წყალტუბოს მუნიციპალიტეტის სოფელ მაღლაკში მგელმა სამი ადამიანი დაკბინა. შემთხვევა გუშინ მოხდა. არსებული ინფორმაციით, მგელი ფერმის ტერიტორიაზე შეიჭრა და ადგილზე მყოფებს თავს დაესხა.  დაშავებულები ქუთაისის რეფერალურ ჰოსპიტალში არიან გადაყვანილი. როგორც კლინიკის ექიმი ზურაბ წულაია აცხადებს, პაციენტებს დაზიანებები სახის არესა და ზედა კიდურებზე აქვთ. მათ ჩაუტარდათ ქირურგიული დამუშავება. გაუკეთდათ ანტიტეტანური და ანტირაბიული იმუნიზაცია. მდგომარეობა დამაკმაყოფილებელია. დაშავებულთაგან ერთი ქალი და ორი მამაკაცია.

დღეს, 30 დეკემბერს, ქუთაისში, პრემიერ- მინისტრის ინიციატივის ფარგლებში, მთელი დღის მანძილზე  საახალწლო ღონისძიებები გაიმართება. 

წითელი ჯვარის ორგანიზაციამ ურთიერთ თანამშრომლობის ფარგლებში ბაღდათის მუნიციპალიტეტის მერიას საახალწლოდ საკვები პროდუქტები გადასცა.

30 და 31 დეკემბერს, დღის მანძილზე  , ქუთაისში, ცენტრალურ  ბულვარსა და დავით აღმაშენებლის  მოედანზე  დაგეგმილია საახალწლო  ღონისძიებები.

ბაღდათის მუნიციპალიტეტის უფასო სასადილოს ბენეფიციარებს საახალწლოდ, ბაღდათის მუნიციპალიტეტის მერიამ ტკბილეული და საკვები პროდუქტები გადასცა.

ვაქსაკოორდინაციო საბჭოს დღევანდელი გადაწყვეტილებით, ვაქცინაციის წახალისების 200-ლარიანი კამპანია იანვარშიც გაგრძელება.

როგორც უწყებათაშორის საკოორდინაციო საბჭოსთან არსებული ოპერაციული შტაბის უფროსმა გიორგი ღიბრაძემ განაცხადა, ასაკობრივი ზღვარი დაიწევს და 60 წლის ნაცვლად, აცრის შემთხვევაში, 200 ლარს 50 წლიდან მოქალაქეები მიიღებენ.

„გადაწყვეტილების შესაბამისად, იანვრის თვეში გაგრძელდება წახალისების პროგრამა, რომელიც 200 ლარიან წახალისებას გულისხმობდა 60 წელს ზემოთ ასაკის პირებისთვის. ასევე კიდევ ერთი სიახლეა, ასაკობრივი ზღვარი დაიწევს 50 წლამდე და თუ 60 წელს ზემოთ ასაკის ადამიანი იღებდა დახმარებას, იანვრის თვიდან უკვე მიიღებს 50 წელს ზემოთ, ვინც აიცრება. ეს იყო გადაწვეოილება, რომელიც დღეს საკოორდინაციო საბჭომ მიიღო. ბიუჯეტიდან გამოყოფილია იმდენი თანხა, რაც საკმარისი იქნება იმისთვის, რომ 50 წელს ზემოთ ყველა ადამიანს, რომელიც აიცრება, მივცეთ 200- ლარიანი წახალისება. ჯერჯერობით, ეს ღონისძიება იანვრის თვისთვის გაგრძელდა, შემდგომ ვნახოთ“, - განაცხადა ღიბრაძემ.