ბაღდათის მუნიციპალიტეტი მიმდინარე წელს საგზაო ინფრასტრუქტურული პროექტებისთვის, რეგიონებში განსახორციელებელი პროექტების ფონდიდან დამატებით 2,100,000.00 ლარს მიიღებს, რომლითაც მუნიციპალიტეტში კიდევ 9 ახალი საგზაო ინფრასტრუქტურულ პროექტი შესრულდება.
2021 წელს ბაღდათის მუნიციპალიტეტში მიმდინარე პროექტებთან ერთდ, ქალაქ ბაღდათში კოსტავას, თამარ მეფის, ფოცხვერაშვილის, 9 აპრილის ქუჩების, ასევე აღმაშენებლის 1 შესახვევის სრული რეაბილიტაცია განხორციელდება.
სოფელ დიმში თავხელიძეების და მინაძეების საუბნო გზაზე რკინა/ბეტონის საფარი მოეწყობა. სოფელ დიდველაში ე.წ ზივზივაძე-შველიძეების უბნის გზის რეაბილიტაცია მოხდება. სოფელ ფერსათში ე.წ თავხელიძეების ბოგირიდან პირველი საჯარო სკოლისკენ მიმავალი გზა განახლდება. სოფელ ფერსათში კი ბუიძე-კვირიკაშვილების გზის რეაბილიტაცია მოხდება.
აღნიშნული პროექტების ტენდერები უკვე გამოცხადებულია, რომლის დასრულებისთანავე დაიწყება სამუშაოები.
გარემოს დაცვის საერთაშორისო დღე ყოველწლიურად აღინიშნება. საფუძველი ჩაეყარა 1972 წლის 15 დეკემბრს სტოკჰოლმში გამართულ კონფერენციაზე, გაერთიანებული ერების ორგანიზაციის ინიციატივით, რომელიც მიეძღვნა ადამიანის საარსებო გარემოს პრობლემების განხილვას.
1974 წლის 5 ივნისიდან კი მსოფლიოს 143-ზე მეტ ქვეყანაში ეს დღე სხვადასხვა გარემოსდაცვითი ღონისძიებებით აღინიშნება, რომელიც მსოფლიოს მოსახლეობას კიდევ ერთხელ ახსენებს, რომ გარემოზე ზრუნვა ყველა ჩვენთაგანის ვალია!
თანამედროვე ცივილიზაციისათვის გარემო ერთ-ერთ უმნიშვნელოვანეს ფაქტორს წარმოადგენს, რომელიც უშუალოდ ზემოქმედებს საზოგადოების ჯანმრთელობაზე, განაპირობებს მოსახლეობის ავადობის დონის ზრდას, ორგანიზმის ლატენტურ დაზიანებას და 21-ე საუკუნის დღის წესრიგში რჩება აქტუალურ პრობლემად გლობალურ დონეზე.
2021 წლის მოწოდება ასეთია „ეკოსისტემის აღდგენა (Ecosystem Restoration)“.
გარემოს დაცვის დღის აღნიშვნა მიზნად ისახავს ადამიანთა პასუხისმგებლობის გაცნობიერებას ბუნების მიმართ, გარემოს მდგრადი განვითარებისათვის ხელშეწყობას და გარემოს შენარჩუნებისა და გაუმჯობესებისათვის ბრძოლაში საზოგადოების აქტიურ ჩართვას.
