ძლიერმა წვიმის შედეგად ქუთაისში ქუჩები დაიტბორა.
მუშაობის საგანგებო რეჟიმზე გადავიდა ააიპ ,,სპეციალური სერვისები,,
,, ქალაქის სხვადასხვა ლოკაციებზე ცენტრალური ღვარსადენის მაგისტრალის გაწმენდის სამუშაოები აქტიურად მიმდინარეობს.,,-,,სპეციალური სერვისები,,
შინაგან საქმეთა სამინისტრო სოციალურ ქსელში ჟურნალისტ ელისო კილაძის მიერ გავრცელებულ, არასრულწლოვანის მიმართ განხორციელებულ ძალადობის ამსახველ ვიდეოს ეხმაურება.ვიდეოში ჩანს,როგორ ძალადობს და ცემს რამდენიმე მოზარდი არასრულწლოვანს.ფაქტს კი ტელეფონით იღებენ. გაზეთ ,,ქრონიკა პლიუსის,, რედაქტორის ინფორმაციით, ვიდეო ქუთაისშია გადაღებული.
,,აღნიშნულთან დაკავშირებით, 24 სექტემბერს, შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის ქუთაისის საქალაქო სამმართველოში დაწყებულია გამოძიება სისხლის სამართლის კოდექსის 126-ე მუხლის 1¹-ნაწილის ,,ა,, და ,,ბ,, ქვეპუნქტით.
საგამოძიებო მოქმედებების ფარგლებში არასრულწლოვანთა გამოკითხვა მოხდა მათი კანონიერი წარმომადგენლების თანდასწრებით და არასრულწლოვანთა საუკეთესო ინტერესების სრული დაცვით. იდენტიფიცირებულია საქმესთან შემხებლობაში მყოფი ყველა პირი. განხორციელებულია კანონით დადგენილი რეფერირების პროცედურა. საქმეზე გრძელდება შესაბამისი საგამოძიებო და საპროცესო მოქმედებები.
საქართველოს კანონმდებლობით, დაუშვებელია რაიმე ფორმით, საჯარო გახდეს ბავშვის პერსონალური მონაცემის შემცველი ჩანაწერი, რომელიც უკავშირდება არასრულწლოვნის მიმართ ან მის მიერ ჩადენილ ძალადობის შემთხვევას.
მოვუწოდებთ მედიის წარმომადგენლებს, განსაკუთრებული სიფრთხილით მოეკიდონ ბავშვთა პერსონალური ინფორმაციის დაცვას და იმოქმედონ არასრულწლოვანთა საუკეთესო ინტერესების გათვალისწინებით.
აქვე გვსურს აღვნიშნოთ, რომ განსაკუთრებით მაშინ, როდესაც საქმე არასრულწლოვნებს ეხება, მნიშვნელოვანია მედიის მიერ ფაქტის გადამოწმება ან მიმართვა შესაბამისი უწყებისთვის, ვიდრე საჯაროდ, სოციალურ ქსელში ან მედიაში მოხდება არასრულწლოვანთან დაკავშირებული ინფორმაციის იმგვარად გავრცელება, რამაც შესაძლოა არასრულწლოვანს დამატებით ტრავმა მიაყენოს.,,-შინაგან საქმეთა სამინისტრო.
