შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის ტყიბულის რაიონული სამმართველოს თანამშრომლებმა, თბილისის პოლიციის დეპარტამენტის გლდანი-ნაძალადევის მთავარ სამმართველოსთან ერთად ჩატარებული ოპერატიულ-სამძებრო და საგამოძიებო მოქმედებების შედეგად, 1970 წელს დაბადებული, წარსულში ნასამართლევი კ.რ. მოსამართლის განჩინების საფუძველზე დააკავეს. მას ბრალად დამამძიმებელ გარემოებაში ჩადენილი განზრახ მკვლელობის მცდელობა ედება.

მსჯავრდებულები, რომელთა სასჯელიც საზოგადოებისთვის სასარგებლო შრომაა, ქუთაისში გრიშაშვილის ქუჩაზე მდებარე სკვერის მოვლა-დასუფთავებაზე იზრუნებენ. ურთიერთთანამშრომლობის დოკუმენტს დღეს ხელი იუსტიციის მინისტრმა და ქალაქ ქუთაისის მერმა იოსებ ხახალეიშვილმა მოაწერეს. ურთიერთთანამშრომლობის მიზანი საქართველოს იუსტიციის სამინისტროს სსიპ „დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს“ ბენეფიციარების რესოციალიზაციისა და რეაბილიტაციის ხელშეწყობაა.

აუტისტური სპექტრის მქონე ბავშვთა რეაბილიტაციის პროგრამა 42 ათასი ლარით გაიზრდება და 1 სექტემბრიდან სერვისს ყველა ის ბენეფიციარი მიიღებს, რომელსაც შესაბამისი დოკუმენტაცია   აქვს წარდგენილი და მომლოდინეთა სიაში ირიცხება.საკითხს დასამტკიცებლად საკრებულოს სხდომაზე გაიტანენ.

ამის შესახებ დღეს   საკრებულოს ჯანდაცვისა და სოციალურ საკითხთა კომისიის სხდომაზე   დღის ცენტრების ხელმძღვანელებსა და მშობლებთან ერთად იმსჯელეს .

დღეისათვის ქალაქის მასშტაბით აუტიზმის სპექტრის მქონე 180 ბავშვს 3 ცენტრი ემსახურება და მათი რეაბილიტაცია 741 ათასი ლარით ადგილობრივი ბიუჯეტიდან ფინანსდება.

დღეს იუსტიციის მინისტრს ქუთაისის მერიის თეთრ დარბაზში ხელი მემორანდუმისთვის უნდა მოეწერა. მედიის წარმომადგენლები იუსტიციის მინისტრის ღონისძიების დაწყებამდე პრემიერ მინისტრის გადადგომის და 5 ივლისს განვითარებული მოვლენების დროს დამნაშავე ჯგუფების დასჯას მოითხოვდნენ, თუმცა მინისტრმა გეგმა შეცვალა და ღონისძიება ჩაშალა. ის დარბაზში აღარ შევიდა. მედიის წარმოამდგენლებმა კი თავიანთი პერფორმანსი მაინც ჩაატარეს.

გადადგეს ირაკლი ღარიბაშვილი!დაისაჯოს ყველა მოძალადე! - აღნიშნული მოთხოვნით 4-მა ტელეკომპანიამ მაუწყებლობა 24 საათით შეწყვიტა.

კერძოდ, დღეს აღარ მაუწყებლობენ: „ტელეკომპანია პირველი“, „მთავარი არხი“, „ფორმულა“ და „კავკასია“.

, ოთხივე  ტელეკომპანიის ეკრანებზე მხოლოდ შავი ფონია გამოსახული, რომელზეც თეთრი ასოებით წერია იმ ჟურნალისტებისა და ოპერატორების სახელები და გვარები, რომლებიც 5 ივლისის მოვლენებისას დაშავდნენ.