დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ბესარიონ სიმონიშვილი, ქუთაისის მაჟორიტარ დეპუტატ ზაზა ლომინაძესთან ერთად, ქუთაისში, გუგუნავას ქუჩაზე მცხოვრებ დევნილ ოჯახებს შეხვდა.
ბესარიონ სიმონიშვილის განცხადებით, მთავრობის დადგენილების შესაბამისად, დევნილთა სააგენტო მძიმე პირობებში მცხოვრებ იძულებით გადაადგილებულ ოჯახებს საცხოვრებლით უზრუნველყოფს.
ქუთაისში, შერვაშიძის ქუჩაზე დევნილი ოჯახების განსახლების მიზნით, 5 კორპუსი შენდება. ახალაშენებულ კორპუსებში ბინა 800 იძულებით გადაადგილებულ ოჯახს გადაეცემა.
ასსაფეხურიანი კიბის რეაბილიტაციის დაპირება ქუთაისის მერიამ ჯერ კიდევ 2018 წელს გასცა.
მერიამ საპროექტო-სახარჯთაღრიცხვო დოკუმენტის შესადგენად ტენდერი 3-ჯერ, ხოლო კიბის სარეაბილიტაციოდ ტენდერი 2-ჯერ გამოაცხადა.
კიბეს ჯერაც არ ჩატარებია რეაბილიტაცია მაშინ, როცა ბოლო ტენდერი მერიამ 2021 წელს, წინასაარჩევნოდ გამოაცხადა.
საარჩევნო დაპირების შეუსრულებლობის მიუხედავად, ქუთაისის მერია წლიდან წლამდე გამოყოფილ ბიუჯეტს ვერ ითვისებს.
2020 წელს მერიას ინფრასტრუქტურის განვითარებაში 20 მილიონ ლარამდე უნდა დაეხარჯა, თუმცა მხოლოდ 16 მილიონის დახარჯვა მოახერხა.
2021 წლის პირველ ნახევარში კი გამოყოფილი 11 მილიონის ნაცვლად მხოლოდ 8.5 მილიონის ათვისება შეძლო.
ინფორმაციას "ფლანგვის დეტექტორი"ავრცელებს.
ფოტო აღებულია "ფლანგვის დეტექტორის"ფეისბუქ გვერდიდან.
