ნამახვანჰესის მშენებლობის მოწინააღმდეგეები განცხადებას ავრცელებენ.

,,23 მაისის თბილისის აქციის მოახლოებასთან ერთად, გაიზარდა საინფორმაციო შეტევა,, რიონის ხეობის მცველების,, მოძრაობის წინააღმდეგ. ეს განსაკუთრებით იგრძნობა სოციალურ ქსელებში. ორგანიზებულად შექმნილ ათობით ფეისბუქ-გვერდზე დარეკლამებულია ე.წ. ფეიქ-ნიუსები (ყალბი ინფორმაცია), რომლებიც მიზანმიმართულად ცრუ და დამაზიანებელ ინფორმაციას ავრცელებენ ჩვენს წინააღმდეგ. მეტიც, აღნიშნული გვერდები, ხშირად სპეციალურად იყენებენ ჩვენი გვერდის მსგავს დასახელებას, ან ყალბ ინფორმაციას ეროვნულ იდეებს ამოფარებული სახელწოდებებით აჟღერებენ.

ქუთაისის სატრანსპორტო კომპანიის ხელმძღვანელი ამბობს, რომ ავტობუსებს დეზინფექცია უტარდება და ხვალ დილიდან მგზავრებს ჩვეული გრაფიკით მოემსახურებიან.

,,გაფრთხილებულია ყველა თანამშრომელი, ყველა ავტობუსი იქნება მზად, გარეცხილი და ჰიგიენა დაცული.ავტობუსებს დეზინფექცია ყოველ საღამოს უკეთდება.ყოველი კვირის ბოლოს იტესტებიან მძღოლები.ახლაც ასე გაგრძელდება.ყველა საავტომობილო ხაზი ჩვეულ რეჟიმში იმუშავებს.გვყავს 60 ავტობუსი 11 ხაზზე.ყველა უბანში, სადაც შეიძლება ავტობუსით გადაადგილება, ვემსახურებით ჩვენს თანაქალაქელებს.

რაც შეეხება საბარატე სისტემას, ყველა ავტობუსში დამონტაჟებულია სპეციალური მოწყობილობა, დარჩენილია მხოლოდ პროგრამული უზრუნველყოფა და 17 ივნისიდან შევა ძალაში.,,-აცხადებს გიორგი გიორგობიანი.

13 მაისიდან მუშაობას ჩვეულ რეჟიმში განაახლებენ სასწავლო და სააღმზრდელო დაწესებულებები, ასევე ნებადართული იქნება მუნიციპალური ტრანსპორტის მოძრაობა, - აღნიშნული გადაწყვეტილება უწყებათაშორისი საკოორდინაციო საბჭოს სხდომაზე მიიღეს, რომელიც  დღეს მთავრობის ადმინისტრაციაში გაიმართა.

საბჭომ დღევანდელ სხდომაზე განიხილა იმუნიზაციის პროცესის მაქსიმალური ინტენსიფიკაციის გზები. ამ მიზნით, გაიზრდება ამცრელი კაბინეტებისა და, შესაბამისად, ამცრელი ბრიგადების რაოდენობა.

როგორც ცნობილია, იმ ადამიანებისთვის, რომლებსაც ვაქცინაციაზე ელექტრონულად დარეგისტრირების შესაძლებლობა არ აქვთ, მოქმედებს ცხელი ხაზი - 15 22, რომელიც მსურველებს აძლევს საშუალებას, კოვიდ-19-ის საწინააღმდეგო აცრის ჩასატარებლად, ტელეფონით დარეგისტრირდნენ. აღნიშნულ ცხელ ხაზზე მოქალაქეებს ასევე გადაამისამართებენ - საზოგადოებრივი უსაფრთხოების მართვის ცენტრი - 112 და ერთიანი სამთავრობო ცხელი ხაზი - 144.

ამ ეტაპზე, ძალაში რჩება ღამის საათებში 21:00-05:00 საათამდე გადაადგილებაზე დაწესებული შეზღუდვა. საბჭო მუდმივ რეჟიმში აკვირდება არსებულ ეპიდემიოლოგიურ ტენდენციებს და ეპიდემიოლოგიური ვითარების შესაბამისად, განხილული იქნება არსებული რეგულაციების შემსუბუქების შესაძლებლობა.

ჭიათურის მერი ვერ ადასტურებს, ნამდვილად ამოიკერა თუ არა პირი ,,ჯორჯიან მანგანეზის,, საქმიანობით დაზარალებულმა სამმა ადამიანმა.

გივი მოდებაზე აცხადებს, რომ, მასთან კარვის გაშლის მოთხოვნით კომუნიკაცია დაახლოებით 4-5 დღის წინ შედგა.

,,ადვოკატის მეშვეობით იყვნენ მოსულები, უნდოდათ კარვის გაშლა, ჩვენ ვუთხარით, რომ წერილობით მოემართათ ,რა უნდოდათ უფრო ზუსტად, თუმცა ამ დრომდე არავინ მოსულა. ,,-აცხადებს გივი მოდებაძე.

როგორც ჭიათურის მერი ამბობს,  კომპანიამ დაზარალებულებს კონკრეტული ფინანსური შეთავაზება გაუკეთა, რასაც ისინი არ დათანხმდნენ. გივი მოდებაძე თანხის რაოდენობას ვერ ასახელებს.

,,ჩემი ინფორმაციით, ამ ადამიანებისთვის არის კონკრეტული შეთავაზება, ფინანსურად ზუსტად არ ვიცი თანხა, მაგრამ ეს ადამიანები ამბობენ, რომ უფრო მეტი ეკუთვნით.

მე თავიდანვე შევთავაზე ორი ვარიანტი-სასამართლოში წასვლა და დავა, ან მეორე -ალტერნატიული ექსპერტიზა. ამ დრომდე არაფერი არ აქვთ გაკეთებული.,, -ამბობს ჭიათურის მერი.

დღეს დილით გავრცელდა ინფორმაცია, რომ ,,ჯორჯიან მანგანეზის,, მიერ მარგანეცის მოპოვების შედეგად დაზარალებულმა რამდენიმე ადამიანმა პროტესტის ნიშნად პირი ამოიკერა.

წუხანდელმა ძლიერმა ქარმა სამტრდიის მუნიციპალიტეტის სოფელი წიაღუბანი დააზარალა.სოფელში ორ სახლს სახურავი გადახადა. ასევე ქარმა ხეები წააქცია.

,,მივაღწიეთ იმას, რომ კაშხალი უახლოესი 12 თვის განმავლობაში არ აშენდება,, - ამის შესახებ ეკონომიკისა და მდგრადი განვითარების მინისტრმამთავრობის სხდომის დასრულებისას განაცხადა.

ნათია თურნავას  თქმით, რიონის ხეობაში მთავრობის წევრების ჩასვლა ამ ეტაპზე არ იგეგმება, თუმცა, მოლაპარაკებებისთვის „კარი ყოველთვის ღიაა“.

„ჩვენი გეგმა გაჟღერებულია. ჩვენ მივაღწიეთ იმას, რომ კაშხალი არ აშენდება უახლოესი 12 თვის განმავლობაში, ანუ, პრაქტიკულად მორატორიუმია გამოცხადებული კაშხლის მშენებლობაზე.

კვლევები გაგრძელდება, უფრო მეტიც, ევროკავშირის ენერგეტიკული გაერთიანების დავების საბჭოს თავმჯდომარე პირადად ჩაერთო სახელმწიფოს მოწვევით მედიაციის პროცესში.

ეს მედიაციის პროცესი იქნება არასამთავრობო სექტორსა და სამთავრობო სტრუქტურებს შორის, კონკრეტულად რამდენად სწორად იყო პროცესი წარმართული, იგივე გარემოზე ზემოქმედების შეფასება, როგორ წარიმართება სამომავლო კვლევები. ეს გააჩენს ნდობას პროექტის მიმართ.

ჩვენ, რა თქმა უნდა, ვმოქმედებთ კანონმდებლობის და გაცხადებული პრიორიტეტების ფარგლებში“, - აცხადებს თურნავა.