ხევის, მოლითის, ხუნევის და ლეღვნის ადმინისტრაციული ერთეული ძლიერმა წვიმამ და სეტყვამ დააზარალა.

ბავშვთა საერთაშორისო დღე ერთი ყველაზე უძველესი საერთაშორისო დღესასწაულია. იგი დაარსებულია ბავშვთა კეთილდღეობისადმი მიძღვნილ 1925 წლის ჟენევის მსოფლიო კონფერენციაზე.

 1-ელი ივნისს მსოფლიოს მრავალ ქვეყანაში ყოველწლიურად 1950 წლიდან აღინიშნება . 

1 ივნისს სხვადასხვა ქვეყანაში, მათ შორის საქართველოში, ბავშვებისთვის გასართობი და კულტურული ღონისძიებები ეწყობა.

გარემოს ეროვნული სააგენტო მოსალოდნელი ამინდის შესახებ ინფორმაციას ავრცელებს.

1 ივნისს დღის ბოლოდან 3 ივნისის დილამდე საქართველოში მოსალოდნელია დროგამოშვებით წვიმა ელჭექით (აღმოსავლეთ საქართველოში და დასავლეთ საქართველოს მთიან რეგიონებში ზოგან ძლიერი), შესაძლებელია სეტყვა და ქარის გაძლიერება.

მოსალოდნელმა ძლიერმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო ქვეყნის მთიან ზონებში მეწყრული პროცესების ჩასახვა - გააქტიურება გამოიწვიოს.

ხვალ,1 ივნისს ქუთაისში რამდენიმე ღონისძიება იგეგმება.პირველიდან 4 ივნისის ჩათვლით გაბაშვილის სახელობის პარკში ატრაქციონები უფასო იქნება.ღონისძიებას  ადგილობრივი თვითმმართველობა  აფინანსებს.

ხვალ ცენტრალურ ბულვარში რამდენიმე თონისძიება გაიმართება,მათ შორის სპექტაკლები,კონცერტი,წარმოდგენები.

წითელი ხიდის გარე განათების რეაბილიტაცია გრძელდება .ხიდის ქვედა ფერმაზე დაზიანებული თეთრი 20 ვატიანი სანათები შეიცვალა .

რაც შეეხება ხიდის მოაჯირებზე არსებულ დაზიანებულ ნეონურ ნათურებს , როგორც ააიპ ,,ქუთგანათების სერვისის “უფროსი მალხაზ ბასილაძე აცხადებს, მათი შეცვლა ტენდერის დასრულებისა და მასალების მიწოდების შემდეგ მოხდება.

შინაგან საქმეთა მინისტრის  განცხადებით, რიონის ხეობაში ,თუ საჭირო გახდება ,სიტუაციის განსამუხტად სპეცრაზმი გაზს და წყლის ჭავლსაც გამოიყენებს. 

ჟურნალისტების კითხვაზე ,რატომ არ ეძლევა ადგილობრივ მოსახლეობას გადაადგილების და საკუთარ სახლებში მისვლის უფლება, მინისტრი პასუხობს, რომ ეს მათი უსაფრთხოებიდან გამომდინარე ხდება, რადგან მისივე განმარტებით, მოსახლეობა „შესაძლოა დაშავდეს“.

,,რაც შეეხება „ნამახვანჰესს“, უკვე რამდენიმე თვეა ადგილზე დგანან პოლიციელები და მაქსიმალურად ცდილობენ, რომ არ მოხდეს შეხლა-შემოხლა. გუშინ ხელი დაარტყეს პოლიციელს, რაც ძალიან ცუდია და ასეთი რამ არ უნდა ხდებოდეს. ეს ამ დრომდე ნამდვილად არ მომხდარა, იცავდნენ აქციის მონაწილეები დისტანციას და იყვნენ ძალიან წყნარად. გუშინ რატომღაც აგრესია გამოხატეს. რკინის ჯებირები დაგვჭირდება თუ დაბალი ჯებირი, იქედან გამომდინარე, რომ არ მოხდეს დაპირისპირება [ყველაფერს გამოვიყენებთ].

იცით, რომ ტექნიკა დაუწვეს ერთხელ [კომპანიას], მოხდა შეხლა-შემოხლა, მუშებთან და „ენკას“ ფირმის ადგილობრივ ხელმძღვანელობასთან. რომ შევუშვათ, მოხდება კიდევ უფრო მეტი დაძაბულობა და შეიძლება დაშავდნენ კიდეც მოქალქეები.

სპეცრაზმიც განმუხტავს სიტუაციას და ჯერჯერობით პოლიციელებიც მუხტავენ. სპეცდანიშნულების რაზმს რაც აქვს აღჭურვილობა, მათ შორის, იქნება ეს გაზი, წყლის ჭავლი თუ სხვა, თუ პოლიციაზე ძალადობა იქნება, მათ კანონიერი უფლება აქვთ ყველაფერი გამოიყენონ“, - განაცხადა გომელაურმა.