მსუბუქი ავტომანქანების მძღოლებმა და ავტოკლუბების წარმომადგენლებმა დღეს მორიგი აქცია გამართეს.მათი მოთხოვნა უცვლელია:შემცირდეს ბენზინის ღირებულება.როგორც აქციის მონაწილეები ამბობენ,ერთი კვირის წინ გამართულმა გამაფრთხილებელმა აქციამ შედეგი არ გამოიღო და ფასი საწვავზე მოკლების მაგივრად გაიზარდა. მძღოლები პერმანენტული აქციების გამართვას არ გამორიცხავენ.

შეგახაენებთ,მსგავსი მოთხოვნით საპროტესტო შეკრება 21 თებერვალს უკვე  გაიმართა.

წყალტუბოს მუნიციპალიტეტის  სოფელ დერჩში მცხოვრებ ლაშა მიქაუტაძის მიმართ  სისხლის სამართლის საქმეა აღძრული. გამოძიება  ორი მუხლით მიმდინარეობს.4  შვილის მამას სხვისი ნივთის დაზიანებასა და ძალადობას ედავებიან.37 წლის მიქაუტაძე ერთ-ერთია იმ აქტივისტებს შორის,რომლებიც რიონის ხეობაში კომპანია"ენკას" მიერ ნამოხვანჰესის მშენებლობას აპროტესტებენ.

პროტესტი 124-ე დღეა გრძელდება."რიონის ხეობის მცველები"ცდილობენ,თურქულ კომპანიას ჰესის აშენების უფლება არ მისცენ.მათ შორის არის ლაშა მიქაუტაძე, რომელსაც კომპანია "ენკას"კუთვნილი ტრაქტორის დაზიანებას ედავებიან.
შემთხვევა 23 თებერვალს მოხდა.ლაშა მიქაუტაძე პოლიციამ შემთხვევის ადგილიდან წაიყვანა. ის საპატიმროში გადაყვანეს.,,აქტორის,, ინფორმაციით,ოჯახმა გირაო გადაიხადა და მიქაუტაძე ციხეს უახლოეს საათებში დატოვებს.

დღეს არასამათავრობო ორგანიზაცია ,,ევროპა ჩვენი სახლიას,, წარმომადგენლებმა ქუჩაში სტიკერები გააკრეს წარწერით "რუსეთი მტერია!" "ოკუპაცია გრძელდება!"

როგორც ორგანიზაციის ერთ-ერთი დამფუძნებელი თორნიკე ბარათაშვილი ამბობს, მერიის მიმდებარე კიბეებთან სტიკერის გაკვირისას მათთვის ხელის შეშლა საპატრულო პოლიციის თანამშრომლებმა სცადეს.ადგილზე მისული იყო მერიის ადმინისტრაციული სამსახური, რომელსაც ორანიზაციამ სასამართლო დავა სტიკერების გაკვრასთან დაკავშირებით ორჯერ მოუგო.

საბოლოოდ ,,ევროპა ჩვენი სახლიას,, წარმომადგენლებმა სტიკეტების გაკვრა შეძლეს. აღნიშნულ აქტივობას ორგანიზაციის წევრები პერმანენტულად ატარებენ.

შინდისის გმირების ქუჩა ქუთაისში, მოსკოვის ქუჩის ნაცვლად. 25 თებერვალს, საბჭოთა ოკუპაციის დღეს, სიმბოლურად, მანიშნებელი აბრა განთავსდა ქუჩის დასაწყისში. ერთ-ერთ სახლზე აბრა შინდისის ბრძოლის მონაწილე ტრისტან ჩიტიძემ თავად განათავსა.

26-27 თებერვალს საქართველოში მოსალოდნელია უმეტესად უნალექო ამინდი. ჰაერის ტემპერატურა დღის საათებში საქართველოს დაბლობსა და ბარში +8, +13 გრადუსამდე მოიმატებს. აღმოსავლეთ საქართველოში ღამის საათებში შენარჩუნდება ყინვა.

ოკუპაციის დღესთან დაკავშირებით, იმერეთში სახელმწიფო რწმუნებულმა ზვიად შალამბერიძემ, ზესტაფონის თვითმმართველობის წარმომადგენლებთან და მაჟორიტარ დეპუტატთან ერთად, დაბა შორაპანში საქართველოს ერთიანობისთვის დაღუპულ გმირთა მემორიალი გვირგვინით შეამკო და მათ ხსოვნას პატივი მიაგო.

,, 25 თებერვალი მძიმე და მნიშვნელოვანი დღეა საქართველოსთვის. მძიმე, რადგან 100 წლი წინ, 25 თებერვალს საქართველოს ეროვნული საბჭოს მიერ დამოუკიდებლობის გამოცხადებიდან სამ წელიწადში, საბჭოთა რუსეთის ხელმძღვანელობამ ძალის გამოყენებით საქართველოს დაპყრობის გადაწყვეტილება სისრულეში მოიყვანა. წითელი არმიის წინააღმდეგ გმირულ ბრძოლას იუნკერების დიდი ნაწილის სიცოცხლე ემსხვერპლა, რომლებმაც წარმოუდგენელი წინააღმდეგობა გაუწიეს მტერს, თუმცა მოკავშირეების გარეშე, ბედის ანაბარად მიტოვებული ქვეყანა დამარცხდა რუსეთის არმიასთან და საქართველოში საბჭოთა ხელისუფლება გამოაცხადა. ეს დღე მნიშვნელოვანია თითოეულისთვის, რადგან ყოველთვის გვახსოვდეს საბჭოთა რუსეთის ვერაგი ქმედებები, მისი დაუცხრომელი სურვილი საქართველოში და საქართველოზე გაბატონების შესახებ და ჩვენი, ქართველების ვალი, რომ ერთიანობა, ერთმანეთის გვერდში დგომა, სამშობლოს სიყვარული და ერთგული მოკავშირეების ყოლა ის აუცილებლობაა, რაც ქვეყნის გადარჩენისა და წინსვლისთვის აუცილებელია. პატივს მივაგებ 100 წლის წინ სამშობლოსთვის დაღუპულთა ხსოვნას, მათ არასოდეს მიუტოვებიათ სამშობლო და ამ სამშობლოს ვალია, გმირი იუნკერების ხსოვნისთვის საქართველო იყოს ყოველთვის დამოუკიდებელი, თავისუფალი და ღირსეულად წელში გამართული“ - ზვიად შალამბერიძე.

საბჭოთა ოკუპაციის დღესთან დაკავშირებით, როგორც მთელი ქვეყნის მასშტაბით, დროშები დაშვებულია იმერეთში ყველა ადმინისტრაციულ შენობაზე.