, პედაგოგებს და მშობლებს მიულოცა.
განათლებული თაობა ყოველთვის იყო და რჩება ჩვენი ქვეყნის პრიორიტეტად, მინდა ახალი სასწავლო წელი მივულოცო პედაგოგებს, მოსწავლეებს და მშობლებს, განსაკუთრებით კი პირველკლასელებს"
განაცახა ბაღდათის მერის პირველმა მოადგილემ დავით სილაგაძემ.
️წელს ბაღდათის მუნიციპალიტეტში 211 პირველკლასელია, რომლებსაც სახელმძღვანელოებთან ერთად ნეთბუქები გადაეცა.
