სკოლებში ონლაინ სწავლების მიმდინარეობისას, სოციალურად დაუცველ მოსწავლეებს ინტერნეტის გადასახადს ქუთაისის მუნიციპალიტეტი დაუფინანსებს.    

საქართველოს კულტურული მემკვიდრეობის დაცვის სააგენტო ადასტურებს გელათის მონასტრის სახურავის დაზიანების მორიგ ფაქტს. სააგენტოს განცხადებაში წერია, რომ,, ფიზიკური სამუშაოების პროცესში დაშვებული შეცდომების მიზეზით, 18 იანვარს მთავარი ტაძრის დასავლეთი მკლავის სამხრეთ ფერდზე ქარის შედეგად დროებითი გადახურვის ფრაგმენტი აძვრა.,,

მათივე ინფორმაციით, დაზიანებული კონსტრუქციის აღდგენის სამუშაოები დაწყებულია.,, აღდგენილი მყარი გადახურვის სათანადო წესით გამაგრების პარალელურად, სააგენტოს ინსპექტირების ჯგუფის სპეციალისტების ზედამხედველობით გადამოწმდება დროებითი გადახურვების ყველა არეალი. პრევენციული ქმედებებისას შესრულებული სამუშაოების ხარვეზების აღმოფხვრას დღეიდან კომპანია "ბაგინეთი +" განახორციელებს.,,

ინფორმაცია გელათის ტაძრის სახურავის მორიგი დაზიანების შესახებ ორგანიზაცია  ,,ევროპა ჩვენი სახლიას ,,  წარმომადგენელმა გაავრცელა. თორნიკე ბარათაშვილი გელათის მონასტრის უხარისხო გადახურვის საკითხს და დაშვებულ შეცდომებს უკვე დიდი ხანია აპროტესტებს.

ქუთაისის მეტალურგიულ ქარხანაში მომხდარი უბედური შემთხვევის შესახებ, რა დროსაც დაიღუპა საწარმოს მუშა, ინფორმაცია აქვთ საქართველოს პროფკავშირებში.იმერეთის ოფისის კოორდინატორი ირაკლი მხეიძე ამბობს, რომ მეტალურგიულში შრომის უსართხოება დაცული არ არის და ქარხანამ მუშაობა მინიმუმ ვითარების გამოსწორებამდე უნდა შეაჩეროს.

,, არის ძალიან დიდი გამონაბოლქვი, რასაც 10-12 საათის განმავლობაში სუნთქავენ იქ დასაქმებული ადამიანები, რომლებიც არ არიან აღჭურვილები არანაირი დამცავი საშალებებით. არსებულ მძიმე ვითარებასთან დაკავშირებით ჩვენ მივმართეთ შრომის ინსპექტირების დეპარტამენტს, რომელიც ორჯერ იყო შემოწმებაზე მისული და გამოავლინა ძალიან მძიმე , შეუსაბამო დარღვევები საწარმოში და მისცა გაფრთხილება . გატარდა შესაბამისი სანქციები, თუმცა, როგორც ჩანს ზომები საკმარისი არ აღმოჩნდა და მივიღეთ ეს ფაქტი.ჩვენი მოსაზრებით მეტალურგიულ ქარხანაში არის კრიტიკული შეუსაბამობები და საწარმოს მუშაობა დროებით მაინც უნდა შეჩერდეს, სანამ არ აღმოიფხვრება ადამიანის სიცოცხლისა და ჯანმრთელობისთვის საფრთხის შემცველი გარემოებები,, აცხადებს ირაკლი მხეიძე, საქართველოს პროფესიული კავშირების გაერთიანების იმერეთის ოფისის კოორდინატორი .

უბედური შემთხვევა ქუთაისში  . მეტალურგიულ ქარხანაში მუშა გარდაიცვალა. გავრცელებული ინფორმაციით, ქარხანაში დასაქმებული 50 წლამდე მამაკაცი   სამშენებლო მანქანაზე ადიოდა, რა დროსაც გადმოვარდა,სიცოცხლისათვის შეუთავსებელი ტრავმა მიიღო და ადგილზევე გარდაიცვალა. შემთხვევა რამდენიმე დღის წინ მოხდა.

გარდაცვალების ფაქტს ადასტურებენ მეტალურგიულ ქარხანაში, თუმცა იყო თუ არა დარღვეული უსაფრთხოების წესები,  არ საუბრობენ. ოფიციალურ კომენტარს არ აკეთებს ქარხნის ადმინისტრაცია.

 მუშის გარდაცვალების ფაქტს შსს იძიებს. როგორც ,უწყებაში განაცხადეს, გამოძიება სსსკ-ის 240-ე მუხლის 2 ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს რამაც ადამიანის სიცოცხლე იმსხვერპლა. თუმცა სამინისტროში სიკვდილის სხვა მიზეზს ასახელებენ.  მათი ინფორმაციით, ქარხანაში დასაქმებული სავარაუდოდ ლითონის დნობის დროს გაჩენილი ცეცხლის ჩაქრობისას დიდი რაოდენობით კვამლის ჩასუნთქვის შედეგად დაიღუპა.

ქუთაისის ააიპ ,, სპეცილური სერვისები“ მუშაობის საგანგებო რეჟიმზე გადავიდა.

 მომდევნო დღეებში თოვლი  და ყინვაა მოსალოდნელი , შესაბამისად, როგორც   საზოგადოებასთან ურთიერთობის სამსახურის ხელმძღვანელი აცხადებს, მობილიზებულია სპეცტექნიკა- ჯისიპი ტრაქტორი,ასევე  თოვლ საწმმენდი სატვირთო მანქანა, რომელიც გაწმენდის და მარილის დაყრის ფუნქციას ასრულებს. ასევე, დასაწყობებულია ტექნიკური მარილი და ინერტული მასალა.

გიორგი მჟავანაძის განცხადებით, საჭიროების შემთხვევაში გზები ოპერატიულად გაიწმინდება და მოსახლეობას გადაადგილების პრობლემა არ შეექმნება.