დღეს ქუთაისში ახალი ავტობუსების პრეზენტაცია გაიმართა.ქალაქმა კიდევ 24 ახალი,თანმედროვე სტანდარტის ლურჯი ავტობუსი მიიღო.ტრანსპორტი ქუთაისის მერმა დაათვალიერა.8 თებერვლიდან ქალაქში ჯამში 60 ავტობუსი იმოძრავებს.
" ათწლეულებია ქუთაისში მუნიციპალური ტრანსპორტი არ ყოფილა. ქალაქის სატრანსპორტო კომპანიას 60 ახალი, თანამედროვე ავტობუსი ჰყავს, რომლებიც იმუშავებენ როგორც ძველ სვლა-გეზებზე, ასევე მოსახლეობის მოთხოვნების მიხედვით შერჩეულ ახალ მარშრუტებზეც.
EVRO 5 –ის ტიპის ავტობუსების შეძენა ჩვენი მუნიციპალიტეტისთვის საქალაქო ტრანსპორტის განვითარების პროგრამის ფარგლებში, ევროპის რეკონსტრუქციისა და განვითარების ბანკის (EBRD) ფინანსური მხარდაჭერით განხორციელდა.
ეს მართლაც უმნიშვნელოვანესი, მოვლენაა ქუთაისის სინამდვილეში და ამ ფონზე, გარკვეული ძალები ცდილობენ ეს სიახლე და მართლაც ძალიან კარგი ამბავი საზოგადოებას ნეგატიური ასპექტით მიაწოდონ. თუმცა, რეალობას ვერავინ გაექცევა და ჩვენი მოსახლეობა თავად დარწმუნდება, რომ ქალაქის საზოგადოებრივი ტრანსპორტი მკვეთრად წინ გადადგმული ნაბიჯია ამ მიმართულებით. "- განაცხადა იოსებ ხახალეიშვილმა.
ავტობუსებში სრულად იქნება დაცული ჯანდაცვის სამინისტროს მიერ განსაზღვრული რეკომენდაციები: მძღოლი და მგზავრები აუცილებლად უნდა იყვნენ პირბადით, აკრძალული იქნება მგზავრის ფეხზე დგომა, ყოველი სამუშაო დღის ბოლოს ავტობუსებს ჩაუტარდებათ დეზინფექცია. მონიტორინგის სამსახური მუდმივად შეამოწმებს, თუ როგორ სრულდება რეკომენდაციები.
დაგეგმილი იყო , რომ ავტობუსებს ემოძრავათ დილის 8 საათიდან საღამოს 22 საათამდე, თუმცა, პანდემიის გამო არსებული შეზღუდვების თანახმად, ამ ეტაპზე, დილის 8 საათიდან საღამოს 20 საათამდე იმუშავებენ. თუმცა, როცა შეზღუდვები მოიხსნება, შესაბამისად შეიცვლება საქალაქო ტრანსპორტის მუშაობის გრაფიკიც.
ავტობუსებში მალე დაინერგება ელექტრონული გადახდის სისტემა, რაც გაცილებით მოსახერხებელია, ვიდრე ხელზე თანხის გადახდა. ბილეთის შეძენა ყველა გადახდის აპარატში იქნება შესაძლებელი. არსებული შეღავათები შეუნარჩუნდებათ სოციალურად დაუცველ მოქალაქეებს და ისინი იმავე პირობებით ისარგებლებენ, რაც აქამდე ჰქონდათ.
სახელმწიფო რწმუნებულმა იმერეთში ოფიციალურ სტუმრებს საკუთარ სახლში უმასპინძლა. მისი თქმით, ეს იყო ოფიციალური დელეგაცია, რომელსაც ე.წ. დილივერის სერვისით გაუმასპინძლდა. საქმე ეხება დახარჯულ 1 200 ლარს.ზვიად სალამბერიძე არ აკონკრეტებს, რომელი დელეგაცია მიიღო,ან რაზე ისაუბრეს და რა გადაწყვეტილება იქნა მიღებული.
,,ამაში უცნაური არაფერია, ჩვეულებრივ ,,დილივერის,, სერვისით ვსარგებლობთ, რა დაინახეთ ამაშ უცნაური?სად მივიტანეთ? თუნდაც ჩემს სახლში პირადად,, -განაცხადა ფაქტის კომენტირებისას ზვიად შალამბერიძემ.
