ქუთაისის მონაწილეობითი ბიუჯეტირების პროექტების კონკურსი 3 ეტაპად გაიმართა და საბოლოოდ, კენჭისყრის შედეგების მიხედვით, გამოვლინდა 4 გამარჯვებული იდეა:
1. საფეხმავლო და ველო ბილიკები - თამაზ ბაბუნაშვილი;
2. საბავშვო მინი- პარკი - ეკატერინე საკანდელიძე;
3. მულტიფუნქციური სველი წერტილები - თამთა გირგვლიანი;
4. საზაფხულო კინოთეატრი - ლევან ბიბილეიშვილი .
უნდა აღინიშნოს ისიც, რომ მულტიფუნქციური სველი წერტილების პროექტი უკვე მოწონებული იყო ქალაქის საკრებულოს მიერ და ჩასმულია საპილოტე რეგიონების განვითარების პროგრამაში, რაც იმაზე მიუთითებს, რომ მოქალაქეების და ადგილობრივი თვითმმართველობის ინტერესები თანხვედრილია და კონკრეტულ დოკუმენტებშია ასახული.
მონაწილეობითი ბიუჯეტირება 2022“-ის გამარჯვებულებს ქუთაისის მერი შეხვდა.
„ჩვენთვის ძალიან მნიშვნელოვანია ჩვენი თანაქალაქელების ჩართულობა ბიუჯეტის ფორმირების პროცესში და ამ კუთხითაა საინტერესო მონაწილეობითი ბიუჯეტირების პროექტი. დღეს შევხვდით კონკურსში „შენი იდეა შენი ქალაქისთვის“ გამარჯვებული 4 იდეის ავტორებს. საინტერესო პროექტებია. მათი განხორციელება 2022 წელს მოხდება და დარწმუნებული ვარ , ოთხივე მათგანი დაიმსახურებს ჩვენი თანაქალაქელების მოწონებას.“- განაცხადა იოსებ ხახალეიშვილმა.
პროექტი „ქუთაისის მონაწილეობითი ბიუჯეტირება“ USAID-ის დემოკრატიული მმართველობის ინიციატივის (GGI ) მხარდაჭერით ხორციელდება.
გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა ხე-ტყის უკანონო ტრანსპორტირების 4 ფაქტი გამოავლინეს.
ზესტაფონის მუნიციპალიტეტის სოფელ მწყერისციხის მიმდებარე ტერიტორიაზე შეჩერებული მანქანის ძარაზე, მოქალაქეს განთავსებული ჰქონდა 1 კუბური მეტრი მურყნის (თხმელა) სახეობის დახერხილი ხე-მასალა. გადამოწმებისას გაირკვა, რომ აღნიშნულ ავტომანქანაზე გააქტიურებული არ იყო ელექტრონული ზედნადები.
საჩხერის მუნიციპალიტეტის ტერიტორიაზე, მოქალაქემ 1 კუბური მეტრი რცხილის სახეობის საშეშე მერქნის ტრანსპორტირება, შესაბამისი დოკუმენტაციის გარეშე მოახდინა.
ჭიათურის მუნიციპლიტეტში, მოქალაქემ 0,5 კუბური მეტრი რცხილის სახეობის საშეშე მერქნისა და მუხის სახეობის 6 ერთეული მგვარი მორის უკანონო ტრანსპორტირება მოახდინა.
ხონის მუნიციპალიტეტის სოფელ ღვედის ტერიტორიაზე, მოქალაქე, სატვირთო ავტომანქანით, 10 კუბური მეტრი წიწვოვანი სახეობის ხე-მასალის უკანონო ტრანსპორტირებას ახდენდა.
სატრანსპორტო საშუალებები დაილუქა. სამართალდამრღვევების მიმართ შედგა ადმინისტრაციული სამართალდარღვევების შესახებ შესაბამისი ოქმები.
