11 მარტს დღის მეორე ნახევრიდან 13 მარტამდე საქართველოში მოსალოდნელია ნალექი, 12 მარტს უმეტესად თოვლის სახით, ზოგან ძლიერი. მაღალმთაში შესაძლებელია ნისლი და ქარბუქი, ზღვაზე 3-4 ბალიანი ღელვა.

ინტენსიური თოვის გამო, შიდასახელმწიფოებრივი მნიშვნელობის  ქუთაისი(მოწამეთა)-ტყიბული-ამბროლაურის საავტომობილო გზის კმ39-კმ62 (ნაქერალას უღელტეხილი) მონაკვეთზე, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.

 ნიკეას ბაზრის მოვაჭრეებმა ქუთაისის მერიის წინ აქცია გამართეს. აცხადებენ, რომ ბაზრის ადმინისტრაციამ გადასახადი  გაზარდა, თავად კი რეალიზაცია შუმცირდათ, რის გამოც მომატებულ გადასახადს ვერ გადაიხდიან.პროტესტის ნიშნად მათ  მუშაობა შეაჩერეს. ამბობენ ,რომ მალფუჭებადი პროდუქტი უზიანდებათ, ამიტომ პროტესტის ერთგავარ გამოხატულებად ქალაქის თვითმმართვეობის შენობის წინ პროდუქტი მიიტანეს და ვაჭრობა დაიწყეს.

მათივე ინფორმაციით აქციის დროს რამდენიმე მათგანი თვითმმართველობის შენობაში დიალოგისთვის შეიყვანეს.მოვაჭრეების მოთხოვნა არსებული გადასახადის შენარჩუნებაა, წინააღმდეგ შემთხვევაში, პროტესტის გააგრძელებას აანონსებენ.

ქუთაისში,დასავლეთ საქართველოს საოლქო პროკურატურის წინ აქცია გამართა.19 წლის გიგა სადილიანის ოჯახის წევრები დაზარალებულად ცნობას ითხოვენ.საქმე ეხება 2020 წლის 26 მაისს, ქუთაისში,  ავტომშენებლის ქუჩაზე მომხდარ ფაქტს,როცა  მოქალაქე ბექა ნემსიწვერიძე ,რომელიც  ავტომობილით გადაადგილდებოდა,  ველოსიპედით მოძრავ  19 წლის გიგა სადილიანს დაეჯახა. სადილიანი საავადმყოფოში გარდაიცვალა.

საპატრულო პოლიციის დეპარტამენტის იმერეთის მთავარმა სამმართველომ  გამოძიება სს კოდექსის 276-ე მუხლის მეორე ნაწილით დაიწყო .

ნამახვანი ჰესის“ შემთხვევაში არ ხდება მიწის უპირობო გადაცემა: ინვესტორ კომპანიას გადაეცემა მხოლოდ ის მიწა, რომელზეც უშუალოდ განთავსდება ჰიდრონაგებობები,- ამის შესახებ ეკონომიკის მინისტრმა ნათია თურნავა პარლამენტში დარგობრივი ეკონომიკისა და ეკონომიკური პოლიტიკისა და გარემოს დაცვისა და ბუნებრივი რესურსების კომიტეტების ერთობლივ სხდომაზე განაცხადა.

მისი თქმით, მიწის გადაცემა საინვესტიციო პირობების შესრულების სანაცვლოდ წლების მანძილზე მიღებული პრაქტიკაა და მხოლოდ გარკვეული პირობების შესრულების სანაცვლოდ ხდება, საიდანაც ყველაზე მნიშვნელოვანია ინვესტიცია და ქონების გადასახადის გადახდა, ასევე 28 კილომეტრის გზის მშენებლობა და სახელმწიფოსთვის უსასყიდლოდ გადმოცემა.

„ერთ-ერთი ყველაზე ხშირად დასმული, მიწის პრივატიზაციის საკითხია. თუ პრობლემაა იმაში, რომ მიწა ჰესის ასაშენებლად გადაეცა თურქულ კომპანიას, მე ამ რიტორიკაში არ და ვერ წამოგყვებით, რადგან ეს მიუღებლად მიგვაჩნია; თუ პრობლემა იმაშია, რომ მიწა საერთოდ გადაეცა კერძო კომპანიას, შეგახსენებთ რომ მიწის გადაცემა საინვესტიციო პირობების შესრულების სანაცვლოდ წლების მანძილზე მიღებული პრაქტიკაა. პროგრამა „აწარმოე საქართველოში“ (მისი ერთ-ერთი წარმატებული კომპონენტი) აწყობილია ამ პრინციპზე და 1 მილიონი ლარის ინვესტიციის დროსაც კი გადავცემთ კერძო კომპანიას საჭირო მიწას, ოღონდაც განავითაროს ადგილობრივი წარმოება და დაასაქმოს ადამიანები. მით უფრო ეს გამართლებულია, როდესაც საუბარია 830 მილიონი დოლარის ინვესტიციაზე და 2000 კაცის დასაქმებაზე“,- აღნიშნა ეკონომიკის მინისტრმა.

ნათია თურნავას თქმით, „ნამახვან ჰესი“ გამოიმუშავებს 1.5 მლრდ კვ/სთ-ს, რაც ნიშნავს დღევანდელი იმპორტის ტოლფასს მოცულობას. როგორც მინისტრმა ხაზგასმით აღნიშნა, ეს არის 833 მლნ დოლარის უცხოური ინვესტიცია საქართველოს პოსტკოვიდურ ეკონომიკაში და 2000-მდე დასაქმებული ადამიანი.

 ხარაგაულში მოძველებული ინფრასტრუქტურის გამო, მოსახლეობას წყალი დღეში 5 საათის განმავლობაში მიეწოდება.