გენდერი, გენდერული ძალადობა, ძალადობის იდენტიფიკაცია, ბავშვთან კომუნიკაცია და რეფერირების ეტაპები, სამართლებრივი მექანიზმები და პედაგოგების როლი ძალადობის პრევენციაში, საერთაშორისო აქტები - ეს საკითხები განიხილეს ტრენინგზე, რომელიც ქუთაისში ჩატარდა პედაგოგებისთვის. მონაწილეები წარმოადგენდნენ 6 მუნიციპალიტეტს: ჩოხატაური, ვანი, ხონი, ზუგდიდი, წყალტუბო და ბაღდათს.
ღონისძიების მონაწილეები აქტიურად ჩაერთნენ სატრენინგო პროცესში, დისკუსიებში, ერთმანეთს უზიარებდნენ თავიანთ გამოცდილებას. მათი შეფასებით, ტრენინგი ხელს შეუწყობს გენდერული სტერეოტიპების მსხვრევას და ძალადობის შემთხვევების პრევენციას ადრეული იდენტიფიცირების და ინტერვენციის მექანიზმებით.
ტრენინგის შემდეგ პედაგოგები სკოლებში დანერგავენ გენდერულ მიდგომებს და აქტიურად ჩაერთვებიან ძალადობის შემთხვევების გამოვლენის პროცესში.
პროექტი მხარდაჭერილია კანადის თანასწორობის ფონდის მიერ.
სენაკის ქალთა სამუშაო გუნდმა ახალი პრობლემების იდენტიფიცირებაზე იმუშავა.
-ჩვენ მივყვებით ადვოკატირების გეგმას. სამუშაო გეგმიდან გამომდინარე ყველა ეტაპი გათვლილია და გარკვეულ პერიოდს მოითხოვს. პარალელურად, ახალი პრობლემების იდენტიფიცირებაზე აქტიურად უნდა ვიმუშაოთ,რათა აქტიურობის მუხტი არ შენელდეს-მიაჩნიათ ჯგუფის წევრებს.
იდენტიფიცირებულ პრობლემებს შორის გამოიკვეთა დევნილთა დასახლებაში ტრენაჟორების დამონტაჟების საკითხი,ასევე აქტუალურად ჩაითვალა გაზონების გაწმენდა სარეველა ბალახებისგან.ორივე პრობლემა მოითხოვს თანამშრომლობას ადგილობრივ თვითმმართველობასთან.ამ პროცესში ჯგუფის წევრები აქტიურად ჩაერთვებიან.
